Johan 3:2 - Matu Chin New Testament 2006

² Yiin at atah ahih te Jesuh tengla cet tih, “Rabbi, nang tah Pathen kah thlaangtuih cangpueikung pakhat ni tila ka ming u. Pathen kah awmpueina nawh atah kawpoek rai na sai he a-u khat lawngkhaw sai thai manawh.” a tina.

Matu Bible

² Anih loh khoyin ah a taengla a paan tih, “Rhabbi, Pathen taeng lamkah aka pawk saya pakhat la kam ming uh, Pathen te a taengah om pawt atah miknoek na saii he saii ham coeng mahpawh,” a ti nah.

Johan 3:2 Iomraidhean Croise

Mathai 22:16

Tecoengah amami kah hubang khatsut hue oen Herod kah thlaang khatsut hue te Jesuh tengla a tuih u tih, ahimi lawng,” Saya, nang lawngtah awl doeng na thui tila ka ming u. Pathen kah kawngaihna a kawng he khaw thlaang lawng metila a poek ti khaw rih ohla na cang puei tih a-u kah mik-hai khaw na bueh nawh.

Mathai 23:7

Thlaang yahawh a awmna dawr ah thlaang kah hinyahna oen koehna te a ngaih u tih ‘Saya’ tila khue ham a ngaih u.

Mathai 23:8

Tede nangmi tah, ‘Saya’ tila khue ham ngaih u boel, nangmi tah boenhui la na awm u dawngah, ‘Saya’ tila khue ham pakhat bueng ni na khueh u.

Marku 12:14

A tengla te law u tih, “Saya, nang tah awltak na thui yoeyah, thlaang kah poekna khaw n'tu la na ngaai nawh. Nang lawngtah thlaang mik-hai khaw na dan nawh tih Pathen kawngaih awltak te thlaang na cang puei tite ka ming u. Rom Sengpahrang Sangluel tengah mangmu peek he mami kah Phungawl oen kalh u kai aw? Ahimi he mangmu peek ham tueng aw, peek tueng nawh aw? van thui lah,” a tina u.

Johan 1:38

Jesuh te a hu la dak maang, te vengah ahih rawi lawng a hu ah a vai hih te a huh tih, “N'tu na tlap hih” tila a doet. Ahih rawi lawngah, “Rabbi, me ah na awm?” a tina hih. (He kah awllung he tah, “Cangpueikung” ti ngaihna ni.)

Johan 10:38

Tede te thli te ka sai atah, nangmi lawng kai he nan tangna u nawh mai cakhaw, a Pa tah kai ah awm tih kai khaw a Pa ah ka awm te na mingna u hamla ka sai thaihu thli he tah na tangna u ham awm.” a tina.

Johan 12:37

Ahimi kah mik huh ah kawpoekrai miknoekna boeih he a sai pe de ahimi lawng tangna u nawh,

Johan 14:10

Filip, kai tah a Pa khuiah ka awm tih a Pa te ka khuiah awm tite na tangna nawh aw? Nangmi tengah awl kavan thui he kamah awl nawh ni. Ka khuiah aka awm a Pa kah bii bina ni.

Johan 15:24

A-u lawngkhaw a sai nooek nawh te ahimi tim ah ka sai nawh kawinih ahimi te thawlh u nawh sui; kai lawng ka sai te ahimi lawng a huh u tih a Pa oen kai he n'thina u poen.

Johan 2:11

Jesuh lawng lamhacuek kawpoek rai thaihu he Galili peng Kanaa khaw ah a sai; te ah te a ruep-awmna a tueng sak tih a hubang hue lawng ahih te a tangna u.

Johan 20:16

Jesuh lawngah, “Meri!” tila a khue. Meri lawngah ahih benla te maang tih Hebru awl la, “Rabboni!” a tina. (Thuingaihna tah, ‘Saya’ tina ni.)

Johan 3:26

Tedawngah ahimi lawng Johan tengla cet u tih, “Saya, Jordan tuiva rall kah na tengah aka awm akawng na thui thlaang te na ming aw? Ahih lawng tahe ah baptisma a peek van tih ahih tengla thlaangping broela cet u!” a tina.

Johan 4:31

Teveng ruet ah te a hubang hue lawng Jesuh nala te, “Saya, buh ca de saw!” a tina u.

Johan 5:36

Tede Johan kah sausideng lak ah alentloe sausideng ham ka khueh: te tah a Pa lawng sai ham m'peek bii ka sai te ni, te lawng atah kai yuengla awl a thui vetih a Pa lawng kai he a tuih tila a tueng sak ai.

Johan 6:2

Ahimi lawngah thlaangtlo a hoeih sak kawpoekrai noekna te a huh u tih thlaangping lawng a hu ah bung a vai.

Johan 7:31

Tede thlaang rangpui khuikah akuum ngaai lawngah ahih te a tangna tih, “Messiah te a law atah ahih lawngah he kah thlaang lak ah he kawpoekrai miknoek yahawh a sai ai aw?” ti u.

Johan 9:16

Farasi thlaang khatsut lawngtah, “He tila aka sai thlaang lawngah te Sabbath phung a vai nawh dawngah Pathen tengkah aka law thlaang nawh ni.” tila a thui u. Tede thlaangtloe lawngtah, “Thlaang thawlh pakhat lawng he ang kawpoekrai miknoekna he metila a sai thai ai?” ti u. Tedawngah ahimi tim ah pekbona te awm.

Caeltueih 10:38

Nangmi lawng Nazaret khaaw kah Jesuh kawng oen ah ahih sawah Ciim Muithla oen tharana te metila Pathen lawng a lun pe tite a ming u. Ahih tah Pathen lawng a awm puei dawngah peng tawm ah te cet, theenna te a sai tih Raaithe bawi kah huham tharana kut khuiah aka awm boeih te a hoeih sak.

Caeltueih 2:22

Ka puei Israel thlaangphun thli, ka awl he hutung u lah! Nazaret khaaw kah Jesuh lawng Pathen kah saithaina aana a khueh tite ahih rang oen Pathen lawng a sai kawpoekrai miknoekna oen kawpoekrai thaihu oen ah aciimphanla a tueng sak poen. Te ang thli te namami mik huh ah a sai dawngah nangmi lawng na ming u.

Philipi 1:14

Tecoengah thong ka tlaakna lawngah he maya manau yahawh ngaai kah Bawipa a uepna te tare acak pe sak, tedawngah ahimi lawng a raal theen tare u tih rih ohla awlthang theen te a thui u.