Luka 22:53 - Matu Chin New Testament 2006

⁵³ Kai he khawhin roekk ah Tempal bok-im ah nangmi oen n'awm u ta, tevengah te nan tu u nawh. Tede yiin tharana lawng a uk lii tahe vengah he nangmi kah saina hamla a tue theen ni.” a tina.

Matu Bible

⁵³ Hnin takuem bawkim khuiah nangmih taengah ka om tih' kai soah kut na thueng uh moenih. Tedae tahae tue neh yinnah kah saithainah tah nangmih ah om,” a ti nah.

Luka 22:53 Iomraidhean Croise

Mathai 21:23

Jesuh te Tempal bok-im la law koep tih a cang puei lii vengah khawsoeih ahaamca thli oen Judah ahaamca thli a tengla law u tih, “Mekah saithaina aana oen he ang he na sai? A-u lawng saithaina aana he m'peek?” tila a doet u.

Luka 22:52

Tecoengah Jesuh lawng khawsoeih ahaamca thli oen tempal bok-im aka toet thli kah a bawi hue oen ah a tengla aka law ahaamca boeih nala te, “Kai he thlaanghuuen la ka awm dawngah aw nangmi lawng samsen oen boelhoen oen ah nan law thil u?

Luka 22:54

Ahimi lawng Jesuh te a tuuk u tih Khawsoeih Bawi im la te a ceh puei u; Piter lawngah athla ngaai kalawng soei soei a vai.

Johan 12:27

Jesuh lawng, “Ka kawpoek patang tangkiik mah aw, n'tu ka thui lah ai? ‘A Pa, he kah atue he ka sawah van pha sak mai boel,’ tila aw ka thui lah ai? Tede patang khangna atue he tawng ham ni ka law roe.

Johan 13:30

Judah lawng takawi te a do tih cet pahoei poen. Teveng te tah khawyiin thlemkhuep poen ni.

Johan 14:30

He dilai ukkung te law poen ai, tedawngah nangmi oen awl asan hlang la n'thui u tlaih manawh. Ahih lawng ka sawah huham tharana te khueh thai manawh,

Johan 7:30

Te vengah te ahimi lawng ahih te tuuk ham a yawm u de ahih kah atue a pha thlan dawngah a-u khat lawngkhaw tu u nawh.

Johan 7:45

Raalkap hue te a meel u koep veng atah khawsoeih ahaamca thli oen Farasi hue lawng ahimi nala te, “Ahih te n'tu ah navan khuen u nawh.” tila a doet.

Caeltueih 26:18

Nang lawng ahimi te a mik na daai sak vetih yiinna kalawng aangna la, Seitan kah tharana khui kalawng Pathen tengla na mang sak ai, te dengah ni ahimi lawng kai he oengna rang oen ah thawlh khawdawp ngaaina te a khueh u vetih Pathen kah thlaangtuek thli tim ah ahuen amawl a dang u van ai’ tila avan thui” a tina.

Ephesa 6:12

Metihtiah mami lawng thlaanghing te n'teek u nawh tih vaan benkah muithla the kah tharana, ukkung thli, saithaina aana khuehkung thli, tahe yiinna san kah khawhipuempa tharana huham oen ni n'teek u.

Kolosa 1:13

Amah lawng mami he yiinna thara huham khui kalawng n'thlawn tih a lungna a Capa ram khuiah ngaimawngla te n'kuun poen;