Luka 16:2 - Matu Chin New Testament 2006

² Tedawngah ahih te a khue tih, ‘Nang kah kawng alam ka yaak he metila a awmna? Ka thaihu boeih na kuemna cayin te m'pe loeih, nang tah thaihu kuemkung la na awm tlaih manawh.’ a tina.

Matu Bible

² Te dongah anih te a khue tih, “Nang kawng ka yaak he me tlam lae? Na hnokhoemnah dongkah olka te thuung laeh, na khoom ham na coeng voel moenih,' a ti nah.

Luka 16:2 Iomraidhean Croise

Mathai 12:36

Atak tang kavan thui u; “Awlcekna Hin atah thlaang boeih lawng awlpoei a thuina dawngah awlcekna a yawkk ai.

Mathai 20:8

Thlemben tue apha vengah dumkhuehkung lawng dumtoetkung tengah, “Bii aka bi thli te khue u lang a thapang te pe uh. Hukhueng koek bii aka bi kalawng tong langtah lamhacuek bii aka bi toe a thapang kutphu te peh,” a tina.

Luka 12:20

Tede Pathen lawng ahih nala te, ‘Nang thlaangngau paathuu! N'tu yiin ah na hingna te boet poen ai; tedawngah namah ham na tung na sep thaihu thli he a-u lawng a paang ai?” a tina.

Luka 12:42

Bawipa lawngah, “Tetih atah, a-u nuem uep-awm tih aka cuih tuihyoeihthlaang la aka awm? Ahih tah a bawi lawng tuihyoeihthlaang thli cawmcah ham, atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Luka 16:1

Jesuh lawng a hubang hue tengah, “Vai khat ah kuirang pakhat awm tih thaihu kuemkung tuihyoeihthlaang pakhat a khueh. Thaihu kuemkung lawngah a bawipa kah tangka apoei-oepla a hawna tila kuirang tengah a thui pe u,

Luka 16:3

Te kah tuihyoeihthlaang lawng a kaw khuiah, ‘Ka bawipa lawng kai he bii n'toeng sak poen ai. Metila ka ti lah ai? Tuilong to ham khaw ka tha lawng noeng koek nawh, Buh bih kutduen ham tah ka yak.

Rom 14:12

Tedawngah mami boeih lawngah mah kah saina boeih te Pathen haiah m'phawng ai.

1Korin 1:11

Maya manau thli nangmi tim ah tawhsina awm tih Khloe kah imkhuikaw thlaang pakhat lawng avan thui.

1Korin 4:2

Te ang tuihyoeih-thlaang ham awlpui pakhat tah a bawipa tengah uep-awm la awm ham te ni.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 5:10

Metihtiah mami boeih he amah lawng awl cek ham Khrih haiah te m'pha boeih ai. Pumtaksa la hing vengah a the khaw, atheen khaw soeprep saina taring ah ating-atawkk la rip n'dang u ai.

1Timothy 4:14

Tawngha thli lawng awl avan thui tih ahaamca thli lawng na sawah kut avan tloeng vengah nang lawng na dang muithla ben kutdo te dalra thlothlamna boel.

1Timothy 5:24

Thlaang khatsut kah thawlhna tah tueng pheng tih amami haiah a thawlhna lawng awlcekna ah cet doen poen; tede thlaangtloe khatsut kah thawlhna tah hu-aha dengah tueng.

1Peter 4:10

Nangmi pakhat rip he Pathen kutdo atloetloe kuemkung theen la na awm u van angla Pathen teng kah na dang kutdo te thlaangtloe kah theenna hamla hawna uh.

1Peter 4:5

Tede thlaangduek oen thlaanghing awlcek ham oepsoeh la aka awm Pathen tengah ahimi lawng a hingna oen a saina boeih te a thui u ai.

Olphong 20:12

Tecoengah thlaangduek ayiit abo bawingawlhcoen haiah a pai u te ka huh. Cabu thli te a daih, tecoengah cabu tloe hingna cabu te a daih u. Te cabu dawngah amami kah saina khawboe ramlang a thut pe van angla thlaangduek thli te awl a cek u.