Luka 11:26 - Matu Chin New Testament 2006

²⁶ Tecoengah cet tih amah lak ah athe eep ngaai atloe raaithe pasarih te avan law puei tih te ah te awm u. Tedawngah te thlaang te tah acuek veng kah lak ah nauh tare ngaai.” a tina.

Matu Bible

²⁶ Te dongah cet tih amah lakah aka thae mueihla tloe parhih te a khuen. Te phoeiah a kun puei tih pahoi a om puei dongah tekah hlang kah a hnukkhueng tah lamhma kah lakah a thae la om,” a ti nah.

Luka 11:26 Iomraidhean Croise

Mathai 12:45

Tecoengah cet koep tih amah lak ah aka the ngaai raaithe pasarih te avan law puei tih te im ah awm u. Tedawngah a hukhueng ah te thlaang tah acuek veng lak ah nauh tare. He tih van angla tahe san kah thlaangthe thli tengah awm van ai” a tina.

Mathai 23:15

“Phungawl cangpueikung hue oen Farasi hue! Nangmi ham khawmap tangkiik. Nangmi thlaangthaipalat hue! Thlaang pakhat thinkaw thaw sak hamla tuitunlii ah lowng oen na cet u tih ram pum na hiil u. Thlaang pakhat na dang u vengah namami angla hell ah arepla patang khang ham na sai u.

Luka 11:25

Tedawngah meel koep tih im te aciimbiit la awm tih thaihu thaiha atheenla a kuem heet u te a huh.

Luka 11:27

Jesuh lawng tila a thui coengah thlaang tim kah hutaa pakhat lawngah paang tih ahih nala te, “Nang he aka cuunkung oen cawmcahkung tah metihtlukla a awmngaih ai te!” a tina.

Johan 5:14

Tecoeng atah Jesuh lawng ahih te Tempal bok-im khuiah a huh tih, “Hutung lah, tahe tah na hoeih poen; thawlhna sai tlaih boel, toeng loeih, tetih nawh kawinih athe-eep ngaai na sawah pakhat khat va thoeng ai.” a tina.

1Johan 5:16

Na maya manau lawng duekna toe aka mawt nawh koei thawlhna a sai te na huh u atah nangmi lawng Pathen tengah thangthui pe uh. Pathen lawng ahih te hingna a peek ai. He tah duekna toe aka pha sak nawh thawlhna aka sai thli ham ni. Tede duekna toe aka pha sak thawlhna awm, te kawngah te nangmi lawng Pathen tengah thangthui uh ka ti nawh.