Luka 7:47 - Matu Chin New Testament 2006

⁴⁷ Tedawngah, “Lungna aka lenduet lawng a thawlhna yahawh hlang te khawdawp a ngaai pe poen tite a tueng sakna ni. Tede a-u khaw a thawlhna tehca te khawdawp ngaai pe la aka awm thlaang lawngtah lungna tehca bueng te a tueng sak van” a tina.

Matu Bible

⁴⁷ Te dongah ni namah taengah kan thui, anih tah tholh a yet loh a hlah coeng dongah muep a lungnah. Tedae a yool a hlah pah long te tah a yool ni a lungnah,” a ti nah.

Luka 7:47 Iomraidhean Croise

Mathai 10:37

“A-u khaw kai lak ah a manu oen ana pa te a thintlawhna ngaai atah kai kah hubang la koeih nawh: A-u khaw kai lak ah a capa oen a canu te a thintlawhna ngaai atah kai kah hubang la koeih nawh.

Luka 7:39

Farasi thlaang lawng te kah hutaa lawng te tila a sai te a huh vengah a kaw khuiah te, “He thlaang he tawngha tangtang kawinih amah aka tek hutaa he a-u te ang thlaang ti te a ming vetih metila a thawlh ti khaw a ming ai,” tila a poek.

Luka 7:46

Nang lawngah ka luu suepna ham olif situi khaw nan pe nawh, tede ahih lawngtah riimtuui oen ka khow avan suep poen.

Luka 7:48

Tecoengah Jesuh lawng hutaa nala te, “Na thawlhna boeih te khawdawp ngaai la awm poen.” a tina.

Caeltueih 5:31

Israel thlaang thli te a thawlhna yut sak ham oen ahimi kah thawlhna te khawdawp ngaai pe ham ahih tah Pathen lawngah a bantang ben ah Mawtkung oen Thlawnkung la a pawmsang poen.

Rom 5:20

Phungawl he tah thawlhpalhna a puungna ham ni, tede thawlhna apuungna huen ah Pathen kah lungvatna khaw puung tare.

2Korin 5:14

Thlaang boeih hamla thlaang pakhat duek tih ahih kah a duekna ah te thlaang boeih duek van tite m'ming u dawngah Khrih kah lungna lawngah mami he n'uk poen.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Ephesa 6:24

Mami kah Bawipa Jesuh Khrih te aka duek nawh lungna oen ah aka lungna boeih sawah Pathen lungvatna awm hawn seh.

Philipi 1:9

Nangmi lawng atheen koek te na tuek thaina ham, nangmi kah lungna lawng cuihhoena tangtang oen ah nuemnai thaina oen haih a roeng tare hamla ka thangthui.

1Timothy 1:14

Mami kah bawipa lawngah amah kah lungvatna te yahawh hlang la ka sawah avan lun tih oengna oen lungvatna te m'peek. Khrih Jesuh oen pumkhat la awmna rang oen ah te ang thli te mami kah koe-ava la awm poen.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.

1Johan 3:18

Ka ca ka nau thli mami kah lungna he tah awlkaa hong mai ohla bii lawh thawhtatna dawngah aka tueng lungna taktak la a awm ham awm.

1Johan 4:19

Pathen lawng mami n'lungna lamha dawngah mami lawngkhaw n'lungna van.

1Johan 5:3

Metihtiah mami lawng Pathen n'lungna tila thuingaihna tah a awlpeek thli n'vai he ni. Ahih kah awlpeek te tah mami ham rai aih mai nawh,