Johan 3:19 - Matu Chin New Testament 2006

¹⁹ Awlcekna biibi tah he tila ni: aangna tah dilai la law poen, tede thlaang he athe aih dawngah aangna lak ah yiinna te a lungna ngaai.

Matu Bible

¹⁹ Laitloeknah he om ngawn coeng. Vangnah tah diklai la ha pawk coeng dae hlang rhoek loh a khoboe thae a khueh dongah vangnah lakah yinnah te lat a lungnah uh.

Johan 3:19 Iomraidhean Croise

Luka 12:47

A bawipa lawng sai sak ham a ngaih te a ming de aka sai nawh tih oepsoehla aka awm nawh tuihyoeihthlaang te tah dan a tat vetih a bawh doetthloet ai.

Luka 16:14

Tangka aka ngaih soeh Farasi thlaang thli lawng he kah awl boeih he a yaak u vengah Jesuh te a nuihna u.

Johan 1:4

Te awl te tah hingna kungpui la awm tih te kah hingna lawngah thlaanghing tengla aangna te avan khuen.

Johan 1:5

Te kah aangna lawng yiinna khui te a thue tih, yiinna lawng metuek vengah khaw thih thai manawh.

Johan 12:31

Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Johan 12:43

Ahimi lawng Pathen kah koehna lak ah thlaanghing kah koehna te a ngaih ngai u dawngah ni.

Johan 12:46

A-u khaw kai aka tangna tah yiinna khuiah a awmna nawh ham kai tah dilai ah aangna la ka law poen.

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Johan 7:17

A-u khaw Pathen kawngaih te sai ham aka ngaih lawngtah kan cang puei u he Pathen tengah aka law aw, tihnawhtah kamah kah saithaina aana oen ka thui aw ti he a ming ai.

Johan 7:7

Dilai lawng nangmi n'thina moenih, kai ni n'thina, metihtiah kai lawngah ahimi kah athe te ka poer pe dawngah n'thina u.

Johan 8:12

Jesuh lawngah Farasi thlaang thli nala te, “Kai tah dilai aangna ni, a-u khaw ka hu ah aka bang tah hingna aangna te a khueh vetih yiinna khuiah yingyawi tlaih manawh.

Johan 9:5

Dilai ka awm vengah he kai tah dilai ham aangna la ka awm” a tina.

Rom 1:32

He tila aka hing thlaang thli tah duek ham awm tila Pathen phungawl lawng a thui te a ming u. Tede he ang thaihu amami kah sai bueng ohla thlaangtloe lawng a sai u te khaw a kawtlaak puei u.

Rom 2:8

Thlaang khatsut lawngtah amami ham bueng a poek u tih asoeng thaihu te a hoett, thaihu the saina te a vai u; Pathen lawng thinsana oen thinlingna te ahimi sawah a hok pe ai.

2Thessalonika 2:12

Awltak aka tangna nawh tih thawlhna dawngah awmtheen aka boenn thlaang boeih tah awlcekna te a dang ai.

1Peter 2:8

Caciim atloe pakhat lawngah, “He lunghiim tah thlaang a ploengna lunghiim la awm ai, he lunghiim lawng ahimi te a tlim sak ai.” tila a thui. Ahimi lawngah awl te a tangna u nawh dawngah ploeng u; he tah ahimi hamla Pathen kah kawngaih roe ni.

2Peter 3:3

Lamhacuek ah nangmi lawng na ming u ham tah atue khawhin aboet ben ah ngoen tah a hingna te amami kah pumsa ngaihna lawng a uk thlaang khatsut law ai. Ahimi lawng nangmi te n'nuihna u vetih,