Luka 8:13 - Matu Chin New Testament 2006

¹³ Lungrawng sawah aka tla caangti te tah awlthang theen te a yaak tih awmngaih kawhoe la aka do thlaang te thuingaihna ni. Tede ahimi kaw khuiah ayung te caa khuek nawh. Kawlkalh ham bueng te a oeng u tih noekdakna tue a law veng atah tlim boeih u.

Matu Bible

¹³ Lungpang sokah rhoek te tah olka te a yaak uh vaengah omngaihnah neh a doe uh. Tedae te rhoek te a yung om pawh. Amih loh a tue kolkalh ham a tangnah uh tih noemcainah tue vaengah tah nong uh.

Luka 8:13 Iomraidhean Croise

Marku 6:20

Herod lawngtah Johan te thlaangdoeng oen thlaang ciim ni tila a ming dawngah a rih tih ading apuek cala a khueh. Herod lawng ahih kah awlthui te hutung ham a ngaih. Tede a awlthui te a yaak veng roekk ah awmngaih thai nawh.

Luka 8:12

Lawngpui ah aka tla caangti tah Pathen awl aka ya thlaang thli te thuingaihna ni; ahimi lawng oengna oen thlawnna te a dangna nawh ham Seitan lawngah law tih ahimi thinkaw khuikah awlthang te a lawh pe.

Luka 8:14

Thliing ahaang tim ah aka tla caangti te thuingaihna tah: Pathen awl te a yaak u de he dilai khawsakna kah lakueng raina oen kuirangna oen ah awmtheenna lawng a khuk tih ahinghoek dawngah a vui athaih ahii la aka awm thlaang thli te ni.

Johan 15:2

Ahih lawngah, dawngah athaih aka thaih nawh a beek-athleeng thli te a haih boeih tih athaih aka thaih nawh te khaw athaih ciil te athaihna ham a beek-athleeng thli te a coei pe.

Johan 15:6

A-u khaw kai dawngah aka awm nawh tah misur kah a beek-athleeng angla a voeih vetih reu ai; te ang a beek-athleeng te a cawi vetih hai dawngah a phum ai, te ah te ung boeih ai.

Johan 5:35

Johan he tah haialh aka aang haivang oen lo u tih nangmi lawngah ahih kah aangna khuiah kawlkalh ni awmtheen ham na ngaih u.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

1Korin 15:2

Te tah nangmi tengah kavan phawng awlthang theen te ni. Nangmi lawng acakla na phoeih khak u atah te kah awlthang theen rang oen nangmi thlawnna na dang u, te tih nawh atah nangmi kah oengna te ahong la ni a awm.

Galati 3:1

Nangmi Galati thlaangngau hue! Nangmi te a-u lawng a sii oen n'phueng u? Thinglam dawngah Jesuh Khrih kah a duekna te na mikthlaam ah aciimphanla tueng poen!

Galati 3:4

Nangmi lawng na huh na tawng boeih te ahong-ahii la aw a awm kang aih poen? Ahong-ahii la tah awm boeih nawh!

Ephesa 3:17

oengna rang oen ah nangmi kah thinkaw lungbui ah Khrih lawng a im te sa seh tila ka thangthui. Nangmi lawng lungna dawngah akung na liing tih thlengyung na thlaakna ham khaw ka thangthui,

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

Kolosa 2:7

Amah khuiah na yung te adungla thlaak langtah amah dawngah na hingna te im angla sa u lang nangmi te n'cang puei u poen angla na oengna te cak sak u lah. Tecoengah awmngaih ciil thuina oen betoet uh.

1Thessalonika 3:5

Tedawngah ni Timote kavan tuih. Ka kaw tamte tlaih nawh tih nangmi kah oengna kawng te ming ham ka ngaih dawngah ahih te kavan tuih. Nangmi te Seitan lawng n'suek u vetih kaimi kah bii boeih te apoeila coengg hau ai tite ka lakueng.

1Timothy 1:19

Thlaang khatsut lawng athetheen mingna kawpoek te n'tu la sak u nawh tih amami kah a oengna te a phe u.

Hebrew 10:39

Mami tah hu benla aka nawng koep thlaangpal paathaam nawh ni. Mami tah oengna aka khueh tih thlawn la aka awm thlaang ni.

James 2:26

Tedawngah muithla a awm nawh atah pum he duek, tetih van angla saina aka awm nawh oengna tah duek.

2Peter 2:20

Thlaang he mami Bawipa oen thlawnkung Jesuh Khrih a mingna rang oen dilai tuiilehkap kalawng a loeih u coengah te dilai tuiilehna lawng a tuuk koep tih a taa atah te thlaang te lamhacuek kah lak ah ahukhueng ah the-eep ngai.

2Peter 2:22

“Ui lawngah a lawkk a caak koep” tina awl oen “Awk lawngah tui thluk coengah nawng a nelh koep” tila a thui tatuk-awl soeng tangtang ti he ahimi lawng a tueng sak.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.

Jude 1:12

Ahimi lawng yahtaal pawk-arh la a caak a awk u tih nangmi kah lungna poeibuh veelna ah aka ciim nawh muenmawi oen lo u. Amami bueng ham te a poek u. Ahimi tah yilh lawng a yawng mailai khawtlantui aka awm nawh khawmai oen lo u. Atue atang ah pateng khaw aka thaih nawh thingkung thli oen lo u, ayung ruila phuk bangtlang tih aka duek roepsoet thingkung oen lo u.