Luka 7:6 - Matu Chin New Testament 2006

⁶ Tedawngah Jesuh te ahimi oen cet haih u tih, im te a pha tawm u atah raalbawipa lawngah a paya thli te avan tuih tih, “Bawipa, patang palai tlap boel. Ka im la nang na law ham ka koeih ka vaih nawh,

Matu Bible

⁶ Te dongah amih te Jesuh loh a caeh puei tih im pha ham pataeng hla voel pawh. Te vaengah rhalboei loh a puei rhoek te a tueih tih, “Boeipa, na tawnba mai pawt nim? Ka imphu ah na kun ham khaw a koihvaih la ka om moenih.

Luka 7:6 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Mathai 3:11

Thawlhna na yut poen tite tuengna ham kai lawngtah tui oen Baptisma kan peek u. Tede kai hu ah aka law thlaang lawngtah Ciim Muithla oen hai oen ah Baptisma m'peek u ai. Ahih tah kai lak ah lenduet tih kai tah ahih kah khawmuek pawm ham pateng ka koeih nawh.

Marku 5:24

Jesuh te ahih oen haih cet. Thlaang ping lawng Jesuh te a hu ah a vai u tih khatben khat bang kalawng Jesuh te a nen u.

Luka 5:8

Simon Piter lawng tete a huh vengah Jesuh haiah khuklu oen cuengkueng tih, “Bawipa, Kai he thlaangthawlh ni, n'ceh taak mai hawn!” a tina.

Luka 7:4

Ahimi te Jesuh tengla law u tih reenna te caalla a bih u, “He thlaang he na bawm roeroe hamla angoe.

Luka 7:5

Ahih lawngah mami phun he a lungna tih kaimi ham sinakok pakhat avan sak.” a tina u.

Luka 7:7

na tengla kamah law hamla khaw ka ting ka tawkk nawh tila ka poek u. Na awl mah thlaw doek mai, kai kah tuihyoeih-thlaang he hoeih mai badai.

Luka 8:49

Jesuh lawng awl a thui lii vengah te Jairu im kalawng thlaang pakhat rawkk-thenn va law tih, “Na canu duek poen, saya he kawhuet cakbat la khueh khiing tlaih boel,” tila Jairu tengah a thui pe.

Caeltueih 10:38

Nangmi lawng Nazaret khaaw kah Jesuh kawng oen ah ahih sawah Ciim Muithla oen tharana te metila Pathen lawng a lun pe tite a ming u. Ahih tah Pathen lawng a awm puei dawngah peng tawm ah te cet, theenna te a sai tih Raaithe bawi kah huham tharana kut khuiah aka awm boeih te a hoeih sak.

James 4:10

Nangmi lawngah namah oen namah te Bawipa haiah boe-ngai u lah, tetih atah nangmi te amah lawngah m'pawmsang badai.

James 4:6

Tede Pathen kah peek lungvatna tah a tha ra tare ngaai. Caciim lawngah, “Pathen lawngtah aka oekthloen u thlaang thli te a oel tih boe-ngaai thlaang thli te a reen,” tila a thui angla ni a awm.