Luka 13:34 - Matu Chin New Testament 2006

³⁴ “Jerusalem, Jerusalem! Nang lawng tawngha thli te na ngawn, Pathen lawng na tengah avan tuih laipai thli te khaw lungto oen na de u! Aainu lawng a ca thli te a phe oen a khuk adah angla na thlaang thli te ka pooem hamla voei yahawh hlang ka ngaih de nang lawng ah na thana.

Matu Bible

³⁴ Jerusalem, Jerusalem, tonghma rhoek te aka ngawn tih a taengla a tueih pah rhoek te khaw aka dae, ainu loh a phae hmuiah a aicahui khoep a ku vaengkah a longim bangla, na ca rhoek te ka kholcui ham ka ngaih taitu dae na ngaih uh pawh.

Luka 13:34 Iomraidhean Croise

Mathai 22:3

A hih lawng a ceel thlaang thli te poei ah law ham a tuihyoeihthlaang thli te a tuih tih a khue sak. Tede ahimi lawng law ham ngaih u nawh.

Mathai 22:6

khatsut lawng a tuihyoeihthlaang thli te a tuuk tih a bawh u, a ngawn u.

Luka 15:28

A capa ahaam te a thin sa soeh tih im khuila kuun nawh; Te atah ana pa te law tih im khuila kuun ham a capa te a thloep ahoelh.

Luka 19:44

Ahimi lawngah nang te m'phe phengvel vetih na vawngup khuiah na thlaang thli te a ngawn dingkang poen ai. Ahimi lawng lungto khatca khaw khupthal ohla awmna huen ah ceh taak u manawh, metihtiah nang thlawn hamla Pathen a lawna atue atang te na ming nawh dawngah ni!” a tina.

Luka 23:28

Jesuh lawng ahimi benla maang tih, ‘Jerusalem kah hutaa thli! Kai ham rap u boel, namami ham oen ah na ca na nau thli ham mah rap uh.

Caeltueih 7:52

Na patuer hue lawngah aheem atek nawh tawngha khat khaw awm aw? Amah kah thlaangdoeng Tuih-yoeih thlaang a lawna kawng, yan veng kalawng aka thui Pathen kah laipai thli te ahimi lawng a ngawn u. Tahe ah khaw nangmi lawng paipi na thleep u tih ahih te na ngawn u poen.

Caeltueih 7:59

Ahimi lawng lungto oen a de u lii vengah te Stefen lawng Bawipa tengah, “Bawipa Jesuh, ka muithla he nang lawng lo mai loeih!” a tina.

Caeltueih 8:1

Ahih a ngawn u te Sawl lawngkhaw a kaw tlaak puei van. Te khawhin kalawng tah Jerusalem kah Khrihcabu ah heem-atek patang-khangna te tong u poen. Celtuih thli thui muehla oengca thli boeih tah Judia peng oen Samaria ram ah yan khonghak.

Olphong 11:8

ahih rawi kah a rawkk te a bawipa a ngawnna khawpui kah noekna a miing tah Sodom, tih-nawhtah Iyipt tila awm.