Johan 6:57 - Matu Chin New Testament 2006

⁵⁷ Aka hing a Pa lawngah kai he n'tuih tih ahih rang oen ah kai khaw ka hing. Tetih van angla a-u khaw kai he aka ca tah kai rang oen ah hing ai.

Matu Bible

⁵⁷ Aka hing a pa loh kai n'tueih tih a pa rhangneh kai ka hing bangla ka saa aka ca tah kai rhangneh hing van ni.

Johan 6:57 Iomraidhean Croise

Mathai 16:16

Simon Piter lawng, “Nang tah aka hing Pathen Capa Messiah ni,” a tina.

Johan 14:19

Kawlkalh a awm coeng atah dilai lawng kai he n'hu tlaih manawh, tede nangmi lawngtah nan huh ai; kai tah ka hing dawngah nangmi khaw na hing u van ai.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Johan 3:17

Metihtiah Pathen lawng dilai he awl cek ham a Capa he van tuih nawh, dilai thlawnkung la awm ham ni avan tuih.

Johan 5:26

Ana Pa amah te hingna kungpui la awm, tetih van la a Capa te hingna kungpui la awm ham a sai poen.

Johan 6:29

Jesuh lawng ahimi nala te, “Pathen lawng nangmi sai sak ham a ngaih te tah amah lawng avan tuih thlaang te tangna ham lawngah ni” a tina.

Johan 6:38

Metihtiah kamah kawngaih sai hamla vaan kah ka law nawh tih kai aka tuihkung kah kawngaih te sai ham ni ka law.

1Korin 15:22

Metihtiah Adam oen tuhkaina rang oen ah thlaang boeih he duekna lawng a khuk dulh, tetih van angla Khrih oen tuhkaina rang oen thlaang boeih he hingna ah tho koep ai.

1Korin 15:45

Metihtiah Caciim lawngah, “Lamhacuek tawngpa Adam te thlaanghing la a sai.” ti, tede hukhueng Adam te tah hingna pekung Muithla ni.

2Korin 13:4

Metihtiah a tha a yoek dawngah thinglam ah ngawn la awm tih duek cakhaw Pathen kah huham tharana oen hing poen. Ahih oen pumkhatla awmna ah mami khaw n'tha yoek u; tede nangmi oen kaimi tuhkaina tah Pathen kah tharana te ahih kah hingna dawngah mami lawng n'cuut u haih.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

1Thessalonika 1:9

Nangmi tengah kamyin la ka law u vengkah kaimi metila nan do nan dan u kawng te khaw, kutsaimuei te na hoett u tih Pathen te metila na pan u tite khaw, aka soeng tih aka hing Pathen kah bii te bi ham oen ah,

Hebrew 9:14

He tila ciimna te a awm tangtang atah, Khrih thisen lawngtah metihtlukla he lak ah aciim acaih sak ngaai ai! Dungyan Muithla rang oen ah aka soep luciik la amah oen amah te Pathen tengah nawn u poen. Aka hing Pathen kah bii te mami lawng bi thaina ham hoeikhangna aka awm nawh phung-alam vaina rang oen ciim acaih nawh athe atheen mingna thinkaw te a thisen oen a ciim sak ai.

1Johan 4:9

Pathen lawng a Capa khueh duen khat bueng te mami ham dilai la avan tuihna rang oen a lungna te a tueng sak tih ahih rang oen mami lawng hingna khuehna ham ni.