Johan 7:30 - Matu Chin New Testament 2006

³⁰ Te vengah te ahimi lawng ahih te tuuk ham a yawm u de ahih kah atue a pha thlan dawngah a-u khat lawngkhaw tu u nawh.

Matu Bible

³⁰ Te dongah amah tuuk ham a mae uh dae a tue te a pai hlan dongah anih te kut hlah uh thil pawh.

Johan 7:30 Iomraidhean Croise

Mathai 12:14

Tecoengah Farasi hue lawng cet u tih Jesuh te ngawn hamla a teeng u.

Mathai 21:46

Tedawngah Jesuh te tuuk ham kamthlah u. Tede thlaangping lawng Jesuh he tawngha ni a ti u dawngah thlaangping te a rih u.

Marku 11:18

Khawsoeih ahaamca thli oen Phung-awl cangpueikung hue lawng he awl he a yaak u tih Jesuh te ngawn hamla along a-im a tlap u. Jesuh kah cangpueina te thlaangping rangpui tah a kawpoek rai u tih ahimi lawng Jesuh te a rih u.

Luka 20:19

Phungawl cangpueikung thli oen khawsoeih ahaamca hue lawng he kah thuidoetna awl he amami ni a thuingaihna tite a ming u dawngah Jesuh te tuuk pahoei ham a ngaih u; tede ahimi lawngah thlaangping te a rih u.

Luka 22:53

Kai he khawhin roekk ah Tempal bok-im ah nangmi oen n'awm u ta, tevengah te nan tu u nawh. Tede yiin tharana lawng a uk lii tahe vengah he nangmi kah saina hamla a tue theen ni.” a tina.

Johan 10:31

Tecoeng atah ahih te dena hamla lungto a ruh u.

Johan 10:39

Ahimi lawngah Jesuh te tuuk hamla koekthoek a yawm u de ahih lawng a thuh u taak vik tih ahimi kah kut dawng kalawng loeih.

Johan 11:57

Khawsoeih ahaamca thli oen Farasi thlaang thli lawng ahih te a tuuk thaina u ham, “A-u lawngkhaw Jesuh a awmna te na ming u atah van thui uh.” tila awl a uen u.

Johan 7:19

Mosi lawng Phungawl te nangmi m'peek u. Tede a-u khat lawngkhaw Phungawl te na vai u nawh. Nangmi lawng n'tu dawngah kai he ngawn ham nan teeng u?” a tina.

Johan 7:32

Jesuh kawng te thlaangping lawng-ah te tila tuemtuem a thui u te Farasi thlaang thli lawng a yaak u, tedawngah ahimi oen khawsoeih ahaamca thli lawng ahih te tuuk sak hamla raalkap a tuih u.

Johan 7:6

Jesuh lawng ahimi nala te, “Kai ham atue atang pha thlan hun. Nangmi ham tah me ang atue atang khaw theen mai ta.

Johan 7:8

Te kah poei la te nangmi cet uh, kai ham tah atue a pha thlan dawngah te poei la te kai tah ka cet manawh.” a tina.

Johan 8:20

Jesuh lawng he kah awl boeih he Tempal bok-im khuikah tangka khuehna kong tengah a cang puei u vengah te a thui. Tede amah kah atue te a pha thlan dawngah a-u lawngkhaw a hih te tu u nawh.

Johan 8:37

Nangmi he Abraham cadil tite ka ming ngoen ta. Kai lawng kan cang puei he nangmi lawng na do u nawh dawngah kai he ngawn ham nangmi lawng na yawm u.

Johan 8:59

Tecoeng atah ahih te de ham ah lungto a ruh u, tede Jesuh lawng a thuh u taak tih Tempal bok-im kalawng ah suntla.

Johan 9:4

Khawthaih vengah he kai aka tuihkung kah bii te mami lawng bi ham awm; a-u lawngkhaw bii a bi thaina nawh khawyiin te law ai.