Luka 5:30 - Matu Chin New Testament 2006

³⁰ Farasi thlaang khatsut oen amami bu khuiah aka thuum van Phungawl cangpueikung khatsut lawng Jesuh kah hubang thli tengah te caitoek u tih, “N'tu ah nangmi lawng mangmu cawikung hue oen thlaangthawlh thli oen ah buh te na caak na awkk haih u?” a tina u.

Matu Bible

³⁰ Te dongah Pharisee rhoek neh cadaek rhoek loh Jesuh kah hnukbang rhoek te a kohuet thil uh tih, “Balae tih mangmucoi rhoek neh hlangtholh rhoek taengah na caak na ok uh?” a ti na uh.

Luka 5:30 Iomraidhean Croise

Mathai 5:46

Nang aka lungna bueng te na lungna atah metila Pathen lawng kutdo m'peek ai? Mangmu cawikung hue lawng pateng te tila a sai u van!

Mathai 9:11

Farasi khatsut lawng te tila buh a veel haih u te a huh vengah a hubang hue te, “N'tu ah na saya lawng mangmu cawikung oen thlaangthawlh hue oen ah buh haih a caak? tila a doet.

Marku 2:16

Te tila Jesuh lawng thlaangthawlh thli oen mangmu cawikung hue oen ah buh a veel haih u te Phungawl cangpueikung khatsut oen Farasi thli lawng a huh u vengah, “N'tu dawngah he ang thlaang thli oen ahih lawng buh haih a caak u?” tila a hubang hue te a doet u.

Marku 7:3

Farasi boeih oen Judah thlaang boeih lawng patuer hue kah cangpueina te a vai u; amami kah siing angla kut a silh u nawh atah buh ca u nawh;

Marku 9:16

Jesuh lawng a hubang hue te, “Nangmi he ahimi oen ah n'tu kawng na oelh u khiing te?” tila a doet.

Luka 18:11

Farasi thlaang lawngtah amah bueng pai tih, “Aw, Pathen, kai tah ngaihmoekna aka khueh thlaang, hoem thui thlaang, samphaih thlaang, he ang thlaang thli angla ka awm nawh dawngah kan uem tangkiik. He kah mangmu cawikung angla khaw ka awm nawh dawngah kan uem baal

Luka 19:7

Te tila a awm te thlaang thli lawng a huh u vengah, “He kah thlaang he thlaang-thawlh im ah pah hamla a ceh maica!” ti tih caitoek u.

Luka 5:17

Hin at ah Jesuh lawng a cang puei u lii vengah te Galili oen Judah ram kah khawpui boeih oen Jerusalem kalawng aka law Farasi thlaang khatsut oen phungawl cangpueikung thli te ngawl u. Thlaangtlo hoeih sakna hamla Bawipa kah huham tharana tah Jesuh tengah awm.

Luka 5:21

Phungawl cangpueikung thli oen Farasi thlaang thli lawng, “Pathen thekhana awl aka thui he kah thlaang he a-u? Pathen pakhat bueng lawng ni thawlhna khawdawp a ngaai thai ta!” tila ahimi lawng a poek u.

Luka 7:34

Thlaanghing Capa lawngah law tih a caak, a awkk, tevengah nangmi lawng, ‘He thlaang he bueh u lah! caruut aw lam thlaang ni, mangmu cawikung thli oen thlaangthawlh thli kah paya ni!’ na ti u.

Luka 7:39

Farasi thlaang lawng te kah hutaa lawng te tila a sai te a huh vengah a kaw khuiah te, “He thlaang he tawngha tangtang kawinih amah aka tek hutaa he a-u te ang thlaang ti te a ming vetih metila a thawlh ti khaw a ming ai,” tila a poek.

Caeltueih 23:9

Ahimi kah awlpuungna awl te san tare hang tih Farasi thlaang timkah cangpueikung khatsut te pai u tih: “He kah thlaang dawngah he a thawlhna khat khaw ka hu u nawh! Muithla pakhat lawngkhaw, vanthlaang lawngkhaw a thui pe thai mai ta” tila a oelh khaklal u.