Johan 3:33 - Matu Chin New Testament 2006

³³ Tede a-u khaw ahih kah awl te aka do tah te tila a dona rang oen Pathen tah ataktang ni a thui tila a cak sak.

Matu Bible

³³ Anih kah olphong aka doe loh Pathen tah oltak ni tila kutnoek a daeng coeng.

Johan 3:33 Iomraidhean Croise

Johan 6:27

Aka awm poe nawh caak awkk ham bii bi u boel; te lak ah dungyan aka awm caak awkk ham bii te bi uh. Thlaanghing Capa lawng caak awkk te m'peek ai; metihtiah Pa Pathen lawngah ahih sawah amah kah ngaikhuekna miknoek a khueh poen.” a tina.

Johan 8:26

Nangmi kawng he ka thui hamla moen awm, nangmi he sal-aphaam hamla moen awm. Tede kai aka tuihkung tah soeng tangtang tih kai lawng ahih tengkah ka yaak te ni dilai tengah ka thui.” a tina.

Rom 15:28

He bii he ka coeng tih ahimi ham a cawi pe tangka boeih te ahimi kut ah ka tloeng pe boeih coengah Sping ram la ka cet vetih nangmi tengah ka law pahoei ai.

Rom 4:11

Abraham lawng thlaangdoeng la a awm coengah yahhuivuen a reet, ahih kah yahhuivuen reet he tah a oengna rang oen Pathen lawng thlaangdoeng la a pawm te a tuengna ham miknoek ni. Tedawngah yahhuivuen reetna ohla Pathen a oengna rang oen Pathen lawng thlaangdoeng la a pawm thlaang boeih kah Muithla ben ah Abraham tah Pahaam la awm.

1Korin 9:2

Thlaangtloe lawng atah kai he celtuih pakhat la poek u nawh mai cakhaw nangmi lawngtah celtuih la nan poek u. Metihtiah Bawipa oen pum-khatla na hing u dawngah kai he celtuih pakhat van ni tite nangmi lawngah na tueng sak u.

2Korin 1:18

Pathen tah uep-awm la awm tih awltak a thui angla nangmi tengkah ka awlkam he khaw, “Oeih,” ti oen ah, “Nawh ni” tila kawpoek thlumthle awl nawh ni.

2Korin 1:22

amah koe la awmna miknoekna te mami sawah a deng tih mami ham a toen oepsoeh boeih te aamahkhanna ham mami thinkaw ah Ciim Muithla pekung tah Pathen amah ni.

Ephesa 1:13

Te tila te nangmi khaw thlawnna avan khuenkung Awlthang Theen awltak awlthang te na yaak u vengah Pathen thlaang la na awm u poen. Nangmi lawngah Khrih te na oeng u tih amah thlaang la na awmna miknoekna te Pathen lawng nangmi sawah thawhcang a heen poen; te tah amah lawng awl a kam tangte Ciim Muithla te nangmi m'peekna rang oen ni.

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.

2Timothy 2:19

Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

Hebrew 6:17

Pathen lawng a mengtengna te thlauh tlaih nawh tite amah kah awlkamna aka dang ham koei thlaang thli tengah aciimphanla tueng sak ham a ngaih, tedawngah a awlkam te awltaap oen a cak sak.

1Johan 1:10

Mami lawng ka thawlh nawh n'ti u atah Pathen te hoem thui la n'sai u tih amah awl te khaw mami khuiah awm nawh.