Johan 3:16 - Matu Chin New Testament 2006

¹⁶ Pathen lawng dilai he a lungna tangkiik dawngah a Capa khat bueng khueh duen te a peek, ahih te aka tangna boeih tah duek manawh, dungyan hingna te a khueh ai.

Matu Bible

¹⁶ Pathen loh diklai a lungnah tangloeng tih khueh duen capa te a paek. Amah aka tangnah boeih tah poci pawt vetih dungyan hingnah a dang ni.

Johan 3:16 Iomraidhean Croise

Mathai 9:13

Va cet u lang, “Ramsa oen thawthuengna lak ah reenna lungbui te ni ka ngaih,” tila caciim lawng a thuingaihna te poek u lah! Thlaangdoeng khue ham ka law nawh tih thlaangthawlh khue ham ni ka law” a tina.

Marku 12:6

Dum khuehkung lawng a tuih ham tah a lungduet amah capa khat bueng te ni a awm poen. Hukhueng atah, ka capa he tah dum aka vat hue lawng a hinyah ai a ti dawngah a capa te a tuih.

Luka 2:14

“Vaan asang koek ah Pathen thangpawm u hawn seh, a lungna thlaang thli a awmna dilai dawngah roepna awm hawn seh,” tila a thui u.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 1:29

Avuen khawhin atah amah tengla Jesuh a law te Johan lawng a huh tih, “Dilai thawlhna aka phuei Pathen kah Tuuca ke bueh u lah!

Johan 10:28

Te thli te dungyan hingna ka peek tih meveng khaw duek u tlaih manawh. A-u lawngkhaw ahimi te van rot u manawh.

Johan 3:15

amah te aka tangna thlaang boeih lawng dungyan hingna a khuehna ham ni.

Johan 3:18

A-u khaw Capa te aka tangna boeih tah awl cek manawh; tede a-u khaw aka tangna nawh tah awl cek la awm poen, metihtiah ahih lawngah Pathen Capa khuehduen khat bueng te a tangna nawh dawngah ni.

Johan 3:36

A-u khaw a Capa te aka tangna boeih tah dungyan hingna a khueh; a-u khaw a Capa awl te aka ngai nawh tah hingna te khueh nawh vetih Pathen thinsana te a sawah poe awm ai.

Johan 6:40

Metihtiah Capa te a huh tih aka tangna boeih lawngtah dungyan hingna te khueh hamla a Pa lawng a ngaih. Tecoengah aboetna khawhin ah ka thawh vetih ka hing sak ai.” a tina.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

Rom 5:8

Tede, thlaangthawlh la n'awm vengah Khrih tah mami ham a duekna oen Pathen lawng mami he metila n'lungna tite a tueng sak poen.

Rom 8:32

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

Ephesa 2:4

Tede Pathen kah reenna tah yahawh tih mami n'lungna te tah abo tangkiik dawngah,

2Thessalonika 2:16

Mami he n'lungna tih aboet nawh thincakna oen acak ngaiuepna te a lungvatna oen pekung mami kah Bawipa Jesuh Khrih amah oen mami kah Pa Pathen lawngah,

Titus 3:4

Tede, mami thlawnkung Pathen kah lungna oen reenna te a tueng veng kalawng tah,

Hebrew 2:9

Tede mami lawngah Pathen kah lungvatna oen thlaang boeih ham duek hamla vanthlaang thli lak ah ahem bet la aka awm Jesuh te n'huh u. Te tila te duekna patang a khangna rang oen tahe atah ruep-awmna oen hinyahna lumuek te a muek poen tite n'huh u.

1Johan 3:1

Pathen lawng ningmi n'lungna tangkiik he poek u lah! A lungna tah bo tangkiik tih mami he Pathen amah kah Ca-anau ti poen, te tila te awm tangtang. He kawng ah ni dilai lawng mami he m'ming u nawh: Pathen khaw ming u nawh.

1Johan 4:19

Pathen lawng mami n'lungna lamha dawngah mami lawngkhaw n'lungna van.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,