Johan 8:37 - Matu Chin New Testament 2006

³⁷ Nangmi he Abraham cadil tite ka ming ngoen ta. Kai lawng kan cang puei he nangmi lawng na do u nawh dawngah kai he ngawn ham nangmi lawng na yawm u.

Matu Bible

³⁷ Abraham kah tiingan la na om uh tila ka ming. Tedae kai kah olka he nangmih ah a om pawt dongah kai ngawn hamla nan mae uh.

Johan 8:37 Iomraidhean Croise

Mathai 13:15

Metihtiah a kawpoek biing sut tih a haa a buem khoep u, a mik te a yiin khoep u, tih nawh kawinih ahimi mik lawng a huh vetih a haa lawng a yaak coengah a thinkaw lawng a yaakming vetih ka tengla va meel u ai, ahimi te kai lawng ka hoeih sak sui de” tila Pathen lawng a thui te ni.

Mathai 3:9

Abraham tah cuunkung patuer ni tila thui mailai oen dantatna kalawng ka loeih ai tila poek hau u boel. Pathen lawng he kah lungto thli he a lawh vetih Abraham cadil la a sai thai ti he kavan thui u.

Johan 10:31

Tecoeng atah ahih te dena hamla lungto a ruh u.

Johan 11:53

Te khawhin kalawng tah aana khuehkung Judah thlaang thli lawng Jesuh te ngawn hamla khawkhanna a sai u poen.

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Johan 7:1

He coengah Jesuh tah Galili peng la te kamyin la cet; Judia peng khuiah aka awm aana khuehkung Judah thlaang thli lawng ahih te ngawn ham a ngaih u dawngah tela te yin ceh ham ngaih nawh.

Johan 7:19

Mosi lawng Phungawl te nangmi m'peek u. Tede a-u khat lawngkhaw Phungawl te na vai u nawh. Nangmi lawng n'tu dawngah kai he ngawn ham nan teeng u?” a tina.

Johan 7:25

Jerusalem ah aka awm thlaang khatsut lawng, “Aana khuehkung thli lawng ngawn hamla a teeng u te ahih he nawh aw?

Johan 8:33

Ahimi lawngah, “Kaimi tah Abraham cadil la ka awm u tih a-u khat kah saltamnaa la khaw ka awm u nawh. ‘Nangmi tah na loeih ai’ tila na thui te n'tu na thuingaihna?” tila a doet u.

Johan 8:43

Kai lawng kavan thui he n'tu ah na yaakming u nawh? Awl kavan thui he na hutung u thai nawh dawngah ni.

Johan 8:56

Nangmi kah na pa Abraham lawngah kai ka lawna atue he huh a ngaih tih awmngaih; ahih lawng a huh tih a kaw hoe.” a tina.

Johan 8:59

Tecoeng atah ahih te de ham ah lungto a ruh u, tede Jesuh lawng a thuh u taak tih Tempal bok-im kalawng ah suntla.

Johan 8:6

Ahimi lawng he tila a thui u he tah, Jesuh te amah awl thui dawngah a thawlh tuuk pe ham oen ah ahimi lawng thawlh a peel thaina ham ni. Tede ahih lawng buekuep tih a kutdawn oen dilai dawngah ca a thut.

Caeltueih 13:26

“Abraham cadil, ka puei Israel thlaangphun thli oen Pathen aka bok Gental thlaangphun thli; thlawnna awlthang he mami tengah m'peek!

Rom 9:7

Abraham cadil hue khaw apumboeihla Pathen cadil la awm boeih aih nawh. Pathen lawng Abraham te, “Kai lawng awl ka kam cadil nauha te Isak rang oen ah na khueh ai,” a tina.

1Korin 2:14

A-u khaw Muithla aka khueh nawh te tah Pathen Muithla dawng kalawng aka law kutdo te dang thai manawh. Te ang thlaang lawngtah yaakming thai tang manawh; ahih hamla tah apoeila ni a awm, metihtiah Muithla ben kah kutdo thli te tah Muithla bueng oen ni ming thai la a awm.

1Johan 2:14

Ka ca ka nau thli nangmi lawng Pa te na ming u poen dawngah nangmi tengah he ca he kavan thut. Papa thli, acuekca kalawng aka awm ahih te na ming u dawngah nangmi tengah he ca he kavan pat. Cadawng caloe thli nangmi tah na tha a ra u dawngah nangmi tengah he ca he kavan pat. Pathen awl te nangmi khuiah awm tih Raaibawi te na taa poen.