Luka 6:20 - Matu Chin New Testament 2006

²⁰ Jesuh lawng a hubang thli te a bueh tih, “Nangmi khawdeng thlaang thli tah yotheen kam-awmna na dawng u; Pathen Ram tah nangmi ham ni!

Matu Bible

²⁰ Te phoeiah a hnukbang rhoek te Jesuh loh a mik a huel thil, “Khodaeng rhoek tah a yoethen pai, Pathen ram tah nangmih kah ni.

Luka 6:20 Iomraidhean Croise

Mathai 11:5

Mikpum lawng a mik tueng poen, Khawkheem lawng cet thai poen, haibe aka na lawng hoeih poen, haapang lawng awl a yaak, thlaangduek thli lawng tho tih khawdeng harah thli tengah Awlthang Theen phawng la awm poen.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Mathai 5:1

Jesuh lawng thlaangping hue te a huh vengah, tlaangsawm la luui hang tih te ah te ngawl. A hubang hue lawng ahih te a veel u.

Luka 12:32

“Rih u boel, metihtiah nangmi te na Pa lawng Vaan Ram peek ham a ngaih.

Luka 13:28

Nangmi lawng Pathen Ram khuiah Abraham, Isak, Jakob oen tawngha thli te na huh u ai. Nangmi tah adauben ah na rap vetih na naw te cakcak na rueng u ai!

Luka 14:15

Te kah buh veelna ah aka ngawl thlaang pakhat lawng he awl he a yaak vengah Jesuh nala te, “Pathen Ram khuikah buhlawi poei ah aka thuum van tah yotheen aka dawng ni!” a tina.

Luka 16:25

Tede Abraham lawngah, ‘Ka capa, na hing khui puet ah thaihu theen boeih te m'peek poen, Lazaruh lawngtah athe thaihu boeih adang te ming lah saw. Tede, tahe ah ahih tah he ah he awmtheen a boenn tih nang tah patang na khang poen.

Luka 4:18

“Bawipa kah Muithla tah ka sawah awm, metihtiah khawdeng lungma thli tengah awlthang theen thui hamla ahih lawng kai he n'tuek poen. Sal la a khawh khaklal thlaang thli tengah loeihna te thui hamla, mikpum haiying thli a mik a tueng koepna ham; Heemtekna patang khang thlaang thli a loeihna ham,

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

2Korin 6:10

Kaw avan the sak u de ka awmngaih u yoeyah; kaimi khawdeng thlaang angla ka awm u de, thlaang yahawh te ka bawi sak u, thaihu khat khaw khueh nawh angla ka awm u de, atak tang atah kaimi lawng soeprep ka khueh ka toen u.

2Korin 8:2

Ahimi tah patang khangna oen noekdak la awm u, tede ahimi tah awmngaih u tangkiik mai, amami ngoen khawdeng u mai de peekna ben atah a moeihoeih u tangkiik.

2Korin 8:9

nangmi lawng mami Bawipa Jesuh Khrih kah lungvatna te na ming u; ahih tah bawi soeh mai de nangmi kah theenna ham khawdeng thlaang la coengg, he tila khawdeng la a awmna oen ah nangmi te kuirang thlaanglen la coengg sak ham a ngaih dawngah ni.

1Thessalonika 1:6

Nangmi lawng kaimi oen Bawipa kah moeiboe te na oett u, patangraina yahawh hlang na tawng u vengah khaw, Ciim Muithla tengkah aka law awlthang te awmngaih oen na do u.

2Thessalonika 1:5

He ang thli boeih lawngah Pathen kah awlcekna tah doeng tila a tueng sak tih nangmi tah Pathen Ram oen ah aphu ating-atawkk thlaang la na coengg u ai. Te ham ni nangmi lawng patangraina na khang u.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!