Luka 12:42 - Matu Chin New Testament 2006

⁴² Bawipa lawngah, “Tetih atah, a-u nuem uep-awm tih aka cuih tuihyoeihthlaang la aka awm? Ahih tah a bawi lawng tuihyoeihthlaang thli cawmcah ham, atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Matu Bible

⁴² Boeipa loh, “Unim uepom neh aka cueih hnokhoem la aka om van? Boeipa loh anih te a imlo soah a tue a tang neh maehham aka tael la a khueh ni.

Luka 12:42 Iomraidhean Croise

Mathai 13:52

Tedawngah Jesuh lawng, “Phung-awl cangpueikung timkah thlaang pakhat, Vaan ram ah hubang pakhat la aka awm tah kaawn a khuehna im khui-kah thaihu aruem oen athaai aka sat oen lo u,” a tina.

Mathai 20:8

Thlemben tue apha vengah dumkhuehkung lawng dumtoetkung tengah, “Bii aka bi thli te khue u lang a thapang te pe uh. Hukhueng koek bii aka bi kalawng tong langtah lamhacuek bii aka bi toe a thapang kutphu te peh,” a tina.

Luka 12:43

A bawipa a law vengah te tila bii a bi te a huh atah te kah tuih-yoeih thlaang te tah a yotheen phoeih!

Luka 7:13

Bawipa lawng te kah huhainu te a huh vengah a reen tangkiik tih ahih nala te, “Rap tlaih boel” a tina.

Luka 7:19

Bawipa te doet sak hamla a tuih, “Nang he Johan lawngah aka law ham koei thlaang a tite nang poen aw, tihnawhtah kaimi lawng thlaangtloe te ka ngaiuep u hun ai aw?” tila te a doet sak.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

1Timothy 3:15

Tede ka law haai nawh oh atah aka hing Pathen kah khrihcabu, tuungtang la aka pai tih awltak aka hing puei, Pathen imkhuikaw ah mami lawng metila khaw n'sak ai tite he capat lawngah avan thui ai.

1Timothy 5:17

Mawtkung angla bii atheenla aka bi ahaamca lawngtah thapang te arepla a dang ham awm, awlpuila phungthuina oen cangpueina aka yawm lawng thapang a dang ngaai ham awm.

2Timothy 4:2

Tedawngah awlthang te thui lah, (atue atang alawlh amaih ah khaw, alawlh amaih nawh ah khaw) awlthang te thui ngaikhoek. A yaakming thaina ham thui peh, toel-thaam ham angoe atah siim langtah, thaphawh ham angoe atah thathluena awl thui peh, kawdaw thinsan oen cang puei.

Titus 1:7

Metihtiah Khrihcabu mawtkung tah Pathen kah biitungpui khuehkung la a awm dawngah cawttbauh aka kap nawh thlaang seh. Ahih tah amah oen amah thoemthai koek la aka ngaai u nawh, thin aka toi nawh, yuu aka aw nawh, khawpaw rang-au la aka awm nawh, tangka ngaihmoekna aka khueh nawh thlaang seh.

Hebrew 13:17

Nangmi aka mawtkung thli kah awl te ngaai u lang ahimi kah awl thui te vai uh. Ahimi lawngah amami kah biibina kawng te Pathen tengah thui ham koei la a awm dawngah duemdawng ohla nangmi kah hingna te a doen a cang u. Nangmi lawng a awl na ngaai pe u atah ahimi lawngah awmngaih kawhoe la bii te a bi u ai; a awl te na ngaai pe u nawh atah ahimi lawng kawthe ruila bii te a bi u vetih nangmi ham hoeikhangna awm manawh.

Hebrew 13:7

Nangmi tengah Pathen awl aka thui lamhacuek mawtkung thli te hilh u boel. Ahimi kah hingna oen a duekna te poek u langtah ahimi kah oengna te oett u lah.

Hebrew 3:5

Mosi tah tuihyoeihthlaang la a awm van angla Pathen im khuiah uep-awm biibikung la awm tih Pathen lawng hailam ben ah a thui ham te khaw a thui thai.

1Peter 4:10

Nangmi pakhat rip he Pathen kutdo atloetloe kuemkung theen la na awm u van angla Pathen teng kah na dang kutdo te thlaangtloe kah theenna hamla hawna uh.