Johan 8:6 - Matu Chin New Testament 2006

⁶ Ahimi lawng he tila a thui u he tah, Jesuh te amah awl thui dawngah a thawlh tuuk pe ham oen ah ahimi lawng thawlh a peel thaina ham ni. Tede ahih lawng buekuep tih a kutdawn oen dilai dawngah ca a thut.

Matu Bible

⁶ Tedae he nen he amah paelnaeh ham a khueh uh dongah a noemcai uh tih a voek uh. Te dongah Jesuh loh buluk thuk tih kutdawn neh lai ah a daek.

Johan 8:6 Iomraidhean Croise

Mathai 10:16

“Hutung u lah! metaang tim ah tuu angla nangmi he kan tuih u. Tedawngah ruul angla na cuih khueh u lang akhuu angla na kaw daw sak uh.

Mathai 15:23

Tede Jesuh lawng kam at khaw voem nawh. A hubang thli a tengla law u tih, “Ahih he tuih loeih, mami hu ah bang tih thlaangngeu palaawn la paang khiing,” a tina u.

Mathai 16:1

Farasi oen Sadusi khatsut te Jesuh tengla law u tih a thawlhna tlap ham a ngaih u dawngah, Pathen kah thlaangtuih la na awm ti he mingna ham kawpoekraina van sai lah tila a ceel u.

Mathai 19:3

Farasi khatsut lawng a tengla law u tih a thawlhna tuuk pe ham a ngaih u dawngah, “A me ang kawng dawng maiah a khaw tawngpa pakhat lawng a yu thlaak ham mami kah phungawl lawng a ngaih aw?” tila a doet u.

Mathai 22:18

Ahimi kah kamthlahna athe khawkhan te Jesuh lawng a ming dawngah ahimi te, “Thlaangthaipalat hue, n'tu dawngah kai he kamah awl dawngah tuuk ham na ngaih u?

Mathai 22:35

Ahimi timkah Phungawl aka ming thlaang pakhat lawng Jesuh kah a thawlhna tuuk pe a ngaih dawngah,

Mathai 26:63

Tede Jesuh lawng n'tu khaw thui nawh. Khawsoeih Bawi lawng pai koep tih, “Aka hing Pathen miing ka phoei tih kan doet: Nang he Pathen Capa Messiah tang aw thui lah?” a tina.

Marku 10:2

Farasi thlaang khatsut hue lawng a thawlhna tuuk pe ham a tengla law u tih, “Mami kah Phungawl lawngah thlaang pakhat lawng a yu te thlaak hamla lawngpui a awng pe aw? tila a doet u.

Marku 12:15

Tede Jesuh lawng ahimi kah thailatna te a ming tih, “Me tih ti kawngah kai he kamah awl thui dawngah thawlhna tuuk ham na ngaih u? Ngun tangka pheek at ah van khuen u lah, ka bueh lah ai,” a tina.

Marku 3:2

Jesuh kah sai thawlhna dawngah thawlh peel ham aka ngaih thlaang khatsut te ah te awm u; tedawngah Sabbath khawhin ah Jesuh lawng thlaang a hoeih sak ai aw, hoeih sak nawh ai aw ti u tih ahimi lawng ayoeirepla huh ham a doen u.

Marku 8:11

Farasi thlaang khatsut Jesuh tengla law u tih Jesuh oen oelhtaih u. Ahimi lawng a thawlhna tuuk pe ham a ngaih u dawngah, “Pathen kah thlaang tuih la na awm tang aw, na awm nawh aw tite mingna hamla kawpoekrai-miknoek pakhat ah sai lah,” a tina u.

Luka 10:25

Phungawl cangpueikung pakhat law tih Jesuh kah a thawlhna tuuk pe ham a yawm. Ahih lawngah, “Saya, dungyan hingna ka dangna ham n'tu ka sai ai?” tila a doet.

Luka 11:16

Thlaangtloe lawngtah Jesuh kah a thawlhna te tuuk ham a ngaih u dawngah ahih kah a sai te Pathen ben-kah aka law ni tite tuengsakna ham kawpoek raina sai ham te a bih u.

Johan 8:2

Avuen mincanghi ah Tempal bok-im la te koep cet. Thlaangping lawng ahih te a veel khoep u, ngawl thuk tih ahimi te a cang puei.

1Korin 10:9

Mami lawng Bawipa te noekdak hamla awm nawh, thlaang vangg lawng te tila a sai u dawngah ruul lawngah a tuk dingkang tih duek u.