Luka 22:29 - Matu Chin New Testament 2006

²⁹ a Pa lawng ka tengah ukna aana m'peek van angla nangmi khaw kan pe van ai.

Matu Bible

²⁹ Ram te a pa loh kai taengah a hal bangla nangmih taengah kai loh kang hal coeng.

Luka 22:29 Iomraidhean Croise

Mathai 24:47

Tedawngah atak tang kavan thui u: te kah tuihyoeihthlaang te a bawi lawng a koeva boeih te khoembelkung la a khueh ai.

Mathai 25:21

A bawi lawng ‘Nang tah, ueppangna koei tuihyoeihthlaang la na awm! Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law langtah ka awmngaihna khuiah kuun van,’ a tina.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Mathai 28:18

Jesuh lawng ahimi tengla cet phai tih. “Dilai oen vaan kah saithaina aana boeih kai m'peek poen.

Mathai 5:10

“Pathen kawngaihna a sai dawngah heemtekna aka ming thli tah yotheen kam-awmna aka dawng thlaang la awm; Vaan ram tah ahimi kah ni!

Mathai 5:3

“Thlaang soep nawh la ka awm tila aka ming tah yotheen kam-awmna aka dawng thlaang la awm; Vaan ram tah ahimi kah ni!

Luka 12:32

“Rih u boel, metihtiah nangmi te na Pa lawng Vaan Ram peek ham a ngaih.

Luka 19:17

Tevengah ahih lawng, ‘Theen! Nang tah aka theen tuihyoeihthlaang ni! Nang tah thaihu tehca dawngah uep-awm la na awm tih khawpui paha ukkung la kan khueh ai.’ a tina.

1Korin 9:25

Loehlangna hengna poei ah thuum ham aka ngaih boeih lawngah atlawh hlangla amah oen amah phep u, aka cak poe nawh raipai lumuek te dang hamla te tila a sai u; tede mami lawngtah tlumtloei thai nawh dungyan aka cak poe te dang hamla ni n'sai u.

2Korin 1:7

Tedawngah nangmi sawah ka ngaiuep-na te tah cak; kaimi kah patang khangna te nangmi lawng na khang u van tih kaimi lawng ka dang u bawmna te khaw na dang u van.

2Timothy 2:12

Mami lawng ueh thai mangkhak atah mami khaw amah oen haih ukkung la n'awm ai. Amah te n'hoett atah mami he n'hoett van ai.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

1Peter 5:4

Tedawngah Tuudoen Ahaam koek te a tueng vengah a aangna aka duek yum thai tlaih nawh ruep-awmna bawilumuek te nangmi lawng na dang u ai.

Olphong 21:14

Khawpui kah vawngkulh te tah lungto paha thlaihih dawngah lungdang a suem tih Tuuca kah celtuih paha thlaihih kah miing te a thut.