Luka 17:16 - Matu Chin New Testament 2006

¹⁶ Jesuh kah a khowkungah dilai dawng buekuep tih Jesuh tengah uemna awl a thui. Te thlaang te tah Samaria thlaang ni.

Matu Bible

¹⁶ Te phoeiah anih tah Samaria dae ni a kho kung ah maelhmai a buluk thil tih Jesuh te a uem.

Luka 17:16 Iomraidhean Croise

Mathai 10:5

Jesuh lawng a hubang paha thlaihih hue te he tila awl a uen tih a tuih u; “Gental ram oen Samaria ram khawpui boeih ah cet u boel.

Mathai 2:11

Im khuila kuun u tih camawca oen a manu Meri te a huh u vengah khuklu oen cuengkueng u tih buekuep ruila ahih te a bok u. A khuen u kutdo khawhbu te a awng u tih sui, frankinsen oen mura te a peek u.

Marku 5:33

Te hutaa lawng ahih sawah thaihu aka thoeng te a ming, tedawngah rih oen thuen ruila law tih Jesuh khow kungah khuklu oen cuengkueng tih asoengla boeih a thui pe.

Luka 17:17

Jesuh lawng, “Thlaang paha hoeih u de lah koen ni, atloe pakua hue teta mela oh kai?

Luka 5:8

Simon Piter lawng tete a huh vengah Jesuh haiah khuklu oen cuengkueng tih, “Bawipa, Kai he thlaangthawlh ni, n'ceh taak mai hawn!” a tina.

Johan 4:9

Te kah hutaa lawngah, “Nang he Judah thlaang la na awm, kai tah Samaria thlaang ni; metila kai tengah tui navan bih mai lauh?” a tina. (Judah thlaang phun lawngah Samari thlaang thli kah a hawna boengloeng oen beel thli te hawna u nawh.)

Johan 5:23

Ahimi lawng ana Pa te a hinyahna van angla thlaang boeih lawng a Capa te a hinyahna van ham ni. A-u khaw Capa te a hinyah nawh atah ahih tuihkung ana Pa te hinyah nawh.

Johan 8:48

Ahimi lawngah Jesuh nala te, “Nang tah Samari thlaang la na awm, tecoengah na kaw khuiah raaithe awm” kan tina u he soeng nawh aw?” a tina u.

Caeltueih 1:8

Tede nangmi sawah Ciim Muithla a law vengah nangmi tah tharana oen na betoet u vetih Jerusalem ah, Judia peng boeih oen ah Samaria peng ah, tecoengah dilai aboetna kheng toela kai kah sausi la na awm u ai.

1Korin 14:25

ahuepla a poek boeih te a tueng pe pheng ai, tecoeng atah buekuep vetih Pathen te a bok van vetih, “Nangmi tim ah he Pathen awm tangtang!” tila te a thui van ai.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.

Olphong 4:10

Te tila a thangpawm u vengah ahaamca pakul palii lawng bawingawlhcoen dawngah aka ngawl haih te buekuep u tih dungyan dungyan toe aka hing te a bok u. A suilumuek thli te bawi-ngawlhcoen haiah a tloeng u tih,

Olphong 5:14

Ramsa hing palii hue lawngah te, “Amen!” tila a thui u tih ahaamca hue lawng buekuep u tih a bok u.