Luka 20:17 - Matu Chin New Testament 2006

¹⁷ Jesuh lawng ahimi te he tila a doet, “Caciim dawngah, im aka sa thlaang thli lawng aphu aka awm nawh angla a hoett u lungto te atloe boeih lak ah awlpui koek la coengg,’ tila a thui te ta n'tu a thuingaihna?

Matu Bible

¹⁷ Tedae Jesuh loh amih te a sawt tih, “A daek tangtae he balae aka om bal pueng. Im aka sa rhoek loh a hnawt lungto te, imkil a soi la pawk ta.

Luka 20:17 Iomraidhean Croise

Mathai 21:42

Jesuh lawng ahimi te, “Caciim lawng: ‘Imsakung thli lawng aphu aka awm nawh angla a hoett u lungto te, aphu aka awm koek imkil lungto la awm, he tah Bawipa lawng a sai tih mami mik huh ah kawpoekrai la awm,’ tila a thui te na tae vai u nawh aw?” a tina.

Marku 10:23

Jesuh lawng a hubang hue tengla maang tih, “Kuirang thli ham Pathen ram khuiah kuun hamla rai tangkiik mah aw! a tina.

Marku 12:10

“Caciim lawng: Imsakung thli lawng aphu aka awm nawh angla a hoett u lungto te atloe boeih lak ah aphu aka awm koek Lungto la awm.

Marku 3:5

Jesuh te a thin sa, a teng avai ah te maang tih ahimi te a bueh, ahimi a thin len tih a thawlh u te a huh vengah khatvaang atah a kaw khaw the. Tecoengah kut kheem thlaang nala te, “Na kut te yueng lah” a tina. A kut te a yueng tih theen koep.

Luka 19:41

Jerusalem khawpui te a pha tawm tih, Jerusalem te a huh atah rap.

Luka 22:37

Kavan thui u, metihtiah caciim lawngah, ‘Ahih tah thlaangthawlh la a toek haih poen’ tila kai kah kawng alam a thut te asoep ham awm, metihtiah kai kah kawng alam a thut sut te noenoe soep poen.

Luka 22:61

Bawipa tah dak maang tih Piter te rangpatang la a bueh heet, tevengah Piter lawng, “N'tu yiin aai a khaawk thlan ah kai he kan ming nawh tila voei thum toe na basa ai” tila Bawipa lawng a thui pe te lot a poek.

Luka 24:44

Tecoengah ahimi tengah, “Mosi kah Phungawl khuiah khaw, tawngha thli kah ca thut dawngah khaw, Saam laabu dawngah kai kah kawng alam a thut boeih te asoep ham awm tila nangmi teng ka awm vengah kavan thui u te he kah thaihu thli he ni.” tila a thui pe.

Johan 15:25

Tede, he tah amami kah Phungawl dawngah, ‘N'tu kawng nawh maiah ahimi lawng kai he n'thina u poen,’ tila a thut te asoepna ham ni.

Caeltueih 4:11

Caciim lawngah, “Imsakung thli lawng a hoett sut lungto te awlpui koek lungto la coengg,’ tila a thui te tah Jesuh he ni.

Ephesa 2:20

Nangmi khaw celtuih thli oen tawngha thli lawng lungdang a suem tangte dawngah a sak im la te na awm u van poen tih Khrih Jesuh amah te imkil lungto la awm.

1Peter 2:6

Tedawngah caciim lawng, “Kai lawngah lunghiim phutlo pakhat ka tuek, te lunghiim te Zaion ah imkil lungdang suemna la ka khueh; a-u khaw ahih te aka oeng tah metuek veng khaw a kaw boet manawh,” tila a thui.