Johan 5:44 - Matu Chin New Testament 2006

⁴⁴ Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Matu Bible

⁴⁴ Nangmih loh metlam na tangnah uh thai eh. Khat khat lamkah thangpomnah te na doe uh vaengah Pathen bueng lamkah thangpomnah te na toem uh moenih.

Johan 5:44 Iomraidhean Croise

Mathai 23:5

Thlaang kah huh theenna ham bueng thaihu soeprep a sai u. A luu oen a baan dawngah a yeen u Caciim bu ke bueh u lah! metihtlukla a bo tih a himbai hmoi metila a san.

Luka 19:17

Tevengah ahih lawng, ‘Theen! Nang tah aka theen tuihyoeihthlaang ni! Nang tah thaihu tehca dawngah uep-awm la na awm tih khawpui paha ukkung la kan khueh ai.’ a tina.

Johan 12:43

Ahimi lawng Pathen kah koehna lak ah thlaanghing kah koehna te a ngaih ngai u dawngah ni.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 3:20

Athe thaihu aka sai boeih lawngtah cangna te a thina tih aangna ah law ham te ngaih u nawh, metihtiah athe thaihu a sai te tueng sak ham ngaih u nawh.

Johan 5:41

Kai lawngah thlaang kah koeh awl te ka tlap nawh,

Johan 8:43

Kai lawng kavan thui he n'tu ah na yaakming u nawh? Awl kavan thui he na hutung u thai nawh dawngah ni.

Rom 2:10

Tede thaihu theen aka sai boeih tengah Pathen lawng ruep-awmna hinyahna oen ngaimawngna a peek ai. Lamhacuekla Judah thlaang hue lawng a dang vetih Gental hue lawngkhaw a dang van ai.

Rom 2:29

Akhuiben ah Judah thlaang la awm tih thinkaw khuiah yahhuivuen aka reet te ni Judah thlaang tangtang a miingna. Te ngoen tah kut oen thut Phungawl kah bii saina nawh tih Pathen Muithla kah bii bina ni. Te ang thlaang te tah thlaanghing ben kah nawh tih Pathen benkah thangtheenna aka dang thlaang ni.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 10:18

Metihtiah Bawipa amah lawng thlaang theen la a pawm te ni a do, amah oen amah aka thangpawm u thlaang te tah do nawh.

Philipi 2:3

Nangmi lawngah mah ham bueng poekna, oekthloen ngaihna mai oen ah thaihu khat khaw sai boel, thlaangtloe he nangmi lak ah theen ngaai tila poek poepa langtah pakhat oen khat boe-ngai uh.

1Thessalonika 2:6

Kaimi lawng nangmi tengkah khaw, thlaangtloe tengkah khawseh koehna te dang ham ka yawm u nawh.

1Timothy 1:17

Dungyan Sengpahrang, aka duek thai nawh oen mik oen huh thai nawh pakhat bueng la aka awm Pathen tengah hinyahna oen ruep-awmna tah ayoeyah la awm hawn seh! Amen.

Hebrew 3:12

Oengca maya manau hue, nangmi tim ah aka hing Pathen te mangthawng taak ngaihna thinkaw lungbui the khueh nawh ham oen tangna hamla aka ngaih nawh thlaang khatca khaw na awm hau nawh ham ngaithuen uh.

James 2:1

Ka maya manau thli, ruep-awmna akung, mami kah Bawipa Jesuh Khrih te aka oeng thlaang la na awm u dawngah, thlaang he asaw ahan kah na huhna dawngah meveng khaw nangmi lawng voemtoei u boel.

1Peter 1:7

He ang raina na tawng u he nangmi kah oengna te ataktang oen ataktang nawh te noekdakna ham ni. Phe thai koei la aka awm sui pateng khaw hai oen ah anoekdak ta; tedawngah sui lak ah aphu aka awm ngaai nangmi kah oengna lawng raina he ueh thai ham ah noekdak la awm. Te dengah ni Jesuh Khrih a tuengna Khawhin ah nangmi lawng thangpawmna, ruep-awmna oen hinyahna te na dang u ai.

Jude 1:25

Mami kah Bawipa Jesuh Khrih rang oen pakhat bueng la aka awm Pathen, mami thlawnkung sawah acuekca kalawng khawseh, tahe ah khawseh ruep-awmna, tharana oen saithaina aana tah dungyan toela awm hawn seh. Amen.