Johan 5:30 - Matu Chin New Testament 2006

³⁰ “Kai lawngah kamah rang oen thaihu khat khaw ka sai nawh; Pathen lawng avan thui angla ni awl ka cek, tedawngah kai kah awlcekna tah doeng, metihtiah kai lawng kamah ngaih te sai ham ka yawm nawh, tede kai aka tuihkung kah kawngaih te ni ka sai.

Matu Bible

³⁰ Kai tah kamah lamkah loh bakhaw saii ham ka coeng moenih. Ka yaak bangla lai ka tloek dongah kai kah laitloeknah khaw a dueng la om. Kamah kongaih te ka toem pawt tih kai aka tueih kung kah kongaih te ka toem.

Johan 5:30 Iomraidhean Croise

Mathai 26:39

Jesuh lawng ahimi oen athla betna huen la cet, dilai ah buekuep tih “A Pa, acoengg thai atah he kah patang khangna boengloeng he van khoe mai hawn! Tede kai kah kawngaih angla awm boel selang nang kah kawngaih angla awm hawn seh,” tila thangthui.

Johan 14:10

Filip, kai tah a Pa khuiah ka awm tih a Pa te ka khuiah awm tite na tangna nawh aw? Nangmi tengah awl kavan thui he kamah awl nawh ni. Ka khuiah aka awm a Pa kah bii bina ni.

Johan 17:4

Dilai sawah na ruep-awm na te ka tueng sak poen; kai lawngah ka sai hamla nan peek bii te ka coeng poen.

Johan 18:11

Jesuh lawng Piter nala, “Na samsen te tiingim khuiah sang koep! A Pa kah peek patang khangna boengloeng he kai lawngah aw manawh tila na poek aw? a tina.

Johan 4:34

Jesuh lawng ahimi nala te, “Kai kah buh tah kai aka tuihkung kah kawngaih te vai ham oen ah sai ham bii m'peek te coeng pe ham ni.

Johan 5:19

Tedawngah Jesuh lawng ahimi te, “Awltak kavan thui u; Capa lawngah amah ngaih ah thaihu khat khaw sai thai nawh; ana Pa lawng a sai thaihu a huh te ni a sai. Ana Pa lawng a sai te Capa lawngkhaw a sai van.

Johan 6:38

Metihtiah kamah kawngaih sai hamla vaan kah ka law nawh tih kai aka tuihkung kah kawngaih te sai ham ni ka law.

Johan 8:28

Tedawngah ahimi nala te, “Nangmi lawng thlaanghing Capa te na tai u vengah, “Kai Tah Ka Awm Tih Ka Awm” tila aka thui te na ming u badai, tecoengah kai lawngah kamah kah saithaina aana oen khat khaw ka sai nawh, tede kai lawng thui hamla a Pa amah kah thuituenna bueng te ni ka thui tite na ming u ai.

Johan 8:42

Jesuh lawngah ahimi nala, “Pathen he nangmi kah na Pa tangtang kawinih kai he nan lungna u suide, metihtiah kai tah Pathen teng kalawng ka law tih tahe he ah he ka awm. Kamah kah aana oen ka law nawh, ahih lawng ni n'tuih.

Johan 8:50

Kai lawng kamah ham ruep-awmna ka tlap nawh. Tede kai hamla ruep-awmna aka tlap awlcekkung pakhat awm.

Rom 15:3

Metihtiah Khrih lawngkhaw amah kah ngaikhuekna te sai nawh. Te lak ah, Caciim lawng, “Nang salphaamna awl te ka sawah tla poen,” a ti angla te awm.

Rom 2:2

He tila thaihu the aka sai thli Pathen lawng awl a cek vengah asoeng thaihu a sai tite na ming u.

Rom 2:5

Tede nangmi tah na thin thah u tih thawlh na yut u nawh: tedawngah Pathen kah thinsana oen aka doeng awlcekna Khawhin a pha vengah namami kah dantatna abo tare ham ni na sai khoeng u.