Luka 13:32 - Matu Chin New Testament 2006

³² Jesuh lawng ahimi nala te, “Tihin ah khaw, thangvuen ah khaw, kai lawng raaithe thli te ka hek vetih thlaangtlo te ka hoeih sak hun ai, a thum hin ah bii ka coeng ai.” tila cet u langtah metaang tengah te thui pe uh.” a tina.

Matu Bible

³² Te dongah amih te, “Cet uh lamtah maetang te thui pa uh, rhaithae ka haek tih tihnin ah hoeihnah ka saii he thangvuen neh omvai ah ka coeng ni.

Luka 13:32 Iomraidhean Croise

Marku 6:14

Jesuh kawng awlthang te ram pum ah thaang khok tih Herod sengpahrang lawngkhaw te kawng te boeih a yaak. Thlaang khatsut lawngah, “Baptisma pekung Johan ni aka hing koep! Tedawngah he tila kawpoek rai saithaina he a khueh,” ti u.

Johan 10:32

Jesuh lawng ahimi nala te, “Kai lawng sai hamla a Pa kah peek thaihu theen te nangmi hai ah moen ka sai poen; he thaihu thli khuiah me ang kawng dawngah kai he lunghawh oen de hamla na ngaih u?” a tina.

Johan 19:30

Jesuh lawng misurtui te a yawn tih, “Coeng boeih poen!” ti. Tecoeng atah a luu te a khun a hingna boet.

Hebrew 2:10

Thaihu soeprep boeih a sai tih doenkung Pathen lawng amah kah ruep-awmna te a ca thli lawng a paangna hamla Jesuh te patang khangna oen thlaangsoep la a sai te tah tueng tang tang. Metihtiah Jesuh tah thlawnna dang ham aka mawtkung ni.

Hebrew 5:9

Ahih lawngah thlaangsoep la a awm coengah amah awl aka vai thlaang boeih ham dungyan thlawnna a kungpui la awm tih,

Hebrew 7:28

Mosi kah Phungawl lawngtah aka soep nawh thlaang te khawsoeih bawi la awm ham a sai; tede Phungawl coengah aka law, Pathen lawng awl a taap tih a sai awlkam te lawngtah dungyan aka soep khawsoeih la a Capa te a khueh poen.