Luka 23:2 - Matu Chin New Testament 2006

² Te ah te ahimi lawng thawlh a peel u, “He kah thlaang lawngah thlaangping he a mawt thawlh, Sengpahrang sangluel tengah mangmu peek nawh ham a thui pe tih amah oen amah te Messiah a ti u sengpahrang ni tila a thui.” a tina u.

Matu Bible

² Te vaengah Jesuh te pahoi a paelnaeh uh tih, “Anih loh mah namtu he a pamdah sak, Kaisar taengah mangmu paek ham te a paa sak tih amah te, 'Khrih manghai ni,' a ti khaw ka hmuh,” a ti uh.

Luka 23:2 Iomraidhean Croise

Mathai 17:27

Tede he thlaang hue he a thinsa sak ham ka ngaih nawh. Tedawngah tuilii la cet lang nga vaih lah. Lamhacuek la na tuuk nga kah a kaa khuiah nang oen kai ham Tempal mangmu peek khoek tangka na dang ai. Te tangka te lo langtah mahih kah mangmu la ahimi te pe hawn, a tina.

Mathai 22:21

Ahimi lawng, “Sengpahrang kah a muei oen a miing awm,” ti u. Tedawngah Jesuh lawng, “Tetih atah sengpahrang koe te sengpahrang pe u langtah Pathen koe te Pathen pe uh,” a tina.

Mathai 27:11

Rom ram ukbawi haiah Jesuh a pai vengah ram ukbawi lawng, “nang he Judah sengpahrang tang aw?” tila a doet. Jesuh lawng, “Na thui angla ka awm,” a tina.

Marku 12:17

Tedawngah Jesuh lawng, “Tetih atah Sengpahrang kah koeva te Sengpahrang pe u langtah Pathen koe te Pathen pe uh,” a tina. Te tila te ahimi tah Jesuh sawah a kawpoek rai sut u.

Marku 15:2

Pilat lawngah, “Nang he Judah sengpahrang tang aw?” tila awl a doet. Jesuh lawng, “Na thui angla soeng,” a tina.

Luka 23:14

ahimi nala te, “Nangmi lawng he kah thlaang lawngah thlaang a mawt thawlh na ti u dawngah ka tengla navan law puei u. Tahe nangmi haiah ahih he awl ka khee poen, nangmi lawng thawlh na pup angla ahih lawng lumlai a thawh sak te khat khaw ka hu nawh.

Luka 23:5

Tede ahimi lawngah anauh ngaai la awl a huer u tih, “He kah thlaang lawngah amah kah cangpueina oen awlpuungna a sai. Ahih lawng Galili kalawng a tong tih tahe ah he la he avan pha.” tila thawlh a pup u.

Johan 18:29

Tedawngah Pilat lawng adauben la cet tih ahimi te a doet, “He thlaang lawngah n'tu thawlhna a sai dawngah navan khuen u?” a tina.

Johan 18:30

Ahimi lawngah, “He thlaang lawng he lumlai lo nawh kawinih nang tengla kavan khuen u nawh mue.” a tina u.

Johan 19:12

He tila a thui te Pilat lawng a yaak vengah Jesuh thlah ham oen ah loeih sak ham along a-im te a tlap. Tede thlaangping lawngah paang koep u tih, “Nang lawng ahih te na loeih sak atah nang tah Sengpahrang sangluel kah paya tlaih nawh ni! A-u khaw amah oen amah te sengpahrang ni aka ti boeih tah Sengpahrang sangluel te aka raalna thlaang poen ni!” ti u.

Caeltueih 24:13

Tahe ah ahimi lawng ka sawah thawlhpeelna he asoengna tangtang te nang tengah van thui u tang manawh.

Caeltueih 24:5

Kaimi lawng he kah thlaang he thlaang teekyaakkung la ka huh u: ahih lawng he dilai pum kah Judah thlaang thli tengah awlpuungna a sai tih Nazarin bu kah mawtkung la awm,

Rom 13:7

Tedawngah ahimi na peek ham koei te tah pe uh; namah kah pumpakla peek ham koei mangmu oen kaawn-ava phu mangmu te khaw pe u langtah ahimi boeih te mik-hai yahna lang hinyah uh.