Johan 3:36 - Matu Chin New Testament 2006

³⁶ A-u khaw a Capa te aka tangna boeih tah dungyan hingna a khueh; a-u khaw a Capa awl te aka ngai nawh tah hingna te khueh nawh vetih Pathen thinsana te a sawah poe awm ai.

Matu Bible

³⁶ Capa aka tangnah loh dungyan hingnah a khueh. Tedae capa ol aka aek tah hingnah hmu pawt tih anih loh Pathen kah kosi a rhaeh thil.

Johan 3:36 Iomraidhean Croise

Mathai 25:46

Tecoengah ahimi te dungyan patang raina huen ah a tuih vetih thlaangdoeng hue te tah dungyan hingna ah cet u ai,” a tina.

Marku 16:16

A-u lawngkhaw a tangna tih baptisma a huh atah thlawn la awm ai; A-u khaw a tangna nawh atah awlcekna a dang ai.

Luka 2:30

Nang kah thlawnna te ka mik oen ka huh poen,

Luka 3:6

Thlaangphun boeih lawng Pathen kah thlawnna te a huh ai! tila a thui.” a tina te soep.

Johan 1:12

Tecakhaw khatsut lawngtah ahih te a tangna u tih a do u; tedawngah ahimi te Pathen kah ca-anau la coenggna te a dang u.

Johan 10:28

Te thli te dungyan hingna ka peek tih meveng khaw duek u tlaih manawh. A-u lawngkhaw ahimi te van rot u manawh.

Johan 3:3

Jesuh lawng ahih nala te, “Awltak kavan thui: a-u khaw a thang koep nawh atah Pathen Ram te hu manawh.” tila a thui pe.

Johan 4:36

Caang aat thli lawng thapang a dang u tih dungyan hingna hamla caangvui te a cawi u; tedawngah caang aka tuhkung oen caang aatkung tah awmngaih bok ai.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Johan 6:58

Tecoengah he tah vaan kalawng aka law takawi ni; he takawi he aka ca tah yoeyahla hing poen ai. He tah nangmi kah patuer hue lawng a caak takawi oen lo u nawh, te kah takawi te aka ca tah duek u.” a tina.

Johan 8:51

Awltak kavan thui u; a-u khaw kai lawng kan cang puei he aka vai tah mevengah khaw duek manawh.” a tina.

Caeltueih 14:2

Tede aka tangna nawh Judah thlaang thli lawng Gental thlaang thli te a ceemtuh u tih oengca thli te a oelh a taih sak u.

Rom 4:15

Phungawl lawngtah Pathen thinsana avan khuen, phungawl a awmna nawh huen atah phungawl eekna khaw awm van nawh.

Rom 5:9

Amah kah thisen oen tahe atah mami he Pathen oen ah n'roep u poen. Ahih rang oen Pathen kah thinsana kalawng metihtlukla n'thlawn tare ai!

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Galati 3:10

Phungawl vaina dawngah aka pangtung u boeih tah tapvoepna huiah awm u. Caciim lawngah, “Phungawl cabu dawngah a thut boeih te a-u lawngkhaw a vai nawh atah Pathen kah tapvoepna huiah awm!” tila a thui.

Ephesa 5:6

Nangmi te awlpoei awlpit oen a-u lawngkhaw n'thailatna boel seh; he ang kawngah he amah awl te aka ngaai nawh tah Pathen thinsana te a yawkk ai.

1Thessalonika 1:10

Vaan kalawng aka law ham a Capa na lamtoen u te khaw ahimi boeih lawng a thui u. A Capa Jesuh tah duekna kalawng a thawh sak tih aka law ham koei Pathen thinsana kalawng mami loeihsakkung ni.

1Thessalonika 5:9

Pathen lawng amah kah thinsana patang khang sak hamla mami he n'tuek nawh, mami kah Bawipa Jesuh Khrih rang oen thlawnna te paang ham ni n'tuek u;

Hebrew 10:29

Te pateng khaw te tila a awm atah Pathen Capa tula aka sak nawh tih ahih te thawlhna kalawng aka ciim sak Pathen kah lungvatna khuehkung Muithla te athe akhana atah te thlaang te metila a sai ai? Ahih lawng a yawkk ham koei dantatna tah metihtlukla athe-eep ai tite poek u hawn!

Hebrew 2:3

Te atah hetih aihla aka lenduet thlawnna he mami lawng n'tu la n'sak nawh atah metila mami he sa a sueng ai? Bawipa amah lawng he thlawnna he lamhacuekla a phawng tih aka ya boeih lawngah soeng tila mami tengah a tueng sak poen.

Hebrew 3:18

Pathen lawngah awl a taap tih. “Kai lawng ka peek ham koei duemna ram la te ahimi lawngah meveng khaw kuun u manawh” a tina vengah te a-u hue a tina kai? Awl aka ngaai nawh hue te ni a tina.

Hebrew 3:19

Tedawngah ahimi lawng duemna ram khuiah a kuun thai nawh he tah ahimi lawng a tangna u nawh dawngah ni tila m'miing u.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.