Luka 1:2 - Matu Chin New Testament 2006

² He thaihu thli he acuekca veng kalawng aka hu tih awlthang aka phawng thli lawng mami tengah avan thui te ahimi lawng a thut u.

Matu Bible

² oltak kah tueihyoeih la aka om rhoek neh a tongcuek lamloh loh aka hmu rhep rhoek loh mamih taengah m'paek uh vanbangla,

Luka 1:2 Iomraidhean Croise

Marku 1:1

He tah Pathen Capa Jesuh Khrih kawng Awlthang theen ni.

Marku 16:20

A hubang thli lawng cet u tih peng tawm ah awlthang a thui u, Bawipa tah ahimi tengah bii a bi tih ahimi lawng a thui he soeng tite kawpoekrai saina oen a tueng sak u.

Marku 4:14

Caangti tuhkung lawng Pathen awl te a tuh,

Luka 24:48

Nangmi tah he kah thaihu he aka mingkung sausi la na awm u.

Johan 15:27

Nangmi khaw acuekca veng kalawng ka tengah na awm u dawngah kamah kawng he na thui u van ai.

Johan 16:4

He ang thaihu thli he ahimi lawng sai hamla atue apha vengah kavan thui he na hilh u nawh ham ah awl kavan thui. Nangmi tengah ka awm dawngah he kah thaihu thli he acuekca ah kavan thui u nawh.

Caeltueih 1:3

A duek coengah khawhin sawmlii khui puet ahimi tengah a phumpho pe tih ahih tah hing tite uepvoetna awm tlaih nawh.

Caeltueih 1:8

Tede nangmi sawah Ciim Muithla a law vengah nangmi tah tharana oen na betoet u vetih Jerusalem ah, Judia peng boeih oen ah Samaria peng ah, tecoengah dilai aboetna kheng toela kai kah sausi la na awm u ai.

Caeltueih 14:25

Perka khaaw ah awlthang a phawng hih tih tecoengah Attalia khaw la te cet hih.

Caeltueih 16:6

Ahimi te Ciim Muithla lawng Asia ram khuiah awlthang a phawng sak nawh dawngah Frikia ram oen Galati ram la te poe cet u.

Caeltueih 17:11

Te kah thlaang thli tah Tesalon ah aka awm thlaang thli lak ah a poekna kau bet. Ahimi lawng thinkaw thluembuek oen awl te a hutung u tih Pawl lawng a thui te soeng tang kai nuem ti u tih hin roekk ah Caciim te ahimi lawng athoel alang u.

Caeltueih 26:16

Tede tho langtah pai hang lah. Nang he kamah kah tuihyoeihthlaang la khueh ham na tengah ka phumpho. Tihin ah kai nan huh he khaw hailamben kah kan huh sak ham koei te khaw thlaangtloe tengah aka thui ham ni.

Caeltueih 4:20

Metihtiah kai hih lawngtah kamah mik oen ka huh tih ka haa oen ka yaak te thui hamla ka toeng manawh.” tila a thui hih.

Caeltueih 8:4

Aka yan khonghak oengca thli lawngah peng tawm ah cet u tih awlthang a thui u.

Rom 15:16

Khrih Jesuh kah tuihyoeihthlaang la awmna te m'peek dawngah ni. Gental thlaangphun lawngah Pathen kah do koei luciik la a awmna ham oen ah Ciim Muithla rang oen Pathen tengah nawn koei thaihu la awmna ham Pathen tengkah, Awlthang Theen ka phawng vengah he khawsoeih angla bii ka bi.

1Korin 4:1

Nangmi lawngah kaimi he Pathen kah awlhuep awltak khoembelkung, Khrih kah tuihyoeih-thlaang la nan poek u ham awm.

Hebrew 2:3

Te atah hetih aihla aka lenduet thlawnna he mami lawng n'tu la n'sak nawh atah metila mami he sa a sueng ai? Bawipa amah lawng he thlawnna he lamhacuekla a phawng tih aka ya boeih lawngah soeng tila mami tengah a tueng sak poen.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

2Peter 1:16

Mami kah Bawipa Jesuh Khrih tharana huham oen a lawna te kavan thui u vengah thlaang lawng a suen coplap ciil awl te kavan thui nawh. Kaimi lawng a bawilenna te ka mik roeroe oen ka huh u.