Luka 7:19 - Matu Chin New Testament 2006

¹⁹ Bawipa te doet sak hamla a tuih, “Nang he Johan lawngah aka law ham koei thlaang a tite nang poen aw, tihnawhtah kaimi lawng thlaangtloe te ka ngaiuep u hun ai aw?” tila te a doet sak.

Matu Bible

¹⁹ Boeipa taengla a tueih tih, “Aka pawk la na om coeng atah a tloe ka lamso pueng aya?” a ti nah.

Luka 7:19 Iomraidhean Croise

Marku 6:7

A hubang thlaihih te a khue tun tih pahih, pahih ah a bok u sak tih a tuih u. Ahimi te raaithe hek thaina aana te a peek,

Luka 10:1

He coengah Bawipa lawng thlaang sawmsarih pahih te a tuek, ahimi te pahih pahih ah a bok u sak tih amah a cehna koei khaaw oen ahuen amawl boeih ah te a tuih.

Luka 11:1

Hin at vengah Jesuh tah ahuen pakhat ah thangthui. A thangthui coeng atah a hubang pakhat a tengla law tih, “Bawipa, Johan lawng a hubang thli a cang puei van angla thangthuina te kaimi n'cang puei u van lah,” a tina.

Luka 11:39

Tedawngah Bawipa lawng ahih nala te, “Nangmi Farasi thlaang thli lawngtah boengloeng oen beel te adauben tah na silh u, tede akhui ben tah tluung-athangna, athe thaihu oen betoet.

Luka 12:42

Bawipa lawngah, “Tetih atah, a-u nuem uep-awm tih aka cuih tuihyoeihthlaang la aka awm? Ahih tah a bawi lawng tuihyoeihthlaang thli cawmcah ham, atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Luka 13:15

Bawipa lawng ahih nala te, “Nangmi thlaangthaipalat hue! Nangmi lawng Sabbath khawhin ah na vaitaw khaw, lacano khaw seh, a kiingna rui te na thlam pe u tih tui awkk sak ham na mawt u de lah koen.

Luka 17:5

Celtuih thli lawng Bawipa nala, “Kaimi kah oengna he van roeng sak lah,” a tina u.

Luka 17:6

Bawipa lawngah, “Nangmi lawng antammu teh mai mah oengna te na khueh u atah he kah songlet thing he, ‘Na yung oen haih ah namah poek ah phuk u langtah tuitunlii ah namah poek ah liing u lah,’ na tina atah nangmi awl te avan ngaai ai,” a tina.

Luka 18:6

Tecoengah Bawipa lawng, “Adoengla awl aka cek nawh awlcekbawi kah awl te hutung u lah.

Luka 19:8

Zakia lawng pai hang tih Bawipa nala te, “Bawipa, hutung lah! Ka khueh thaihu avaang athal ah khawdeng thlaang thli ka pe ai, thlaang ka thai ka latna tih thaihu ka lawh pe atah apueh asawm let lii la ka sah ai.” a tina.

Luka 22:61

Bawipa tah dak maang tih Piter te rangpatang la a bueh heet, tevengah Piter lawng, “N'tu yiin aai a khaawk thlan ah kai he kan ming nawh tila voei thum toe na basa ai” tila Bawipa lawng a thui pe te lot a poek.

Luka 24:34

“Bawipa tah tho tangtang poen! Ahih tah Simon tengah phumpho poen!” tila te a thui u.

Luka 7:13

Bawipa lawng te kah huhainu te a huh vengah a reen tangkiik tih ahih nala te, “Rap tlaih boel” a tina.

Luka 7:20

Jesuh teng apha hih vengah ahih rawi lawng, “Johan lawngah aka law ham koei thlaang a tite nang he poen aw, tihnawhtah kaimi lawng thlaangtloe ka ngaiuep u hun ai aw,’ tila doet sak hamla kaihih he n'tuih” a tina.

Johan 11:2

(Meri he Bawipa kah a khow te riimtuui oen a suep tih a sam oen aka thuut te ni; sa aka ding nawh Lazaruh te tah ahih kah nganpa ni.)

Johan 4:1

Jesuh lawngah Johan lak ah hubang yahawh adang tih baptisma a peek tite a yaak u.

Johan 4:25

Hutaa lawng ahih nala, “Messiah law ai tite ka ming, ahih te a law veng atah soeprep boeih te kaimi tengah avan thui ai.” a tina.

Johan 6:23

Tiberias kalawng aka law atloe lowng thli te, Bawipa lawng awmngaih awl a thui coengah thlaangping lawng takawi a caakna huen tuikeeng ah te avan pha u.

Olphong 11:3

Kai lawng sausi la thlaang pahih ka tuih ai, ahih rawi lawng tlamhi te a bai hih vetih khawhin thongkhat yahnih sawmruk khui Pathen awl te a phawng hih ai.” tila a thui.