Johan 7:12 - Matu Chin New Testament 2006

¹² Thlaangping tim ah ahih kawng te tuemtuem a thui u. Thlaang khatsut lawng, “Ahih te thlaang theen ni,” ti u tih khatsut lawng, “Thlaangthe ni.” ti u.

Matu Bible

¹² Te dongah anih kawng hlangping te kohuetnah la muep om uh. A ngen loh, “Hlang then ni,” a ti uh. A tloe rhoek loh, “Pawh, hlangping te a rhaithi coeng,” a ti uh.

Johan 7:12 Iomraidhean Croise

Mathai 10:25

Tedawngah sengcamoe lawng saya angla, tamnaa lawng a bawi angla a awm atah a kaw a tluep ham awm mai. Imkhuikaw kah a luu koek te Beelzebul tila a khue u atah, a cakaw hue tare tah te lak ah anauh ngaai miingthe oen a khue u ai!” a tina.

Mathai 21:46

Tedawngah Jesuh te tuuk ham kamthlah u. Tede thlaangping lawng Jesuh he tawngha ni a ti u dawngah thlaangping te a rih u.

Mathai 27:63

“Bawipa hoem thui thlaang ahih lawng te a hing vengah, ‘Kai tah duekna kalawng ka tho koep ai’ tila a thui te ka ming u.

Luka 18:19

Jesuh lawng ahih te, “N'tu ah kai he thlaang theen nan tina? Pathen pakhat bueng nawh atah a-u khat khaw theen nawh.” a tina.

Luka 23:47

Te tila a awm te raalbawi lawng a huh vengah Pathen te a thangpawm tih, “Ahih he tah thlaangdoeng tangtang ni!” tila te a thui.

Luka 23:50

Judah peng Arimatia khaaw kah Josep aka miingna thlaang pakhat awm. Ahih tah hinyah koei thlaangdoeng pakhat la awm tih Pathen Ram a lawna tue te a ring.

Luka 6:45

Thlaang theen lawngtah a thinkaw lungbui khuikah thaihu theen a tung asep khui kalawng atheen thaihu te a thoeng sak; thlaangthe lawngtah thaihu the a tung asep te a thoeng sak. Metihtiah thinkaw khuiah abetoet te hui a kaa lawng a thui.

Luka 7:16

Ahimi boeih lawng rih ruila Pathen te a thangpawm u. “Aka lenduet tawngha tah mami tim ah thoeng poen, Pathen tah a thlaang thli thlawn hamla law poen!” tila te ahimi lawng a thui u.

Johan 6:14

Jesuh lawng a sai kawpoekrai miknoekna he aka hu thlaang boeih lawngah, “Ahih he tah dilai dawngah aka law ham koei Tawngha taktak te ni” tila a thui u.

Johan 7:32

Jesuh kawng te thlaangping lawng-ah te tila tuemtuem a thui u te Farasi thlaang thli lawng a yaak u, tedawngah ahimi oen khawsoeih ahaamca thli lawng ahih te tuuk sak hamla raalkap a tuih u.

Johan 7:47

Farasi hue lawng, “Nangmi khaw n'ngau sak u poen aw?

Johan 7:52

Ahimi lawngah, “Nang khaw Galili thlaang van aw? Caciim te thoel alang lah, Galili kalawng tawngha khat khaw thoeng vai nawh tite na ming ai.” a tina u.

Johan 9:16

Farasi thlaang khatsut lawngtah, “He tila aka sai thlaang lawngah te Sabbath phung a vai nawh dawngah Pathen tengkah aka law thlaang nawh ni.” tila a thui u. Tede thlaangtloe lawngtah, “Thlaang thawlh pakhat lawng he ang kawpoekrai miknoekna he metila a sai thai ai?” ti u. Tedawngah ahimi tim ah pekbona te awm.

Caeltueih 11:24

Barnabas tah thlaangdoeng pakhat la awm, Ciim Muithla oen oengna oen ah betoet tih thlaang yahawh hlang te Bawipa tengla avan law puei.

Rom 5:7

Thlaangdoeng pakhat hamla thlaang pakhat duek ham rai tangkiik. Thlaang theen ham tah aka duek ngam khaw awm mai ai.

Philipi 2:14

Soeprep boeih te caitoek ohla, oelhtaih u muehla sai uh,