Johan 6:37 - Matu Chin New Testament 2006

³⁷ A Pa kah peek boeih tah ka tengla law ai. A-u khaw ka tengah aka law boeih tah ka hek manawh.

Matu Bible

³⁷ Pa loh kai m'paek boeih te tah kamah taengla ha pawk vetih, kai taengah aka pawk te tah phawn ka haek tlaih mahpawh.

Johan 6:37 Iomraidhean Croise

Mathai 11:28

“Thalrih aka phuei tih tha aka hoengg thli boeih ka tengla law u lah, kai lawngah duemdawngna kan pe u ai.

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Johan 17:11

Tahe tah na tengla ka law poen ai; dilai ah ka awm tlaih manawh, tede ahimi tah dilai ah awm ai. Aka ciim a Pa! nang oen kai tah pumkhat la n'awm van angla ahimi khaw pumkhat la a awm u van ham nang lawngah nan peek huham tharana namah miing oen ah te ading asuekla thlipdah lah.

Johan 17:2

Nan peek boeih te dungyan hingna ka peek thaina ham thlaang boeih sawah sai thaina aana te nan peek poen.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Johan 17:6

Dilai dawngkah nan peek thlaang thli tengah na miing te ka tueng sak poen. Ahimi te nang kah thlaang la awm tih ahimi te kai nan peek. Ahimi lawng na awl te a ngaai u tih,

Johan 6:39

Kai he aka tuihkung kah kawngaih tah ka tengah amah kah peek boeih te pakhat khaw ha-ata sak ham nawh ni, tede aboetna khawhin ah ahimi boeih te thawh sak tih hing sak ham ni.

Johan 6:65

Tecoengah a thui pe tih, “He kawngah ni a Pa lawng avan tuih nawh atah a-u khaw ka tengla law thai manawh tila acuekca ah kavan thui u teta.” a tina.

Johan 9:34

Ahimi lawng, “Nang thawlhna dawngah aka thang tih aka roeng hang, nang lawngah aw kaimi he cangpuei ham na yawm van.” a tina u. Tecoeng atah ahih te sinakok bok-im kalawng a hek u poen.

Rom 5:20

Phungawl he tah thawlhpalhna a puungna ham ni, tede thawlhna apuungna huen ah Pathen kah lungvatna khaw puung tare.

Philipi 1:29

Tedawngah amah te oeng doek ham bueng nawh tih ahih hamla patang khang ham khaw Khrih kah bii te nangmi m'peek u poen.

1Timothy 1:16

tede Pathen lawng kai he n'reen tih thlaangthawlh boeih lak ah kai aka the khuet sawah kawdawna a khueh he tah hailam ben ah amah aka oeng tih dungyan hingna aka dang ham koei thlaang boeih kah miknoekna ham ni.

2Timothy 2:19

Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

Hebrew 4:15

Mami kah Khawsoeih Bawi he mami kah tharana nawh dawngah reenna aka khueh thai nawh khawsoeih aih moenih ta. Mami kah khawsoeih Bawi he mami angla suekna phun soeprep aka tawng van ni, tede thawlhna tehca khaw sai nawh.

Hebrew 7:25

Tedawngah amah teng kalawng Pathen teng aka law hue te tahe ah khaw, yoeyahla a thlawn thai, metihtiah ahih tah dungyan hing tih ahimi ham Pathen tengah reenna aka bih pe hamla awm.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.

Olphong 22:17

Muithla oen tuemnu hulaa lawng-ah, “Law lah!” tila a thui. A-u khaw he awl aka ya boeih lawngtah, “Law lah!” tila thui van seh. A-u khaw tui aka hall tah law uh; A-u khaw aka ngaih boeih tah hingna tui he ayoela lo uh.