Johan 5:25 - Matu Chin New Testament 2006

²⁵ Awltak kavan thui u: Pathen Capa awl te thlaangduek thli lawng a yaakna atue te law ai, te kah atue te avan pha poen, te awl aka ya boeih tah hing ai.

Matu Bible

²⁵ Nangmih taengah rhep rhep kan thui, a tue ha pawk tih om coeng. Aka duek rhoek khaw Pathen capa kah ol te a hnatun tih aka ya rhoek tah hing uh ni.

Johan 5:25 Iomraidhean Croise

Luka 15:24

Metihtiah ka capa he duek poen de tahe ah hing koep; ahih tah vi vik poen de tahe ah phumpho koep.’ a tina. Tecoeng atah poei te a sai u.

Luka 15:32

Tede na nau he tah duek poen de tahe ah hing koep; ahih tah vi poen de tahe ah phumpho koep, tedawngah ka awmngaih tih poei ka sai u,’ tila a thui pe.” a tina.

Luka 9:60

Jesuh lawng, “Thlaangduek lawng amami thlaangduek te vui u noen seh. Nang tah cet langtah Pathen Ram kawng te thui lah.” a tina.

Johan 13:1

Te tah Kaantaak Poei apha tawm Khawhin poen ni. Jesuh lawng he dilai he ceh taak tih Pa tengla ceh hamla atue apha poen tite a ming. Ahih lawngah he dilai kah a hubang hue te a lungna tih aboet toela a lungna.

Johan 17:1

Jesuh lawng he awl he a thui coengah ahih tah vaan benla maang hang tih, “A Pa, atue tah a pha poen. Na capa kai lawng nang te ruep-awmna kan peekna ham na capa he ruep-awmna m'pe lah.

Johan 4:21

Jesuh lawng ahih nala, “Hutaa nang, ka awl thui he tangna lah, he kah tlaangsawm ah khaw, Jerusalem ah khaw, Pa te thlaang lawngah a bokna nawh atue te a pha ai.

Johan 4:23

Tede Pa tah ataktangla a awm van angla aka bok thlaang thli lawngkhaw Pathen kah Muithla tharana oen awltak oen ah a bokna atue te avan pha poen tih he ah he awm poen. Te tila aka bok te ni Pathen lawngah a ngaih.

Johan 5:21

Ana Pa lawng thlaangduek a thawh sak tih hingna a peek angla Capa lawngkhaw amah lawng a ngaih thlaang thli te hingna a peek.

Johan 5:28

He dawngah he na kawpoek rai sak aih boel, thlaangduek thli lawng ahih awl a yaakna atue te law lii poen;

Johan 6:60

He awl he a huvai thlaang broe lawng a yaak u vengah, “He kah cangpueina he rai tangkiik aih, a-u lawng a yaakming thai ai?” ti u.

Johan 8:43

Kai lawng kavan thui he n'tu ah na yaakming u nawh? Awl kavan thui he na hutung u thai nawh dawngah ni.

Johan 8:47

Pathen tengkah aka law thlaang lawngtah Pathen awl te a hutung u. Tede nangmi tah Pathen teng kalawng na law u van nawh dawngah ni hutung ham na ngaih u nawh.” a tina.

Johan 9:27

Ahih lawngah, “Kavan thui poen teta, nangmi lawng na hutung u nawh. N'tu hamla yaak koep na ngaih u? Nangmi khaw ahih kah hubang la coengg ham na ngaih u van aw?” tila awl a thung pe.

Rom 6:4

Tecoengah mami baptisma n'dang vengah mami tah ahih oen up haih la awm tih a duekna ah n'duek haih u, Khrih tah Pa kah ruep-awmna huham lawng duekna kalawng a thawh sak koep angla mami khaw hingna athaai oen hingna van ham ni.

Ephesa 2:1

Anoekbuet atah nangmi lawng awl na ngaai u nawh tih na thawlh u dawngah muithla ben ah na duek u.

Ephesa 2:5

Mami lawng awl n'ngaai nawh dawngah muithla ben ah n'duek vengah te Khrih oen haih mami he n'hing sak. Nangmi thlawn la na awm u he tah Pathen kah lungvatna rang oen ni.

Ephesa 5:14

Metihtiah aciimphanla aka tueng thaihu boeih tah aangna la te thoeng hang. Tedawngah, “Aka ip thli tho u loeih, duekna dawng kalawng tho uh, Khrih tah na sawah aang poen ai” tila a thui.

Kolosa 2:13

Yan atah nangmi he phungawl khueh nawh Gental thlaang la na awm u tih namami kah thawlhna dawngah Muithla ben ah na duek u. Tede tahe tah Pathen lawng nangmi te Khrih oen haih ng'hing sak poen. Pathen lawng mami kah thawlhna boeih te khawdawp a ngaai poen.

Olphong 3:1

Sardis khaaw Khrihcabu kah van-thlaang tengah he tila thut lah: “Pathen kah Muithla pasarih oen aisi pasarih khuehkung kah awl tah he tila awm. Nang lawng na sai te ka ming; nang tah aka hing angla na thaang theen, tede nang tah na duek tite ka ming!