Luka 22:32 - Matu Chin New Testament 2006

³² Tede Simon, na oengna te a tlaakna nawh ham ah nang ham ka thangthui. Tecoengah ka tengla koep na maang phai vengah na maya manau thli te tha van ra sak.” a tina.

Matu Bible

³² Kai tah nang kah tangnah te a muei pawt ham ni nang ham ka thangthui. Tedae na bal vaengah na manuca rhoek te duel nawn,” a ti nah.

Luka 22:32 Iomraidhean Croise

Mathai 18:3

“Atak tang kavan thui u, nangmi lawng na kaw na thaw tih camaw hue angla na awm u nawh atah Vaan ram khuiah na kuun u thai manawh,” a tina.

Mathai 26:75

Jesuh lawng, “Aai a khawk thlan vengah voeithum toe kan ming nawh nan tina ai,” a tina awl te Peter lawng a poek lot vengah adaubenla te cet, a kawsi la dung tih rap.

Marku 14:72

Tecoeng khoeng ah apabe la aai khaawk tih Piter lawng Jesuh awl “Aai voeihih a khaawk thlan ah, kai he kan ming roe nawh, voei thum toe na ti ai” a tina awl te a poek lot tih rap.

Marku 16:7

Tahe ah cet u langtah a hubang hue oen Piter te, he awlthang he thui pe uh: “Ahih tah nangmi haiah Galili la cet; nangmi tengah avan thui angla te ah te na huh u ai,” tila van thui pe uh,” a tina.

Luka 8:13

Lungrawng sawah aka tla caangti te tah awlthang theen te a yaak tih awmngaih kawhoe la aka do thlaang te thuingaihna ni. Tede ahimi kaw khuiah ayung te caa khuek nawh. Kawlkalh ham bueng te a oeng u tih noekdakna tue a law veng atah tlim boeih u.

Johan 14:19

Kawlkalh a awm coeng atah dilai lawng kai he n'hu tlaih manawh, tede nangmi lawngtah nan huh ai; kai tah ka hing dawngah nangmi khaw na hing u van ai.

Caeltueih 3:19

Tedawngah nangmi kah thawlhna te khawdawp a ngaaina ham thawlhna yut u langtah Pathen tengla meel u lah.

Rom 8:32

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

Rom 8:34

Tedawngah ahimi te a-u lawng thawlh a peel thai ai? Khrih Jesuh lawngkhaw thawlh peel manawh; Ahih tah duek, tede tho koep, Pathen bantang ben ah ngawl tih mami hamla reenna avan bih.

2Timothy 2:18

Ahih rawi lawng awltak lawngpui te a ceh taak hih tih, thawhkoepna tah awm coeng poen, tila a thui hih dawngah thlaang khatsut kah oengna te plet-plawng la a sai hih.

Titus 1:1

Pathen kah tuihyoeihthlaang oen Jesuh Khrih kah celtuih kai Pawl lawng ca kavan pat. Pathen lawng a tuek thlaang thli kah oengna cak sak ham oen mami kah bokna oen awltak cangna ah ahimi te mawt hamla tuek la ka awm tih n'tuih.

Hebrew 12:15

Pathen kah lungvatna te a-u lawngkhaw mangthawng taak nawh ham ngaithuen uh. Thingkha thing lawng roeng hang tih asue oen thlaang te raina boehoengla a peek angla a-u khatca khaw awm u boel.

Hebrew 7:25

Tedawngah amah teng kalawng Pathen teng aka law hue te tahe ah khaw, yoeyahla a thlawn thai, metihtiah ahih tah dungyan hing tih ahimi ham Pathen tengah reenna aka bih pe hamla awm.

1Peter 1:1

Jesuh Khrih kah celtuih kai Piter lawngah-- Pontas peng, Galati peng, Kappadocia peng, Asia oen Bitinia peng ah thlaangpoeng poedoe angla aka awm tih aka yan khok Pathen kah thlaangtuek thli tengah ca kavan pat.

1Peter 1:13

Tedawngah bii bi hamla na thinkaw te roekbah oepsoeh uh. Ahuertuela awm u lang, Jesuh Khrih a tueng vengah na dang ham koei lungvatna kutdo dawngah na ngaiuepna te khueh uh.

1Peter 1:5

Atue boetna apha vengah tueng sak hamla a khueh oepsoeh thlawnna te oengna rang oen ah Pathen kah huham tharana lawng akhoem abeel tih nangmi ham vaan ah avan khueh ro na pang ham koei ni.

2Peter 3:14

Tedawngah ka paya thli, te Khawhin te na lamtoen u vengah Pathen huh ah aka ciim tih cawttbauh kap ohla awm ham yawm u lang amah oen roeproeicala awm uh.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.