Johan 5:10 - Matu Chin New Testament 2006

¹⁰ tedawngah aana khuehkung Judah thlaang thli lawng aka hoeih thlaangtlo nala te, “Tihin he Sabbath khawhin la awm tih ihphah na kawh te mami kah Phungawl lawng ngaih nawh.” a tina u.

Matu Bible

¹⁰ Te dongah aka hoeih tangtae te Judah rhoek loh, “Sabbath a om vaengah nang tah na phakdoeng te n'koh sak moenih,” a ti na uh.

Johan 5:10 Iomraidhean Croise

Mathai 12:10

Te kah sinakok bok-im ah kutkheem thlaang pakhat awm. Te ah te Jesuh thawlh peel ham aka ngaih thlaang khatsut awm. Ahimi lawng Jesuh te, “Sabbath hin ah thlaang hoeih sak ham mami kah Phungawl lawng a ngaih kai aw?” tila a doet u.

Marku 2:24

Tedawngah Farasi hue lawng Jesuh nala, “Bueh lah! na hubang hue lawng Sabbath khawhin ah he ang thaihu a sai u he mami kah Phungawl lawng ngaih nawh” a tina u.

Marku 3:4

Tecoengah thlaangping te, “Mami kah Phungawl lawng Sabbath hin ah n'tu sai sak ham a ngaih? Thlaang bawmcem ham aw, tihnawhtah patang khang sak ham aw?” tila a doet. Tede ahimi lawng awl kam at khaw thui u nawh.

Luka 13:14

Sabbath khawhin ah Jesuh lawng thlaangtlo a hoeih sak dawngah sinakok bok-im ukkung te a thin sa; tedawngah thlaangping nala te, “Mami lawng bii bina ham khawhin hinruk awm; te khawhin ah te law u langtah thlaangtlo hoeih sak uh, tede Sabbath khawhin atah sai u boel!” a tina.

Luka 23:56

Tecoeng atah ahimi te im la meel u tih riimtuui oen baw aka tuui thaihu thli te rawkk hamla a roek a bah u. Ahimi tah Phungawl dawngkah awlpeek angla Sabbath khawhin ah te duem u.

Luka 6:2

Farasi thlaang khatsut lawngah, “Mami kah Phungawl lawng Sabbath khawhin ah sai nawh hamla a thui te n'tu ah nangmi lawng na sai u?” tila a doet.

Johan 1:19

Jerusalem kah aana khuehkung Judah thlaang thli lawng Levi thlaangphun oen khawsoeih khatsut te Johan tengla a tuih tih, “Nang he a-u nuem?” tila a doet sak u.

Johan 5:11

Ahih lawngah, “Kai aka hoeih sak lawngah na ihphah te lo langtah cet loeih ti ta” a tina.

Johan 5:15

Tecoengah te kah thlaang lawng cet tih ahih aka hoeih sak te Jesuh ni tila aana khuehkung Judah thlaang thli tengah te a thui pe.

Johan 5:16

Sabbath khawhin ah Jesuh lawng thlaangtlo a hoeih sak dawngah ahimi lawng Jesuh te heem-atek hamla a tong u poen.

Johan 7:23

Tecoengah Mosi kah Phungawl te phe nawh ham ah Sabbath khawhin ah camaw tawngpaca te yahhui-vuen na reet u atah kai lawng Sabbath khawhin ah thlaang te aciimthlaula ka hoeih sak dawngah he n'tu ah na thin a sa u?

Johan 9:16

Farasi thlaang khatsut lawngtah, “He tila aka sai thlaang lawngah te Sabbath phung a vai nawh dawngah Pathen tengkah aka law thlaang nawh ni.” tila a thui u. Tede thlaangtloe lawngtah, “Thlaang thawlh pakhat lawng he ang kawpoekrai miknoekna he metila a sai thai ai?” ti u. Tedawngah ahimi tim ah pekbona te awm.