Jude 1:3 - Matu Chin New Testament 2006

³ Ka lungna ka paya thli, mami lawng n'dang rip thlawnna kawng he nangmi tengah ca oen thut hamla ka yawm. Pathen lawng a thlaang thli tengah vaikhatla khoekkoeng ham a peek oengna dawngah acakla pai ham nangmi tengah ca thut pahoei tih thaphawh ham ka poek.

Matu Bible

³ Thintlo rhoek, mamih kah khangnah pakhat te nangmih taengah daek ham thahluenah muep om. Hlangcim rhoek taengah a paek tangnah te rhenten tungaep ham neh hloep ham te nangmih taengah kan daek he a kueknah la ka hmuh.

Jude 1:3 Iomraidhean Croise

Caeltueih 17:3

Caciim dawngkah awl te a thoel alang u tih a thui ngawng u, Messiah tah khawdeng patang a khang vetih duekna kalawng tho koep ai tite a thui caih pe. Pawl lawngah, “Nangmi tengah kavan phawng Jesuh he tah Messiah poen ni.” tila a thui pe.

Caeltueih 18:28

Rangpui haiah awl a oelh u vengah Caciim dawngkah awl te ahih lawng a thoel tih Jesuh tah Messiah ni tila a oelh tangtang atah Judah thlaang thli te a taa.

Caeltueih 20:27

Metihtiah Pathen kah a kamthlahna te thuh phah muehla apum boeih la nangmi tengah biit kavan thui poen.

Caeltueih 28:28

Pawl lawng awlcuina la a thui tah: “Tedawngah Pathen kah thlawnna awlthang tah Gental thlaang thli te a peek poen tite ming uh. Ahimi lawng a hutung u ai!” a tina.

Caeltueih 4:12

Ahih rang bueng oen ni thlawnna he huh thai la a awm; dilai pum ah he Pathen kah peek ahih nawh atah mami aka thlawn thai a-u khat khaw awm nawh.

Caeltueih 6:7

Te tila te Pathen kah awl tah puung tare hang Jerusalem khawpui khuiah a hubang thli khaw puung van tih khawsoeih thli broe lawngkhaw oengna te a do u van.

Caeltueih 9:13

Ananias lawng, “Bawipa, thlaang yahawh lawngah he kah thlaang kawng khaw, Jerusalem kah na thlaang thli tengah rih-awm thaihu a sai boeih kawng te khaw avan thui u.

Caeltueih 9:22

Tede Pawl kah awl thui tah huham tharana awm tare tih Jesuh tah Messiah ni tila a thui rapcaat tih Damaskas ah aka awm Judah thlaang thli lawng a awl te thung pe u thai nawh.

1Korin 15:3

Kai lawng ka dang tih nangmi kan peek patoeng he tah awlpui tangkiik ni, te tah Caciim dawngah a thut angla Khrih tah mami kah thawlhna dawngah ni a duek;

Galati 2:5

Tede, nangmi hamla awlthang theen awltak te a sa sueng tih acakna yoeyah ham kaimi lawngah ahimi te kawlkalhca khaw ka thlahphaam u nawh.

Galati 3:28

Tedawngah Judah oen Gental laklaw ah khaw, saltamnaa oen thlaangcuem laklaw ah khaw, hutaa oen tawngpa laklaw ah khaw pekbona awm tlaih nawh; nangmi boeih tah Khrih Jesuh oen pumkhatla awmna dawngah pakhatla na awm u poen.

Galati 6:11

Kamah kut roeroe oen calung abohlangla nangmi tengah ca kavan thut he bueh u lah!

Ephesa 1:1

Pathen kawngaihna oen Khrih kah celtuih pakhat la aka awm kai Pawl lawngah, Khrih Jesuh oen pumkhatla awmna dawngah aka hing tih uep-awm la khaw aka sa Efesa khaaw kah Pathen thlaang thli nangmi tengah ca kavan pat u.

Philipi 1:1

Khrih Jesuh kah tuihyoeihthlaang Pawl oen Timote lawng, Khrih Jesuh ah pumkhat la aka awm Filipi khaaw kah Pathen thlaang boeih khrihcabu mawtkung hue oen bawmkung boeih tengah ca kavan pat.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Kolosa 1:2

Khrih oen pumkhatla awmna ah uep-awm maya manau Kolosa khaw kah Pathen thlaang thli tengah ca kavan pat: Mami kah Pa Pathen lawng lungvatna ngaimawngna te nangmi m'pe hawn seh.

1Thessalonika 2:2

Tesalon khaaw ah nangmi tengla ka law thlan vengah kaimi he Filipi khaaw ah metihtlukla n'thena u tih raina mai awm cakhaw, amah teng kalawng aka law Awlthang Theen te nangmi tengah thui hamla Pathen lawng kaimi he thincakna m'peek u.

1Timothy 1:18

Ka ca Timote, n'hu vengah tawngha lawng nang kah kawng a thui angla te na tengah awl kan peek. Te awl te atheenla raal kahna ham awva la hawna lang na oengna, athetheen mingna kawpoek ciim te cak sak.

1Timothy 6:12

Oengna loeh-lang taana poei ah na tha khueh boeih oen heng lang dungyan hingna te namah ham lo lah; Pathen lawng nang n'khue tih mingpueikung sausi thlaang yahawh haiah na oengna te acakcala na phawng te tah dungyan hingna te huh sak ham ni.

2Timothy 1:13

Kai lawng kan cang puei aka soeng awl te acakla phoeih lang nang lawng na vai ham oen oett ham koeila te khueh, Khrih Jesuh oen pumkhatla awmna dawngah mami kah thaihu la aka awm oengna oen lungna dawngah te acakla awm.

Titus 1:4

Mami cuutna u oengna dawngah ka ca taktakla aka awm Titas, nang tengah ca kavan pat. Pa Pathen oen mami thlawnkung Jesuh Khrih lawngah lungvatna, ngaimawngna te m'pe hawn seh.

Hebrew 13:22

Maya manau thli, thathluena awl ka thui he na vai u hamla kan ceel u. He capat kavan thut he san aih nawh.

Hebrew 6:9

Ka paya thli he tila nangmi tengah awl kavan thui de nangmi kawngah ka ngai mawng, nangmi lawng yotheen kam-awmna atheen ngaai thlawnna na khueh u te kaimi lawng ka ming.

1Peter 5:12

He capat atoica he Silas kah bawmna rang oen nangmi tengah kavan thut, ahih he uep-awm khrihca maya manau la ka poek ni. Nangmi tengah thaphawhna awl thui ham ka ngaih tih nangmi lawng na dang u lungvatna tah Pathen tengkah tangtang ni tila aka mingkung la ka awm. Te lungvatna dawngah acakla pai uh.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

2Peter 2:21

Doengna lawngpui te ming coengah ahimi a peek u aciim awlpeek te mel taak koep lak atah doengna lawngpui te ming nawh ngala kawinih ahimi ham theen ngaai sui de.

Jude 1:1

Jesuh Khrih kah tuihyoeihthlaang oen Jeem kah manau Juda lawng Pathen lawngah a khue thlaang-thli, Jesuh Khrih lawng a thlipdah tih Pa Pathen kah lungna khuiah aka awm thli tengah:

Jude 1:17

Tede, Ka paya thli, mami Bawipa Jesuh Khrih kah celtuih thli lawng n'hu vengah nangmi tengah avan thui u te hilh u boel.

Jude 1:20

Tede ka paya thli, nangmi tah namami kah aciim oengna dawngah namami oen namami tawm athap patoeng uh. Aciim Muithla tharana oen thangthui uh.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.