Johan 3:27 - Matu Chin New Testament 2006

²⁷ Johan lawngah, “A-u khaw Pathen lawng a peek nawh atah n'tu khat khaw khueh thai nawh.

Matu Bible

²⁷ Johan loh a doo tih, “Anih te vaan lamloh paek la om pawt koinih hlang loh pakhat khaw dang thai moenih,” a ti nah.

Johan 3:27 Iomraidhean Croise

Mathai 21:25

“Johan lawng Baptisma a peek te ame kalawng a law! Pathen ben kalawng aw? Thlaanghing ben kalawng aw? tila a doet. Ahimi lawng, ‘Pathen ben kalawng va law n'ti kawinih n'tu ah Johan te na oeng u nawh,’ ti ai.

Mathai 25:15

Amami kah sai thai khoek ah pakhat rip te tangka thong ngaa a peek, atloe pakhat te thong hih a peek, atloe pakhat te thong khat a peek tih yin la a ceh taak.

Marku 13:34

N'tu oen a lawh u ti atah, thlaang pakhat tah khawlawng thla la yin cet tih a tuihyoeihthlaang thli te bii a peek, ahimi pakhat rip te a sai ham koei bii te a peek coengah thawhka toetkung te khaw ngaithuen cala a toet ham a uen a tawn heet oen lo u.

Johan 10:41

Thlaang yahawh hlang a tengla te law u. Ahimi lawngah “Johan lawng kawpoek rai miknoek khat khaw sai nawh, tede ahih kawng a thui boeih boeih te tah soeng.” ti u.

Johan 6:65

Tecoengah a thui pe tih, “He kawngah ni a Pa lawng avan tuih nawh atah a-u khaw ka tengla law thai manawh tila acuekca ah kavan thui u teta.” a tina.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 12:6

Tedawngah kutdo aphun tloetloe n'dang rip u tah Pathen kah peek lungvatna kutdo n'dang taring ah hawna u sih. Pathen kah awl te thui thaina kutdo te n'dang u atah oengna n'khueh taring ah hawna ham awm;

1Korin 1:1

Pathen kawngaihna oen Khrih Jesuh kah celtuih la awm ham khue la aka awm Kai Pawl oen mami kah manau Sostenes lawng -

1Korin 12:11

Tede he thaihu boeih he aka saikung tah Muithla pakhat lawng ni a sai; amah kawngaih la thlaang pakhat rip te kutdo atloetloe a peek.

1Korin 15:10

Tede Pathen lungvatna rang oen tahe kah ka awm angla he ka awm tih lungvatna m'peek te khaw apoei-oepla ka khueh van nawh. Atloe celtuih hue lak ah kai tah apuehla bii ka bi ngaai, tede kai lawng ka bi ti ham awm nawh tih ka tengkah Pathen lungvatna lawng ni a bi.

1Korin 3:5

Ataktang atah Apollos he a-u? Pawl he ta a-u? Kaimi he tah nangmi lawng Pathen te na tangna u hamla mawtkung Pathen kah thlaang thli mai ni. Kaimi lawngah Bawipa lawng sai hamla m'peek bii te ni ka bi u.

1Korin 4:7

Nangmi te thlaangtloe lak ah asangluelh la a-u lawng n'sai? Na khueh soeprep boeih he Pathen peek nawh aw? Na khueh na toen u te ayoe peek kutdo nawh angla metila na oekthloen u thai?

Galati 1:1

Galati peng kah khrihcabu boeih tengah kai Pawl lawngah ca kavan pat. He kah ka tengah aka awm maya manau boeih lawngah kan toei u. Kai he celtuih la awm ham khuena he tah thlaanghing teng kalawng law nawh tih thlaanghing kah tuih nawh ni; tede Jesuh Khrih amah te duekna kalawng aka thawh sak Pa Pathen tengkah khuena ni.

Ephesa 1:1

Pathen kawngaihna oen Khrih kah celtuih pakhat la aka awm kai Pawl lawngah, Khrih Jesuh oen pumkhatla awmna dawngah aka hing tih uep-awm la khaw aka sa Efesa khaaw kah Pathen thlaang thli nangmi tengah ca kavan pat u.

1Timothy 2:7

Tedawngah ni oengna oen awltak kawng awlthang te phawng ham oen ah Gental thlaangphun te cangpueikung celtuih la kai he n'tuih.

James 1:17

Kutdo theen boeih oen aka soep kutdo ayoe peek boeih he vaan kalawng aka law ni: vaan kah aangna Saikung Pathen teng kalawng ni a law, ahih tah thawleng u nawh, hoei-athal u nawh tih yiinna khaw thoeng sak nawh.