Johan 5:37 - Matu Chin New Testament 2006

³⁷ Tecoengah tuihkung Pathen lawngkhaw kai yuengla sausi a deng ai. Nangmi lawng ahih awl te na ya nooek u nawh, a mik-hai te na huh nooek u nawh dawngah

Matu Bible

³⁷ Kai aka tueih a pa loh kai kawng te a phong. A ol te na ya uh noek pawt tih a mueimae khaw na hmu uh noek pawh.

Johan 5:37 Iomraidhean Croise

Mathai 17:5

Piter lawng awl a thui lii vengah ahimi te aka bawk tangkiik muui lawng a thiing khoep u tih muui khuikah awl lawng, “He tah ka lungvatna ka Capa ni, ahih sawah ka kaw hoe, a awl ngaai pe uh,” tila a thui.

Mathai 3:17

Tecoengah vaan kah awl lawng, “He tah ka lungvatna ka Capa ni, ahih sawah ka kaw hoe tangkiik.” tila a thui.

Marku 1:11

Vaan kalawng aka law awl lawngah, “Nang tah kan thintlawhna ka Capa ni, na sawah ka kaw tluep, tangkiik” a tina.

Luka 24:27

Tecoengah Jesuh lawng Mosi kah cabu dawng kalawng a tong tih tawngha boeih kah cathut toe ah Caciim boeih dawngah amah kah kawng alam a thut te a hih rawi tengah a thuicaih pe.

Luka 3:22

Ciim Muithla tah pumtaksa la akhuu angla te ahih sawah va law thuk. Tecoengah vaan kah awl lawng, “Nang tah kan lungna ka Capa ni. Na sawah ka ngaai tluep ti.” tila a thui.

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 14:9

Jesuh lawngah, “Nangmi tengah asan hlang ka awm poen, nan ming thlan aw, Filip? A-u khaw kai he aka hu tah a Pa te a huh poen. Tetih atah n'tu ah, “Na Pa te kaimi n'huh sak lah na ti.

Johan 15:24

A-u lawngkhaw a sai nooek nawh te ahimi tim ah ka sai nawh kawinih ahimi te thawlh u nawh sui; kai lawng ka sai te ahimi lawng a huh u tih a Pa oen kai he n'thina u poen.

Johan 5:32

Tede kai yueng la sausi dengkung pakhat awm tih ahih lawng kai kawng alam a thui te soeng tila ka ming.

Johan 6:27

Aka awm poe nawh caak awkk ham bii bi u boel; te lak ah dungyan aka awm caak awkk ham bii te bi uh. Thlaanghing Capa lawng caak awkk te m'peek ai; metihtiah Pa Pathen lawngah ahih sawah amah kah ngaikhuekna miknoek a khueh poen.” a tina.

Johan 8:18

Kai lawng kamah kawng ka thui, kai aka tuihkung a Pa lawngkhaw ka kawng alam he a thui.” a tina.

1Timothy 1:17

Dungyan Sengpahrang, aka duek thai nawh oen mik oen huh thai nawh pakhat bueng la aka awm Pathen tengah hinyahna oen ruep-awmna tah ayoeyah la awm hawn seh! Amen.

1Timothy 6:16

Ahih bueng he ni aka duek thai nawh; a-u lawngkhaw a tengah yoeii mare thai nawh aangna khuiah te awm. Ahih te a-u lawngkhaw hu vai nawh; a-u lawngkhaw hu thai manawh. Amah tengah hinyahna oen dungyan ukna aana tah awm hawn seh! Amen.

1Johan 4:12

Pathen te a-u lawngkhaw hu noek nawh, tede pakhat oen khat n'lung u atah Pathen tah mami oen pumkhatla awm tih a lungna tah mami dawngah soep.

1Johan 4:20

A-u lawngkhaw Pathen ka lungna ti de a maya manau te a thina mangkhak atah hoem aka thui thlaang ni. Amik oen a huh maya manau pateng khaw a lungna nawh maiah ahih lawng a huh thai nawh Pathen te lungna thai manawh.

1Johan 5:9

Mami lawngtah thlaang kah sausi deeng te n'tangna u; tede Pathen kah sausi deeng tah a tha ra ngaai tih a Capa kawng te Pathen amah lawng sausi a deeng poen.