Jude 1:4 - Matu Chin New Testament 2006

⁴ Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Matu Bible

⁴ Hlang a ngen tah hawn uh coeng. Te rhoek tah laitloeknah ham ana daek daengrhae coeng he. Baltalh rhoek loh mamih Pathen kah lungvatnah te omthenbawnnah la a thovael uh tih mamih kah a boeikung neh boeipa Jesuh Khrih paengrhaeng te a hnawt uh.

Jude 1:4 Iomraidhean Croise

Mathai 13:25

Yiin at atah, thlaang boeih a ih coengah raal pakhat law tih caang tim ah varaamcaang a heh tih a ceh taak.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Caeltueih 11:23

Ahih lawng a pha vengah Pathen lawng thlaang thli te metihtlukla yotheen a peek tite a huh vengah awmngaih tangkiik tih thinkaw lungbui tak oen Bawipa tengah thincak la a awmna u ham, uep-awm la a awmna u hamla ahimi te a thaphawh.

Caeltueih 15:24

Kaimi tim-kah thlaang khatsut aka law lawngah nangmi te raina m'peek u tih ahimi kah awlthui lawngah ngaihangtum la nangmi te n'khueh u tite ka yaak u. Tede ahimi te kaimi kah mingpueina awm nawh.

Galati 2:4

Khrih Jesuh oen pumkhatla mami awmna rang oen loeihna n'khueh u te ming hamla thlaang khatsut tah aka oeng tangtang van angla sa u tih raalyam angla mami bu khuiah ahuepla va kuun u. Ahimi lawngah mami he saltamnaa la te sai ham a ngaih u.

Galati 5:13

Maya manau thli, nangmi te loeih sak hamla ni n'khue u. Tede, te loeihna te namami kah pumsa hue-ngaihna a dipna ham hawna u boel. Te lak atah lungna oen ah nangmi khat oen khat bawmcem uh.

Ephesa 4:14

Te atah thlaangtloe te thawlhpalhna benla aka mawt, thlaang thailatna ham suen coplap hoem awl oen ah thlaangthaipalat thli kah cangpueina tuiphu lawng a khuen tih thlihueng lawng a yawng camoe angla te ng'awm u tlaih manawh.

1Timothy 5:8

Tede thlaang pakhat khat lawng amah kah a cakaw te awlpuila amah imkhuikaw te a cawm acah nawh atah oengna te aka hoett thlaang la awm tih aka oeng nawh thlaang lak ah pateng khaw the-eep ngaai.

2Timothy 2:12

Mami lawng ueh thai mangkhak atah mami khaw amah oen haih ukkung la n'awm ai. Amah te n'hoett atah mami he n'hoett van ai.

2Timothy 3:6

Ahimi khatsut lawngah thlaang im thlaang lo ah kuun u tih a kaw aka cak nawh hutaa-tumphai, amami kah thawlhna thalrih lawng a namm tih pumsa ngaihna phun soeprep lawng a mawt hutaa hue te tah doelh a thloeih tih a tuuk u thai,

1Peter 2:16

Nangmi lawngah ahoeng ahoett la aka awm thlaang angla khaw sa uh; tede nangmi lawng ahoeng ahoett la na awmna te athe-ara thlipdahna ham hawna u boel, Pathen kah sal angla khaw sa uh.

1Peter 2:8

Caciim atloe pakhat lawngah, “He lunghiim tah thlaang a ploengna lunghiim la awm ai, he lunghiim lawng ahimi te a tlim sak ai.” tila a thui. Ahimi lawngah awl te a tangna u nawh dawngah ploeng u; he tah ahimi hamla Pathen kah kawngaih roe ni.

1Peter 4:18

Caciim lawngah, “Thlaangdoeng ham pateng thlawnna te a rai atah; Pathen khueh nawh thlaangthawlh ham tah metihtlukla a rai ai te,” tila a thui.

2Peter 2:10

awlpui la tah amami kah tuiilehkap pumsa cuk-halhna oen Pathen kah aana n'tu la aka sak nawh hue te ni. He kah asoeng nawh cangpueikung thli he a thin cak u tih halang u, sawben vaan ah aka awm ruep-awm te khaw hinyah u nawh, ahimi lawng te thli te asal aphaam dai.

2Peter 2:7

Khawboe ramlang the tih phung aka khueh nawh thlaang thli lawngah a thekhana thlaangdoeng Lot te tah a loeih sak.

2Peter 3:7

Tede tahe ah aka awm vaan oen dilai he hai oen phe hamla Pathen lawng a awl oen a thlung hun ni. Pathen tula aka sak nawh thlaang thli awlcek tih phena khawhin veng ham te thli te a thlung hun.

1Johan 2:22

Tetih atah a-u nuem hoem-thuikung? Jesuh tah Messiah nawh ni tila aka thui te hoemthuikung la awm. Te ang thlaang te tah Khrih kah raal ni, Pa oen Capa te aka hoett thlaang ni.

Jude 1:15

“Thlaang boeih te awlcek hamla, Pathen tula ka sak nawh thlaangthawlh boeih oen Pathen tula sak ohla a sai thawlhna boeih oen ah Pathen te tula sak ohla saringrup awl oen asal aphaamna boeih sawah dantat hamla Bawipa tah amah kah aciim vanthlaang toeklek toekna yahawh oen law ai” tila ti.

Jude 1:18

Ahimi lawng avan thui tah “Atue boetna khawhin apha veng atah nangmi nuihbu kamring la aka thui thlaang thli, Pathen te tula sak ohla amami kawngaih aka vai thlaang law ai,” tila a thui te ni.

Olphong 15:4

Bawipa, nang te rih ohla a-u nuem aka awm tang ai! Na lenna te phawng hamla a-u lawng nuem a thana tang ai? Nang bueng ni na ciim, Na sai boeih tah doeng tih thlaang boeih lawng a huh dawngah thlaangphun boeih na haiah law vetih nang te m'bok u ai.” tila Laa a sak u.