Johan 8:55 - Matu Chin New Testament 2006

⁵⁵ Nangmi lawngah a hih te na ming u nawh, tede kai lawngtah ka ming. Ahih te ka ming nawh ka ti kawinih nangmi angla kai he hoemthuikung la ka awm ai. Tede kai lawngtah ahih te ka ming tih a awl ka ngaai pe.

Matu Bible

⁵⁵ Amah te na ming uh pawt cakhaw kai tah amah te ka ming. Amah ka ming pawh te ka thui koinih nangmih phek la laithae la ka om ni. Tedae amah te ka ming tih a ol te ka kuem coeng.

Johan 8:55 Iomraidhean Croise

Mathai 11:27

“Apa lawng thaihu soeprep boeih m'peek poen. Apa nawh tah a-u lawngkhaw Capa te ming nawh. Capa oen amah te m'ming seh tila Capa lawng a tueng sak thlaang thli teng bueng nawh atah a-u lawngkhaw a Pa te ming u manawh.

Luka 10:22

“A Pa lawng thaihu soeprep boeih m'peek poen. Capa he a-u ti khaw Pa nawh atah a-u lawngkhaw ming nawh. Amah te tueng sak hamla Capa lawng a tuek thlaang oen Capa amah lawng nawh atah Pa te a-u lawngkhaw ming u nawh.

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 15:10

A Pa kah awlpeek te ka vai tih a lungna khuiah ka awm van angla ka awlpeek thli he na vai u atah kai kah lungna khuiah na awm u.

Johan 15:21

Tede nangmi he kai kah thlaang la na awm u dawngah ahimi lawng te ang thli boeih te nangmi sawah avan sai ai; metihtiah ahimi lawng kai aka tuihkung te ming u nawh.

Johan 16:3

Ahimi lawngah kai he khaw, a Pa khaw a ming u nawh dawngah he ang thli he nangmi sawah a sai u ai.

Johan 17:25

Aka doeng a Pa! Dilai lawng nang m'ming nawh de kai lawngtah kan ming tih nang lawngah kai he nan tuih tite he thli lawng a ming u.

Johan 6:46

He tah a Pa te aka hu thlaang awm ti ngaihna nawh ni; Pathen tengkah aka law bueng lawng ni Pa te a huh.

Johan 8:19

Ahimi lawngah, “Na Pa te mela a awm?” a tina u. Jesuh lawng, “Nangmi lawng kai he khaw nan ming u nawh, a Pa khaw na ming u nawh. Nangmi lawng kai he nan ming u kawinih a Pa khaw na ming u van ai” a tina.

Johan 8:29

Tecoengah kai aka tuihkung te tah ka tengah awm; metihtiah kai lawngah ahih kah kawhoena te ka sai poepa dawngah kamah bueng n'ceh taak sut nawh.” a tina.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Johan 8:51

Awltak kavan thui u; a-u khaw kai lawng kan cang puei he aka vai tah mevengah khaw duek manawh.” a tina.

Johan 8:52

Ahimi lawngah ahih nala te, “Nang he raaithe na khueh tite tahe atah acaihla ka ming u poen! Abraham tah duek poen tih tawngha hue khaw duek boeih poen, tede nang lawngtah, ‘a-u khaw kai lawng kan cang puei he aka vai tah mevengah khaw duek manawh’ na ti.

Caeltueih 17:23

Metihtiah na vang khuiah ka yingyawi tih nangmi lawng na bokna ahuen boeih te ka bueh vengah asawah, “Ming Nawh Pathen Hamla” tila na thut u bokna-thaang pakhat te ka huh. Nangmi lawng ming heet muehla na bok u te ni tahe ah nangmi teng kavan thui.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

1Johan 1:6

Tecoengah mami lawng ahih oen pawlneengna ka khueh n'ti u tih yiinna khuiah ng'awm u atah mami tah awlkaa oen khawseh, saina oen khawseh, hoem awl ni n'thui u.

1Johan 2:22

Tetih atah a-u nuem hoem-thuikung? Jesuh tah Messiah nawh ni tila aka thui te hoemthuikung la awm. Te ang thlaang te tah Khrih kah raal ni, Pa oen Capa te aka hoett thlaang ni.

1Johan 2:4

Thlaang pakhat khat lawng ahih te ka ming ti de, a awlpeek te a vai nawh atah te ang thlaang tah hoem aka thui tih ahih dawngah awltak awm nawh.

1Johan 5:10

A-u khaw Pathen Capa aka tangna boeih lawngtah he sausi he lungbui khuiah a khueh; tede a-u khaw Pathen te aka tangna nawh lawngtah Pathen lawng a Capa kawng a thui te a tangna nawh dawngah Pathen te hoemthuikung la a coengg sak.

Olphong 3:9

Hutung lah! Judah thlaang la ka awm ti u tih Judah thlaang tak nawh hoem thui hue te tah Seitan kah thlaang thli te nangmi haiah kavan law sak vetih na khow kungah ka buekuep sak ai. Nang kan lungna te ahimi boeih lawng a ming ai.