Johan 7:39 - Matu Chin New Testament 2006

³⁹ Jesuh lawng amah te aka tangna thlaang thli lawng a dang ham koei Muithla kawng te ni he tila a thui. Te kah atue vengah ahih te Muithla pe thlan hun, metihtiah Jesuh te ruep-awm la thawh sak thlan hun.

Matu Bible

³⁹ Tedae amah aka tangnah rhoek loh a dang ham Mueihla kawng te a thui. Jesuh a thangpom hlan dongah Mueihla tah ana pae hlan.

Johan 7:39 Iomraidhean Croise

Mathai 16:14

Ahimi lawng, “Khatsut lawng Baptisma pekung Johan,” ti u, atloe hue lawng, “Elijah,” ti u, atloe khatsut lawng, “Jeremiah nawh atah atloe tawngha pakhat khat cawini ti u,” a tina.

Mathai 21:11

Tevengah thlaangping lawng, “He thlaang he tah Galili ram Nazaret khaaw kah tawngha Jesuh ni,” a tina u.

Luka 24:49

Kamah roe lawngah a Pa lawng avan kam te nangmi tengah kavan tuih ai. Tede asawben kah tharana te nangmi tengah a law thlantoe tah khawpui khuiah te ring uh.” a tina.

Luka 3:16

Tedawngah Johan lawng ahimi nala te, “Kai lawngtah tui oen ah baptisma kan peek u, tede thlaang pakhat kai lak ah aka lenduet te law ai. Kai tah ahih kah khawmuek rui Pateng thlam pe hamla ka mueinai nawh. Ahih lawngtah nangmi te Ciim Muithla oen hai oen ah baptisma m'peek ai.

Luka 7:16

Ahimi boeih lawng rih ruila Pathen te a thangpawm u. “Aka lenduet tawngha tah mami tim ah thoeng poen, Pathen tah a thlaang thli thlawn hamla law poen!” tila te ahimi lawng a thui u.

Johan 1:21

Ahimi lawngah, “Tetih atah nang he a-u? Nang he Elijah aw?” tila a doet u. Johan lawngah, “Kai he Elijah nawh ni” tila awl a thung pe. Ahimi lawngah, “Nang he tawngha aw?” tila koep a doet u tih, “Kai he tawngha nawh ni” a tina.

Johan 1:25

Johan nala te, “Nang he Messiah nawh, Elijah nawh tih tawngha nawh atah n'tu ah nang lawng baptisma na peek?” tila a doet u.

Johan 1:33

Ahih te a-u ti khaw ka ming nawh, tede tui oen ah baptisma peek hamla tuihkung Pathen lawngah ‘Muithla te va rum thuk vetih thlaang pakhat sawah a cuuk te na huh ai; ahih te tah Ciim Muithla oen baptisma pekung ni tite na ming ai,’ ti.

Johan 12:16

Tevengah te a hubang hue lawng he kah thaihu he yaakming u thai nawh; tede Jesuh he ruep-awm la a thawh coeng veng atah Caciim lawng ahih kawng a thui tih ahih hamla ni ahimi lawng a sai pe u tite a yaakming u.

Johan 12:23

Jesuh lawng ahih rawi nala te, “Thlaanghing Capa lawng aka lenduet ruep-awmna dang hamla tahe ah atue a pha poen.

Johan 14:13

Capa rang oen ah Pa kah ruep-awmna te a tuengna ham ka miing oen na bih boeih te kavan sai ai.

Johan 14:26

A Pa lawng ka miing oen avan tuih ham koei Bawmkung Ciim Muithla lawngah soeprep boeih te nangmi m'cang puei vetih kavan thui boeih he nangmi m'ming sak ai.

Johan 16:14

Ahih lawng kai he ruep-awmna te m'peek ai, metihtiah ahih lawngtah kai lawng ka thui te nangmi tengah avan thui ai.

Johan 16:7

Tede awltak kavan thui: kai he ka ceh atah nangmi ham theen bet ai, metihtiah ka cet nawh kawinih nangmi tengah Bawmkung te law manawh. Tede ka cet kawinih ahih te nangmi tengla kavan tuih ai.

Johan 17:1

Jesuh lawng he awl he a thui coengah ahih tah vaan benla maang hang tih, “A Pa, atue tah a pha poen. Na capa kai lawng nang te ruep-awmna kan peekna ham na capa he ruep-awmna m'pe lah.

Johan 17:5

A Pa! Dilai sai thlan ah namah oen awm haih vengkah ruep-awmna te ang van te tahe namah haiah ruep-awmna te m'pe lah.

Johan 20:22

Tecoengah ahimi sawah a hill te pho a hut tih, “Ciim Muithla he lo u lah.

Johan 6:14

Jesuh lawng a sai kawpoekrai miknoekna he aka hu thlaang boeih lawngah, “Ahih he tah dilai dawngah aka law ham koei Tawngha taktak te ni” tila a thui u.

Johan 7:12

Thlaangping tim ah ahih kawng te tuemtuem a thui u. Thlaang khatsut lawng, “Ahih te thlaang theen ni,” ti u tih khatsut lawng, “Thlaangthe ni.” ti u.

Johan 8:54

Jesuh lawng awl a thung tih, “Kai lawng kamah oen kamah ka thangpawm u atah te thangpawmna te aphu awm nawh. Kai he thangpawmkung tah a Pa ni, nangmi lawng namami kah Pathen na ti u te ni.

Caeltueih 19:2

Te atah, ‘Nangmi lawng oengca la na coengg u vengah te Ciim Muithla na dang u poen aw? tila ahimi te a doet. Tevengah ahimi lawng, “Ciim Muithla awm tite a yaak pateng khaw ka yaak u moenih.” ti u.

Caeltueih 2:17

Ahih lawngah, ‘Khawhin aboetna a pha atah, Pathen lawng: Thlaang boeih he ka Muithla oen ka toi ai. Na capa thli oen na canu thli lawngah ka awl he a phawng u ai; Thlaangno roeng thaai thli lawng huhthlaam a huh u vetih Ciya patawng hue lawngah mang a man ai.

Caeltueih 2:33

Ahih tah ana Pa Pathen kah bantang ben ah a ngawlh sak poen tih ana Pa kah awlkam angla Muithla te a dang poen. Tahe ah nangmi lawng na huh u tih na yaak he tah kaimi sawah avan toi amah kutdo ni.

Caeltueih 2:38

Piter lawng ahimi nala te, “Nangmi boeih lawngah na thawlhna yut u langtah na thawlhna boeih khawdawp ngaaina hamla Jesuh Khrih miing oen ah baptisma hu u lah; te atah Pathen kah kutdo Ciim Muithla te na dang u ai.

Caeltueih 2:4

Ahimi tah Ciim Muithla oen betoet u tih Muithla lawngah a thui sak angla awl tloe la cal u.

Caeltueih 3:13

Abraham, Isak oen Jakob Pathen, mami patuer hue kah Pathen lawngah amah kah tuihyoeih-thlaang Jesuh te aciim ruep-awmna te a peek poen. Tede nangmi lawng aana khuehkung thli kut ah na peek tih Pilat lawng ka thlah silang tah ka loeih sak ai tila awl a khueh coengah Pateng khaw Pilat haiah nangmi lawng na thana u.

Caeltueih 4:31

Ahimi lawng a thangthui coeng boet atah ahimi a tunna ahuen te hinghuen. Ahimi tah Ciim Muithla oen betoet u tih Pathen awl te thin awm tangkiik la a thui u.

Rom 8:9

Tede nangmi tah thlaanghing pumsa ngaihna ah na awm u nawh, Pathen Muithla nangmi khuiah ataktangla a awm atah Muithla kawngaih angla na awm u. A-u khaw Khrih Muithla aka khueh nawh tah Khrih amah koe la awm nawh.

2Korin 3:8

Muithla kah biibina ruep-awm tare tah metihtlukla a lentloe tare ai!

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.