Luka 24:27 - Matu Chin New Testament 2006

²⁷ Tecoengah Jesuh lawng Mosi kah cabu dawng kalawng a tong tih tawngha boeih kah cathut toe ah Caciim boeih dawngah amah kah kawng alam a thut te a hih rawi tengah a thuicaih pe.

Matu Bible

²⁷ Moses lamkah a tong tih tonghma rhoek boeih neh cacim boeih khuiah khaw amah kawng te amih ham a thuicaih pah coeng.

Luka 24:27 Iomraidhean Croise

Marku 4:34

Ahih lawng thuidoetna hawna muehla ahimi tengah awl thui pe nawh, tede Jesuh he a hubang hue oen amami bueng a awm u vengah soeprep thaihu boeih te a thuicaih pe.

Luka 24:25

Tevengah Jesuh lawng te rawi nala te, “Metila na ngau hih aih! Tawngha thli lawng a thui boeih te tangna hamla na kawpoek yaai hih aih he!

Luka 24:44

Tecoengah ahimi tengah, “Mosi kah Phungawl khuiah khaw, tawngha thli kah ca thut dawngah khaw, Saam laabu dawngah kai kah kawng alam a thut boeih te asoep ham awm tila nangmi teng ka awm vengah kavan thui u te he kah thaihu thli he ni.” tila a thui pe.

Johan 1:45

Filip lawng Nathanael te a huh tih, “Mosi lawng Phungawl cabu dawngah akawng alam a thut tih tawngha thli lawngkhaw akawng alam a thut thlaang te kaimi lawng ka huh poen. Ahih tah Nazaret khaw kah Josep capa Jesuh te ni” a tina.

Johan 12:41

Isaiah lawng Jesuh kah ruep-awmna te a huh dawngah ni ahih lawng te tila a thui.

Johan 5:37

Tecoengah tuihkung Pathen lawngkhaw kai yuengla sausi a deng ai. Nangmi lawng ahih awl te na ya nooek u nawh, a mik-hai te na huh nooek u nawh dawngah

Johan 5:39

Nangmi lawng Caciim khuiah dungyan hingna ka huh ai tila na poek u tih Caciim na thoel na laang u. Caciim lawngah he kai kah kawng alam ni a thui.

Caeltueih 10:43

A-u khaw ahih te aka tangna boeih tah a miing huham tharana oen ah a thawlhna te khawdawp a ngaai pe ai tila tawngha boeih lawng ahih kawng te a thui u.” a tina.

Caeltueih 3:18

Yan vengah Pathen lawng tawngha boeih tengah, amah kah Messiah lawngah patang a khang ai tila a thui oepsoeh te amah lawng te tila asoep sak.

Caeltueih 3:22

Mosi lawngah, ‘Bawipa na Pathen lawng nangmi khuikah thlaang kai angla tawngha pakhat te nangmi ham avan tuih ai. Nangmi lawng na sai u ham koei soeprep boeih avan thui te na hutung pe u ai.

Caeltueih 3:24

Samu-el oen ahih coeng kah aka law tawngha boeih lawngkhaw tahe vengah aka thoeng ham koei thaihu thli he a thui u.

Caeltueih 7:37

‘Pathen lawngah namami khuikah thlaang tawngha pakhat te kai angla avan tuih ai’ tila Israel thlaang thli tengah aka thuikung te tah Mosi ni.

Caeltueih 8:35

Tecoeng atah Filip lawngah te kah caciim awl kalawng ah a tong pe tih Jesuh kawng Awlthang Theen te ahih tengah a thui pe.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.