Luka 5:24 - Matu Chin New Testament 2006

²⁴ Tedawngah Thlaanghing Capa lawng dilai dawng thawlh khawdawp ngaai thaina aana a khueh tite nangmi kan ming sak u ai.” a tina. Tedawngah aka khawn thlaang te, “Tho loeih, namah kah himbaiphaih he lo langtah namah im la cet loeih, kan tina he!” a tina.

Matu Bible

²⁴ Te daengah ni hlang capa loh diklai dongah tholh hlah hamla saithainah a khueh te na ming uh eh,” a ti nah. Aka khawn te khaw, “Namah khaw kan thui eh, thoo, na thingkongca te khuen lamtah namah im la cet laeh,” a ti nah.

Luka 5:24 Iomraidhean Croise

Mathai 16:13

Jesuh lawng Sisaria Filipi khawpui tengvaai ah cet tih te huen ah a hubang hue te, “Thlaang thli lawng Thlaanghing Capa he a-u a ti u? tila a doet.

Mathai 25:31

Jesuh lawng “Thlaanghing Capa tah Sengpahrang angla vanthlaang thli boeih oen law vetih a bawi ngawlhcoen dawngah ngawl ai.

Mathai 26:64

Jesuh lawng, “Na thui angla soeng! Tede nangmi boeih tengah kavan thui u; tahe kalawng Thlaanghing Capa tah Thara koek bantang ben ah ngawl vetih vaan kah muui dawngah a rum thuk te na huh u ai,” a tina.

Mathai 28:18

Jesuh lawng ahimi tengla cet phai tih. “Dilai oen vaan kah saithaina aana boeih kai m'peek poen.

Mathai 4:24

Ahih kawng awlthang te Siria ram pum ah thaang khok tih aka tlo thli, tlawhnatna oen patang raina soeprep aka khang, raaithe lawng a kuun thil thlaang thli, raaihum tlawhna aka tlo, aka khawn thli boeih te avan law puei u tih Jesuh lawng a hoeih sak boeih.

Mathai 9:6

Thlaanghing Capa lawng dilai sawah thawlh khawdawp ngaai thaina a khueh ti he kan ming sak u ai,” a tina tih aka khawn thlaang te “Tho lah, na himbai te lo lang im la cet loeih!” a tina.

Luka 5:13

Jesuh lawng a kut a thueng tih ahih te a tek, “Ka ngaih ta, hoeih hawn loeih.” a tina. Kawlkalh ah te thlaang te haibe natna hoeih pahoei.

Luka 5:18

Thlaang khatsut lawngah aka khawn thlaang pakhat te a himbai phaih dawngah avan kawh u, ahih te Jesuh haiah khueh pe ham im khuila khuen hamla te a yawm u.

Luka 5:23

‘Na thawlhna boeih khawdawp ngaai la awm poen,’ tihnawhtah, ‘Tho lang cet loeih’ tila thui he aw aka yoei bet kai?

Luka 7:14

Tecoengah Jesuh te cet phai tih repp te a tek, tevengah rawkk aka kawt thlaang thli te cot pai u. Jesuh lawng, “Cadawng tawngpang! Tho hang lah, kan tina he!” a tina.

Luka 8:54

Tede Jesuh lawng a kut ah camaw te a phoeih tih, “Ka canu, tho lah!” a tina.

Johan 11:43

He tila a thui coengah angaihhlangla a khue tih, “Lazaruh law lah!” a tina.

Johan 17:2

Nan peek boeih te dungyan hingna ka peek thaina ham thlaang boeih sawah sai thaina aana te nan peek poen.

Johan 3:13

Vaan kalawng aka law thuk Thlaanghing Capa nawh atah a-u khat khaw vaan la luui nawh.

Johan 5:27

Tecoengah a Capa tah Thlaanghing Capa la a awm dawngah awl cek thaina te a peek poen.

Caeltueih 14:10

angaih hlang la ahih nala te, “Tho lang pai hang lah!” a tina. Te thlaang lawng cungpet tih yingyawi.

Caeltueih 5:31

Israel thlaang thli te a thawlhna yut sak ham oen ahimi kah thawlhna te khawdawp ngaai pe ham ahih tah Pathen lawngah a bantang ben ah Mawtkung oen Thlawnkung la a pawmsang poen.

Caeltueih 9:34

Piter lawng ahih nala te, “Anias, Jesuh Khrih lawng na sa avan ding sak poen. Tho langtah na ihphah te yaawl.” a tina tih Anias te pahoei tho.

Caeltueih 9:40

Piter lawng ahimi boeih te im han kalawng ram la a ceh sak coengah khuklu oen cuengkueng tih thangthui; tecoengah rawkk benla maang tih, “Tabita, tho lah!” a tina. A mik a daai tih Piter te a huh vengah tho tih ngawl.

Olphong 1:13

Te haivangna pasarih laklaw ah thlaanghing oen aka lo u pakhat pai, a khowsai toe aka pha baidung te a bai tih a raang dawngah sui cihin oen yeen u.