Johan 3:3 - Matu Chin New Testament 2006

³ Jesuh lawng ahih nala te, “Awltak kavan thui: a-u khaw a thang koep nawh atah Pathen Ram te hu manawh.” tila a thui pe.

Matu Bible

³ Jesuh loh anih te a doo tih, “Nang taengah rhep, rhep kan thui, koep a cun hlang pawt loh Pathen kah ram te a hmuh ham coeng pawh,” a ti nah.

Johan 3:3 Iomraidhean Croise

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Mathai 19:24

Kavan thui koep he; Kala-uk pakhat phaimeet khui a kuun lak ah kuirang pakhat lawng Pathen Ram khuiah kuun ham rai bet!” a tina.

Mathai 21:31

He kah a capa pahih khuiah a-u lawng ana pa kah awl a ngaai?” tila a doet. Ahimi lawng, “A capa ahaamca lawng,” a tina u. Tedawngah Jesuh lawng ahimi tengah, “Atak tang kavan thui, mangmu cawikung thli oen thlaanghalhnu thli lawng nangmi te n'khall vetih Vaan ram la ng'kuun taak u poen ai,” a tina.

Mathai 5:18

He he poek khuep uh. Vaan oen Dilai aboet thlantoe phungawl dawngah ayiitkoek awllung pakhat mai te khaw ha-ata manawh. Te phungawl dawngah aka awm boeih te soep ai.

Marku 10:14

Tete Jesuh lawng a ming vengah a thinsa tih a hubang hue nala, “Camaw hue te ka tengla law u seh, ahimi te kanghalh u boel, metihtiah Pathen Ram tah he ang thlaang hue kah ni.

Marku 9:47

Na mik lawng na oengna te a phelh sak atah na mik te koeih pak hawn! Mik pahih oen hell khuiah ne tlaak lak atah mik pakhat bueng oen Pathen Ram ah na kuun te theen ngaai.

Johan 1:13

Ahimi lawng thlaanghing phung angla Pathen kah ca-anau la coengg nawh, ahimi te thlaanghing ana pa kah ca-anau angla a cuun moenih; ahimi kah ana Pa tah Pathen amah ni.

Johan 1:5

Te kah aangna lawng yiinna khui te a thue tih, yiinna lawng metuek vengah khaw thih thai manawh.

Johan 1:51

Tecoengah ahih rawi te, “Awltak tang kavan thui: Vaan te awng u vetih Thlaanghing Capa sawah Pathen kah van thlaang thli a rum thuk oen a luui hang te na huh u ai” a tina.

Johan 12:40

“Pathen lawng ahimi mik te a pum sak tih lung among sak, ‘Tetih atah ahimi mik lawng hu nawh vetih, ahimi kah thinkaw lawng ming nawh vetih ahimi te hoeih sak hamla ka tengla a law u nawh ai’ tila Pathen lawngah ti” tila te a thui.

Johan 3:4

Nikodemu lawngah “Metila thlaang haam la aka awm te a thang koep thai ai, ahih te a manu kah ca-im khuila kuun vetih apabe la thang koep thai manawh!” a tina.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

2Korin 5:17

A-u khaw Khrih oen a tuhkai u coeng atah, ahih tah thlaang thaai poen ni; a hing ruem tah khum tih athaaila hing poen.

Galati 6:15

Thlaang pakhat lawng yahhuivuen reet oen reet nawh he awlpui tlaih nawh ni; thlaang thaai la awm he ni awlpui poen.

Ephesa 2:1

Anoekbuet atah nangmi lawng awl na ngaai u nawh tih na thawlh u dawngah muithla ben ah na duek u.

Titus 3:5

mami he ahih lawng n'thlawn poen. Te tah mami kah thaihu theen saina dawngah nawh tih a lungna oen ni mami he ahih lawng n'thlawn. Ciim Muithla rang oen athaaila cuunna oen athaaila hingna pekung lawng n'silh dawngah ni.

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.

1Peter 1:3

Mami Bawipa Jesuh Khrih kah ana Pa oen Pathen te mami lawng uem u lah sih! Metihtiah aka lenduet a lungna lawngah Jesuh Khrih te duekna kalawng a thawh sakna rang oen mami he hingna a thaai m'peek poen. Tedawngah mami tah aka hing ngaiuepna oen m'betoet u,

1Johan 2:29

Nangmi lawng Khrih tah thlaangdoeng tila na ming u; tedawngah a-u khaw thaihu doeng aka sai tah Pathen kah a ca thli ni tite na ming u ham awm.

1Johan 3:9

A-u khaw Pathen kah ca-anau la aka awm tengah Pathen kah pumsa tah ahimi dawngah awm tih thawlhna te sai poepa nawh. Metihtiah Pathen tah ahimi kah ana Pa la a awm dawngah ahih lawng thawlhna sai taitu nawh.

1Johan 5:1

A-u khaw Jesuh Khrih tah Messiah ni tila aka tangna tah Pathen kah a ca ni. A-u lawngkhaw ana Pa te a lungna atah, ana Pa kah a ca thli te khaw a lungna.

1Johan 5:18

Pathen kah ca-anau la aka awm lawngtah thawlhna sai poepa nawh tite m'ming u, metihtiah Pathen Capa lawng a hih te ading asuekla a khueh tih Raai Bawi lawngah raina pe thai nawh.

1Johan 5:4

metihtiah Pathen kah ca-anau boeih lawngtah dilai a taa thai. Mami lawng oengna rang oen dilai n'taa u.

Olphong 3:14

“Laudisia khaaw Khrihcabu kah vanthlaang tengah he tila thut lah: “Pathen lawng a suen thaihu boeih kah akungcuek la aka awm tih uep-awm oen ah ataktang sausi la aka awm Amen teng kah awl uenna tah he tila awm.