Johan 6:51 - Matu Chin New Testament 2006

⁵¹ Kai tah vaan kalawng aka rum thuk hingna takawi ni. A-u khaw he takawi he aka ca tah yoeyahla hing poen ai. Kai lawng ka peek ham koei takawi tah ka thi ka sa he ni, dilai lawng a hingna ham ka peek ni.” a tina.

Matu Bible

⁵¹ Kai tah vaan lamkah aka suntla tih aka hing vaidam ni. Khat khat long ni he kah vaidam he a caak atah yoeyah la hing ni. Kai tah diklai hingnah la aka om ka pumsa ni vaidam la kam paek eh,” a ti nah.

Johan 6:51 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Luka 22:19

Tecoengah takawi te a lawh tih Pathen tengah awmngaih awl a thui coeng atah takawi te a eh tih ahimi te a peek, “He tah ka pum ni, nangmi ham kan peek te ni. Nangmi lawng kai he nan poek khuepna ham he tila sai uh.” a tina.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 1:29

Avuen khawhin atah amah tengla Jesuh a law te Johan lawng a huh tih, “Dilai thawlhna aka phuei Pathen kah Tuuca ke bueh u lah!

Johan 11:26

a-u khaw kai he aka tangna tih khaw aka sa tah duek roe manawh. He he na tangna aw?” a tina.

Johan 3:13

Vaan kalawng aka law thuk Thlaanghing Capa nawh atah a-u khat khaw vaan la luui nawh.

Johan 3:14

Mosi lawng ramhum huhang ah ruhum ruul te cungkui dawngah a tai van angla Thlaanghing Capa khaw a tai ai,

Johan 3:16

Pathen lawng dilai he a lungna tangkiik dawngah a Capa khat bueng khueh duen te a peek, ahih te aka tangna boeih tah duek manawh, dungyan hingna te a khueh ai.

Johan 3:36

A-u khaw a Capa te aka tangna boeih tah dungyan hingna a khueh; a-u khaw a Capa awl te aka ngai nawh tah hingna te khueh nawh vetih Pathen thinsana te a sawah poe awm ai.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Johan 6:33

Metihtiah Pathen kah peek takawi tah vaan kalawng law thuk tih dilai he hingna a peek.” a tina.

Johan 6:35

Jesuh lawng ahimi nala te, “Kai tah hingna takawi ni, a-u khaw ka tengah aka law tah meveng khaw a bung pawng manawh; a-u khaw kai he aka tangna tah meveng khaw tui hall manawh.

Johan 6:41

Ahih lawngah, “Kai tah vaan kalawng aka rum thuk takawi ni” tila a thui dawngah te kah thlaangping hue te caitoek u.

Johan 6:47

Awltak tang kavan thui u: ahih te aka tangna tah dungyan hingna a khueh.

Johan 6:48

Kai tah hingna takawi ni.

Johan 6:50

Tede, a-u khaw vaan kah aka rum thuk takawi te aka ca boeih tah duek manawh.

Johan 7:38

Caciim lawngah, “A-u khaw kai aka oeng tah a thinkaw khui kalawng hingna tui te phuet ai’ a ti angla awm ai” tila angaih hlang la pang tih a thui.

2Korin 5:19

Kaimi lawng ka thui u awlthang tah Pathen lawng Khrih rang oen thlaang boeih te amah kah paya la a sai ti he ni. Pathen lawng ahimi kah thawlhna te cayin cabu khuiah khueh pe tlaih nawh; ahimi te amah paya la a saina awlthang theen te kaimi he m'peek.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Ephesa 5:25

Vaa-aca thli, Khrih lawngah khrih-cabu te a lungna tih a hingna te a peek angla yuu-aca thli te lungna uh.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 10:20

Ahih lawngah lawngpui thai, aka hing lawngpui te baiyaan khui kalawng mami ham avan awng poen, te kah baiyaan tah amah pum te ni.

1Peter 2:4

Bawipa tengah law u lah, ahih tah aka hing lunghiim thlaanghing lawng aphu aka awm nawh angla a hoett de Pathen lawng aphu aka tlo lunghiim la a tuek poen.

1Johan 2:2

Metihtiah, Khrih amah roe he mami kah thawlh khawdawp ngaaina Luciik la awm tih mami kah thawlhna bueng nawh tih thlaang boeih kah thawlhna te khawdawp a ngaai.

1Johan 4:10

Lungna ti he tah he tila ni: mami lawng Pathen n'lungna te nawh ni, tede amah lawng mami he n'lungna tih mami kah thawlhna khawdawp ngaaina ham a Capa avan tuih he ni.

1Johan 4:14

Ana Pa lawngah a Capa te dilai thlawnkung la avan tuih te hukung oen thlaangtloe tengah thuikung tah kaimi ni.