Johan 9:16 - Matu Chin New Testament 2006

¹⁶ Farasi thlaang khatsut lawngtah, “He tila aka sai thlaang lawngah te Sabbath phung a vai nawh dawngah Pathen tengkah aka law thlaang nawh ni.” tila a thui u. Tede thlaangtloe lawngtah, “Thlaang thawlh pakhat lawng he ang kawpoekrai miknoekna he metila a sai thai ai?” ti u. Tedawngah ahimi tim ah pekbona te awm.

Matu Bible

¹⁶ Te dongah Pharisee rhoek khuikah hlangvang loh, “Sabbath te a tuem pawt dongah anih te Pathen taeng lamkah hlang moenih,” a ti uh. Tedae a tloe rhoek loh, “Hlang tholh loh hebang miknoek metlam a saii thai eh?” a ti uh tih amamih ah paekboenah la om.

Johan 9:16 Iomraidhean Croise

Mathai 12:10

Te kah sinakok bok-im ah kutkheem thlaang pakhat awm. Te ah te Jesuh thawlh peel ham aka ngaih thlaang khatsut awm. Ahimi lawng Jesuh te, “Sabbath hin ah thlaang hoeih sak ham mami kah Phungawl lawng a ngaih kai aw?” tila a doet u.

Mathai 12:2

Farasi thli lawng a huh vengah, Jesuh nala “Bueh lah, na hubang hue lawng sabbath hin ah he tila a sai u he kaimi kah Phungawl a phe,” a tina u.

Luka 13:14

Sabbath khawhin ah Jesuh lawng thlaangtlo a hoeih sak dawngah sinakok bok-im ukkung te a thin sa; tedawngah thlaangping nala te, “Mami lawng bii bina ham khawhin hinruk awm; te khawhin ah te law u langtah thlaangtlo hoeih sak uh, tede Sabbath khawhin atah sai u boel!” a tina.

Johan 10:19

He kah awl dawngah he thlaangping tim ah pekbona te koep awm.

Johan 14:11

Kai lawngah, kai tah a Pa khuiah ka awm tih ka khuiah a Pa awm tila ka thui he tangna lah. Na tangna nawh atah ka sai thaihu te tangna uh.

Johan 15:24

A-u lawngkhaw a sai nooek nawh te ahimi tim ah ka sai nawh kawinih ahimi te thawlh u nawh sui; kai lawng ka sai te ahimi lawng a huh u tih a Pa oen kai he n'thina u poen.

Johan 2:11

Jesuh lawng lamhacuek kawpoek rai thaihu he Galili peng Kanaa khaw ah a sai; te ah te a ruep-awmna a tueng sak tih a hubang hue lawng ahih te a tangna u.

Johan 3:2

Yiin at atah ahih te Jesuh tengla cet tih, “Rabbi, nang tah Pathen kah thlaangtuih cangpueikung pakhat ni tila ka ming u. Pathen kah awmpueina nawh atah kawpoek rai na sai he a-u khat lawngkhaw sai thai manawh.” a tina.

Johan 5:10

tedawngah aana khuehkung Judah thlaang thli lawng aka hoeih thlaangtlo nala te, “Tihin he Sabbath khawhin la awm tih ihphah na kawh te mami kah Phungawl lawng ngaih nawh.” a tina u.

Johan 5:36

Tede Johan kah sausideng lak ah alentloe sausideng ham ka khueh: te tah a Pa lawng sai ham m'peek bii ka sai te ni, te lawng atah kai yuengla awl a thui vetih a Pa lawng kai he a tuih tila a tueng sak ai.

Johan 6:52

He awl lawngah ahimi tim ah te thinso kawsa a thawh sak tih, “He kah thlaang lawngah he mami kah caak hamla metila a thi asa te mami m'peek thai ai?” tila doet u.

Johan 7:12

Thlaangping tim ah ahih kawng te tuemtuem a thui u. Thlaang khatsut lawng, “Ahih te thlaang theen ni,” ti u tih khatsut lawng, “Thlaangthe ni.” ti u.

Johan 7:23

Tecoengah Mosi kah Phungawl te phe nawh ham ah Sabbath khawhin ah camaw tawngpaca te yahhui-vuen na reet u atah kai lawng Sabbath khawhin ah thlaang te aciimthlaula ka hoeih sak dawngah he n'tu ah na thin a sa u?

Johan 7:43

Tedawngah thlaangping hue tah Jesuh kawngah a kaw poek vai u nawh.

Johan 9:24

Ahimi lawngah mikpum la aka thang thlaang te apabela a khue koep u tih, “Awltak na thuina ham Pathen haiah awl kam lah! Nang kah mik aka hoeih sak te thlaangthawlh ni tila ka ming u.” a tina u.

Caeltueih 14:4

Te khawpui khuikah thlaangping tah pek u tih khatsut lawng Judah thlaang te a bawngyawng u tih khatsut lawng celtuih rawi te a bawngyawng u.