Luka 8:15 - Matu Chin New Testament 2006

¹⁵ Lai theen dawngah aka tla caangti thuingaihna tah: awlthang theen te a yaak tih thinkaw khuiah hinyahna, doengna oen a khoem tih a vui athaih toela uehna oen aka awm thlaang thli te thuingaihna ni,” a tina.

Matu Bible

¹⁵ Lai then dongkah rhoek, amih rhoek tah thinko then neh a then la aka om rhoek ni. Te dongah ol a yaak uh te a dueh uh tih uehnah neh thaihtak uh.

Luka 8:15 Iomraidhean Croise

Mathai 24:13

Tede a-u khaw aboettoe acakla aka pai tah thlawn la awm ai.

Luka 11:28

Tede Jesuh lawngah, “Pathen awl te a yaak tih aka vai tah metihtlukla a awmngaih tare ai!” a tina.

Luka 6:45

Thlaang theen lawngtah a thinkaw lungbui khuikah thaihu theen a tung asep khui kalawng atheen thaihu te a thoeng sak; thlaangthe lawngtah thaihu the a tung asep te a thoeng sak. Metihtiah thinkaw khuiah abetoet te hui a kaa lawng a thui.

Luka 8:14

Thliing ahaang tim ah aka tla caangti te thuingaihna tah: Pathen awl te a yaak u de he dilai khawsakna kah lakueng raina oen kuirangna oen ah awmtheenna lawng a khuk tih ahinghoek dawngah a vui athaih ahii la aka awm thlaang thli te ni.

Luka 8:16

“A-u lawngkhaw haiim te a vaang tih beeldung oen muek khoep nawh, ih-khun huiah khaw khueh nawh. Imkhui la thlaang a kuun vengah haiang te a huhna ham haivangna dawngah haiim te a khueh.

Johan 14:15

“Kai he nan lungna u atah, ka awlpeek he na vai ham awm.

Johan 15:10

A Pa kah awlpeek te ka vai tih a lungna khuiah ka awm van angla ka awlpeek thli he na vai u atah kai kah lungna khuiah na awm u.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

Rom 6:22

Tede tahe tah nangmi he thawlhna kalawng na loeih u poen tih Pathen kah sal la ni na awm u poen, Nang kah hoeikhangna tah na hingna te amah tengah na peek biit tih aphu tah dungyan hingna te ni.

Rom 7:18

Ka khuiah he thlaanghing la ka coenggna ah atheen awm nawh tila ka ming. Ka khuiah atheen sai ngaihna awm mai cakhaw atheen te ka sai thai nawh.

Rom 7:4

Maya manau thli, nangmi khaw te tila na awm u van. Nangmi tah Khrih kah pum vaang la na awm u poen dawngah Phungawl kah ukna khuiah hingna te na hoett u poen. Mami he Pathen kah biibina ah aphu aka awm la coeng ham tahe atah duekna kalawng aka tho koep Khrih kah thlaang la na awm u poen.

Rom 8:25

Tede mik huh nawh te n'ngaiuep u atah mami lawng kawdaw oen n'ring u.

1Korin 7:19

Metihtiah yahhuivuen reet oen reet nawh te n'tu la khaw coengg nawh; Pathen kah awlpeek vai he ni awlpui la a awm.

Ephesa 2:8

Pathen kah lungvatna rang oen ah oengna oen nangmi tah thlawn la na awm u. te tah mami kah yawmna oen nawh ni, Pathen kah kutdo ni. Tedawngah a-u khat ca khaw he kawngah oekthloen u ham awm nawh.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

Kolosa 1:6

Nangmi lawng Pathen kah lungvatna kawng na yaak cuekca kalawng te lungvatna te ataktangla na ming u veng atah nangmi tim ah apuung ataai van angla te awlthang theen tah dilai pum ah puung khonghak tih yotheen kam-awmna te m'peek.

Hebrew 10:36

Pathen kah kawngaih te na sai thaina ham oen ah amah awlkam thaihu te na dangna u ham thinsan kawdaw oen awm uh.

Hebrew 2:1

Tedawngah atloe abang la mami lawng m'phelh nawh ham n'yaak tangte awltak te acak tare la phoeih mangkhak ham awm.

James 1:4

Nangmi lawng voetna awm ohla aka soep tangtang thlaangsoep la na awm u thai ham, na tlim hau nawh ham aboet toela ueh u hawn.

1Johan 2:3

Mami lawng Pathen kah awlpeek te n'vai atah amah te m'ming u tite aciimla m'ming.