Luka 3:1 - Matu Chin New Testament 2006

¹ Sengpahrang sangluel Teberias lawng a ram a ukna kum thlaingaa a law vengah te Pontias Pilat tah Judia ram ukkung la awm, Herod tah Galili ram ukkung la awm tih a manau Filip tah Ituria oen Trakhonitis ram ukkung la awm; Lisanias tah Abilen ram ukkung la awm tih,

Matu Bible

¹ Tiberius Kaisar a manghai kum hlainga vaengah Judea te Pontius Pilat loh a taem tih, Herod te Galilee ah khoboei la om. A manuca Philip tah Ituraea neh Trakhoniti kho kah khoboei la om. Lusania tah Abilene kah khoboei la om.

Luka 3:1 Iomraidhean Croise

Mathai 14:1

Teveng tue ah Galili peng ukkung Herod lawng Jesuh kawng te a yaak.

Mathai 14:3

Teveng thlan ah Herod lawng Johan te a tuuk sak tih thong khuiah a thlaak. Ahih lawng tila a sai he tah a manau Filip kah a yu Herodias kawng dawngah ni.

Mathai 14:6

Herod a cuunna hin ah Herodias canu lawng kamyin thlaang yahawh haiah laam. Herod tah a kaw hoe tangkiik tih,

Mathai 22:17

Tedawngah na poekna van thui lah, Rom Sengpahrang tengah mangmu peek he mami kah Phungawl lawng a ngaih aw, ngaih nawh aw?” tila a doet u.

Mathai 27:2

Ahih te thiirui oen a khih coengah a ceh puei u tih Rom ram ukbawi Pilat kut ah a peek u.

Marku 6:17

Herod amah roe lawngah tuuk sak tih thiirui oen khih coengah thongim ah thlaak ham awl a peek. He tila a sai he tah Herod lawng a manau Filip yu Herodias te a rot pe dawngah ni.

Marku 6:21

Hukhueng atah Herod a cuunna khawhin ah atue theen te Herodias lawng a dang. Herod lawng amah a awmna khawhin ah ukkung bawi thli, raalbawi thli oen Galili ram kah hinyah koei ahaamca thli hamla poei a sai pe.

Luka 13:31

Tevengah te Farasi thlaang khatsut a tengla law u tih Jesuh nala te, “Herod lawng nang he ngawn ham a ngaih dawngah he kalawng atloela cet loeih” a tina u.

Luka 2:1

Tevengah te Sengpahrang sangluel Awkastas lawng Rom ram pum ah thlaangmi soep hamla awl a peek.

Luka 23:24

Tedawngah ahimi lawng a bih khiing u awltloekna te Jesuh sawah Pilat lawng a sai pe.

Luka 3:19

Tede ukkung bawi Herod lawngah a manau yu Herodias te a rot tih a yuna dawngah khawseh, atloe athe thaihu broela a sai dawngah Johan lawng ahih te a siim.

Luka 9:7

Galili ram ukkung Herod lawngah he tila thaihu aka thoeng hang kawng he a yaak vengah, thlaang khatsut lawng Baptisma pekung Johan he hing koep tila a thui u dawngah a ngaai hang sut.

Caeltueih 23:26

“Klaudias Lisias lawng Hinyah koei ram ukbawi Filip tengah ca kavan pat:

Caeltueih 24:27

Khaw kum hih a awm coeng atah Filik te Porcias Fitas lawng avan thaw tih ram ukbawi la awm. Filik lawng Judah thlaang thli te a kaw hoe sak ham a ngaih dawngah Pawl te thong khuiah poe a khueh.

Caeltueih 26:30

Tecoeng atah sengpahrang khaw, ram ukbawi khaw, Berni oen atloe boeih te tho u tih,

Caeltueih 4:27

Metihtiah Herod oen Pontias Pilat tah he khawpui khuiah Gental thlaang thli oen Israel thlaang thli oen ah nang kah aciim Tuihyoeihthlaang Messiah la na sai Jesuh te oel khak hamla tun u tangtang.