Luka 11:39 - Matu Chin New Testament 2006

³⁹ Tedawngah Bawipa lawng ahih nala te, “Nangmi Farasi thlaang thli lawngtah boengloeng oen beel te adauben tah na silh u, tede akhui ben tah tluung-athangna, athe thaihu oen betoet.

Matu Bible

³⁹ Tedae Boeipa loh anih te, “Nangmih Pharisee rhoek loh boengloeng neh baelpuei kah a hmanhu tah na cil na poe coeng uh. Tedae na khuiah halhkanah neh halangnah ni aka bae.

Luka 11:39 Iomraidhean Croise

Mathai 15:19

Thlaang ngawnna, samphaihna, hutaa tawngpa thawlhna, atheen nawh thaihu saina, huuenna, hoemna, thlaang thaang the sakna, poekna atloe boeih he tah lungbui khui kalawng ni a law.

Mathai 7:15

“Tawngha rawlrap hue te ngaithuen uh; Ahimi lawngah nangmi tengla te ahan huhna atah tuu angla law u vetih a thinkaw khui atah metaang tluung angla awm u ai.

Luka 16:15

Jesuh lawng ahimi nala te, “Nangmi lawng thlaangtloe kah mik huh atah thlaangdoeng la na sa u, tede nangmi kah thinkaw lungbui te Pathen lawng a ming. Metihtiah thlaang lawngah phutlo tangkiik la a poek thaihu thli he Pathen mik huh atah a phu awm nawh.

Luka 7:13

Bawipa lawng te kah huhainu te a huh vengah a reen tangkiik tih ahih nala te, “Rap tlaih boel” a tina.

Luka 7:19

Bawipa te doet sak hamla a tuih, “Nang he Johan lawngah aka law ham koei thlaang a tite nang poen aw, tihnawhtah kaimi lawng thlaangtloe te ka ngaiuep u hun ai aw?” tila te a doet sak.

Johan 12:6

Ahih lawng tila a thui he khawdeng thlaang thli te a poek tang tih a thui moenih, thlaanghuuen la a awm dawngah ni a thui. Ahih tah tangka kuemkung la a awm dawngah tangka te amah hamla thoem a hawna poepa.

Johan 13:2

Jesuh oen a hubang hue thlembuh a veel u vengah Seitan lawngah Simon Iskariot capa Judas thinkaw khuiah te Jesuh sawah paipi thleep hamla kawpoek te a khueh pe poen.

Caeltueih 5:3

Piter lawng ahih nala, “Ananias, n'tu ah na thinkaw te Seitan na uk sak, na khueh toen na yoeih thaihu phu te namah ham na paih thoem tih Ciim Muithla te na thai na lat na?

Galati 1:14

Judah bokna phung-alam vaina ben ah ka thawnpuei Judah hue lak ah ka cawh ngaai tih mami patuer thli kah awlro te khaw alawnla ka vai ngaai.

2Timothy 3:5

ahimi lawngah bokna phung he asaw ahan ah a phoeih u, tede akhuiben kah tharana tangtang te tah a hoett u. Te ang thlaang thli te tah reel-aram hawn.

Titus 1:15

Thlaangciim hamla tah soeprep boeih he ciim, tede tuiilehkap thlaang thli oen oeng nawh thlaang thli hamla tah a lungbui oen athe atheen mingna thinkaw tuiilehkap lawngah te n'tu khaw ciim sak nawh.

James 4:8

Pathen tengah yoeii u lah, ahih tah nangmi tengla law vetih va yoeii van ai. Nangmi thlaangthawlh hue na kut te sil u lah! nangmi thlaangdoeng la aka sa u thli, na lungbui thinkaw te ciim sak u lah!