Luka 10:2 - Matu Chin New Testament 2006

² Jesuh lawng ahimi nala te, “Caang ah hamla tah yahawh tangkiik mai de, aka aat ham biibikung tah yawlca. Lo khui-kah caang aka aat la biibikung thlaang yahawh avan tuihna ham lokhuehkung tengah thangthui uh.

Matu Bible

² Te vaengah amih taengah, “Cangah hamla yet dae bibikung yool, te dongah cangah Boeipa taengah bih uh lamtah amah kah cangah hmuen ah bibikung han hlah saeh.

Luka 10:2 Iomraidhean Croise

Mathai 20:1

Jesuh lawng, “Vaan ram tah he tila awm. Dumkhuehkung pakhat lawng misur dum ah bii bi sak ham thlaang aka tlap hamla mincanghi ah cet.

Marku 13:34

N'tu oen a lawh u ti atah, thlaang pakhat tah khawlawng thla la yin cet tih a tuihyoeihthlaang thli te bii a peek, ahimi pakhat rip te a sai ham koei bii te a peek coengah thawhka toetkung te khaw ngaithuen cala a toet ham a uen a tawn heet oen lo u.

Marku 16:15

Jesuh lawng ahimi nala te, “Dilai peng tawm ah cet u lang thlaangphun boeih tengah, awlthang theen he thui pe uh.

Marku 16:20

A hubang thli lawng cet u tih peng tawm ah awlthang a thui u, Bawipa tah ahimi tengah bii a bi tih ahimi lawng a thui he soeng tite kawpoekrai saina oen a tueng sak u.

Luka 9:1

Jesuh lawng a hubang thlaihih te a khue tun tih, ahimi lawng raaithe boeih te hekna ham, tlawhnatna te hoeih sak hamla huham tharana oen saithaina aana te a peek.

Caeltueih 11:19

Stefen a ngawn u coeng kah heemtekna aka thoeng hang dawngah te oengca thli khatsut tah yan khonghak tih khatsut tah Fonicia, Saipras oen Antiok toela a pha u tih Judah thlaangphun thli bueng tengah awlthang te a thui u.

Caeltueih 13:2

Ahimi lawngah Pathen a bok u tih buh a yeh u vengah te Ciim Muithla lawngah ahimi nala te, “Kai lawng bii ka hoel ka paai te aka bi hamla ka khue Barnabas oen Sawl te kai ham van thloeng uh” a tina.

Caeltueih 13:4

Barnabas oen Sawl tah Ciim Muithla lawng a tuih van angla Silukia khaaw la cet hih tih te kalawng ah Saipras tuisanglak la te tuisangphaw oen cet hih.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Caeltueih 22:21

Bawipa lawngah, ‘Cet loeih, athla hlang la aka awm Gental thlaang thli tengla nang he kan tuih ai.’ n'tina” tila a thui pe.

Caeltueih 8:4

Aka yan khonghak oengca thli lawngah peng tawm ah cet u tih awlthang a thui u.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

1Korin 15:10

Tede Pathen lungvatna rang oen tahe kah ka awm angla he ka awm tih lungvatna m'peek te khaw apoei-oepla ka khueh van nawh. Atloe celtuih hue lak ah kai tah apuehla bii ka bi ngaai, tede kai lawng ka bi ti ham awm nawh tih ka tengkah Pathen lungvatna lawng ni a bi.

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

Philipi 2:21

Tlaang tloe hue tah amami kah bii bueng te a khuituuk u, Jesuh Khrih kah bii te bi u nawh.

Philipi 2:25

Mami kah manau Epafroditas he nangmi tengla tuih ham angoe tila ka poek, ahih tah kai oen biibipuei, ceem raal aka tloek haih van tih kai he bawmkung la nangmi lawng na van tuih laipai ni.

Philipi 2:30

metihtiah nangmi lawng nan peek thai nawh bawmcemna te ahih lawng peek hamla, Khrih kah bii dawngah duek khaw maa ohla duek dalh toela bii a bi.

Kolosa 1:29

He bii ka bi vengah he Khrih kah peek, ka khuiah bii aka bi tha-awm tharana te hawna oen ka tho ka tat tih bii rai he ngah ngah ka bi.

Kolosa 4:12

Khrih Jesuh kah tuihyoeihthlaang, namami kah paya laikoei Epafras lawng n'toei u. Ahih lawngah thinkaw tak oen nangmi ham thangthui poepa tih nangmi acakla na paina u ham, Khrihca thlaangsoep la na awmna u ham oen ah na oengna te aciimphanla na mingna u ham, Pathen kawngaih te asoepla na vaina u hamla a bih poepa.

1Thessalonika 2:9

Maya manau thli, kaimi lawng thatlawh thaboepla bii ka bi u te na hilh nawh cawini! Pathen tengkah Awlthang Theen nangmi teng ka thui vengah te nangmi kah thalrih la ka awm nawh ham yiin, daai bii ka bi u.

1Thessalonika 5:12

Maya manau thli, khrihca hingna oen nangmi thuituen tih lawngpui aka nueh, nangmi tim ah bii aka bi thlaang thli te na hinyah u ham reenna kavan bih.

2Thessalonika 3:1

Aboetna ah maya manau thli, nangmi tim ah Pathen awlthang te apuung ataai van angla, aloela apuungna ham thangthui uh.

1Timothy 4:10

Mami lawngah he thlaang boeih thlawnkung, awlpuila aka oeng thlaang thli kah thlawnkung aka hing Pathen dawngah ngaiuepna te n'khueh u tih mami lawng patangplai oen arai acaangla bii m'bi u.

2Timothy 4:5

Tede nang tah me ang akawng alam dawngah khawseh namah oen namah te kuemsuem uh, patang palai te ueh hawn, Awlthang Theen phawngkung la na awmna bii te bi langtah Pathen kah tuihyoeihthlaang la na awm van angla na bi koei boeih te sai.

Philemon 1:1

Khrih Jesuh kawngah thongtla kai Pawl oen mami kah manau Timote lawng puei paw oen bii bi haih la aka awm Filemon oen,

Hebrew 3:6

Tede Khrih tah Pathen im khuiah ukkung uep-awm a Capa la awm. Mami lawng ngaiuepna dawngah thincakna n'khueh tih uepvoetna a awm nawh atah mami tah amah kah im ni.

Olphong 2:1

“Efesa khaaw, Khrihcabu tengah he tila thut lah: A bantang kut ah aisi pasarih aka pawm tih sui haivangna pasarih tim ah aka yingyawi kah awl te tah he tila ni.