Johan 7:32 - Matu Chin New Testament 2006

³² Jesuh kawng te thlaangping lawng-ah te tila tuemtuem a thui u te Farasi thlaang thli lawng a yaak u, tedawngah ahimi oen khawsoeih ahaamca thli lawng ahih te tuuk sak hamla raalkap a tuih u.

Matu Bible

³² Anih kawng neh hlangping kah a kohuet te Pharisee rhoek loh a yaak uh. Te dongah anih tuuk ham tueihyoeih rhoek te khosoihham rhoek neh Pharisee rhoek loh a tueih uh.

Johan 7:32 Iomraidhean Croise

Mathai 12:14

Tecoengah Farasi hue lawng cet u tih Jesuh te ngawn hamla a teeng u.

Mathai 23:13

“Phungawl cangpueikung hue oen Farasi hue! nangmi ham khawmap tangkiik! Nangmi thlaangthaipalat hue, nangmi lawng Vaan ram thawhka te thlaang kuun thai nawh ham na khaih khoep u tih namami khaw na kuun u nawh; kuun aka ngaih thli ham khaw awng ham na ngaih u nawh.

Mathai 26:58

Piter lawngah a thla bet ngai kalawng Khawsoeih Bawi kah a talawng vawng-up khui toela Jesuh te a hu yut tih a vai. Metila nuem a sai u lah ve tite ming ham a ngaih dawngah ahih lawng talawng vawng-up khuila kuun tih raaltoeng thli oen haih ngawl.

Johan 11:46

Tede khatsut tah meel koep u tih Jesuh kah a sai te Farasi thlaang thli tengah a thui pe.

Johan 12:19

Tedawngah Farasi thlaang thli lawng amami khat oen khat te, “Mami lawng n'taa thai nawh poen ti he na ming u aw! Bueh lah, dilai pum lawng ahih hu ah bang u poen!” ti u.

Johan 18:3

Tedawngah Judas lawng Rom raalkap bu khat oen ah Farasi thlaang thli oen khawsoeih ahaamca hue lawng a tuih tempal bok-im aka toet thlaang vang te dum la a ceh puei. Ahimi lawng pawmcunghaiha oen oep u tih haiim oen haithoei te a khuen u.

Johan 7:30

Te vengah te ahimi lawng ahih te tuuk ham a yawm u de ahih kah atue a pha thlan dawngah a-u khat lawngkhaw tu u nawh.

Caeltueih 5:26

Tevengah tempal bok-im aka toet bawi lawng amah kah thlaang thli te a ceh puei tih celtuih hue te avan khuen koep u. Tede amami te thlaangping lawngah lungto oen n'de hau ai tite a rih u tih a mangkhakla tah sai u nawh.