Johan 21:15 - Matu Chin New Testament 2006

¹⁵ Ahimi lawng a caak u coeng atah Jesuh lawng Simon Piter nala, “Johan capa Simon, he hue lawngah kai n'lungna lak ah nang lawng nan lungna ngaai aw?” tila a doet. Simon lawngah, “Oeih, Bawipa, kan lungna he na ming.” a tina. Jesuh lawng, “Ka tuu thli he atheenla van doen.” a tina.

Matu Bible

¹⁵ A caak uh vaengah Jesuh loh Simon Peter te, “Johan capa Simon amih lakah kai nan lungnah a?,” a ti nah. Peter loh, “Ue, Boeipa, Nang kan lungnah te namah loh na ming,” a ti nah. Jesuh loh, “Kai kah tuca rhoek te cuncah ne,” a ti nah.

Johan 21:15 Iomraidhean Croise

Mathai 10:37

“A-u khaw kai lak ah a manu oen ana pa te a thintlawhna ngaai atah kai kah hubang la koeih nawh: A-u khaw kai lak ah a capa oen a canu te a thintlawhna ngaai atah kai kah hubang la koeih nawh.

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Mathai 18:10

“Nangmi lawng he ang camaw pakhat Pateng khaw huhsit nawh ham ngaithuen uh. Atak tang kavan thui u, ahimi doenkung vanthlaang tah Vaan kah a Pa haiah awm yoeyah u.

Mathai 26:33

Piter lawng, “Thlaangtloe boeih lawng nang te n'hoett sut tih ng'heng taak cakhaw kai lawngtah kan heng taak roe manawh,” tila Jesuh te a tina.

Mathai 26:35

Piter lawng, “Nang oen duek haih ham toe awm mai cakhaw kan ming nawh tila ka thui roe manawh,” a tina. A hubang atloe hue lawngkhaw te tila a thui u van.

Marku 14:29

Piter lawngah, “Thlaangtloe hue lawng nang te n'ceh taak cakhaw, kai lawng tah nang he kan ceh taak sut roe manawh,” a tina.

Luka 12:32

“Rih u boel, metihtiah nangmi te na Pa lawng Vaan Ram peek ham a ngaih.

Luka 22:32

Tede Simon, na oengna te a tlaakna nawh ham ah nang ham ka thangthui. Tecoengah ka tengla koep na maang phai vengah na maya manau thli te tha van ra sak.” a tina.

Johan 1:42

Tecoengah Jesuh tengla Simon te a ceh puei. Jesuh lawng ahih te a bueh tih, “Nang tah Johan capa Simon na miingna, tede Sifas na miingna poen ai.” a tina. (He tah Piter tina oen lo hih tih “Lungto” tila thui ngaihna ni.)

Johan 13:37

Piter lawng, “Bawipa, n'tu ah tahe ah ka law thai nawh ai? Nang hamla tah duek khaw ka maa nawh” a tina.

Johan 16:27

Metihtiah a Pa amah lawng nangmi te n'lungna. Nangmi lawng kai he nan lungna u tih kai he Pathen teng kalawng ka law ti he na tangna u dawngah nangmi te n'lungna.

Johan 21:12

Jesuh lawng ahimi nala te, “Law uh, ca u loeih,” a tina. Bawipa ni tite a ming u poen tih a hubang khatca lawngkhaw, “Nang he a-u?” tila te doet re u tlaih nawh.

Johan 21:7

Jesuh lawng a lungna hubang pakhat lawngah Piter nala te, “Bawipa ni!” a tina. Piter lawng, Bawipa ni tite a yaak vengah a himbaidung a dul sut te a hingcen ah a yeen tih tui dawngah sungpung thuk.

Johan 8:42

Jesuh lawngah ahimi nala, “Pathen he nangmi kah na Pa tangtang kawinih kai he nan lungna u suide, metihtiah kai tah Pathen teng kalawng ka law tih tahe he ah he ka awm. Kamah kah aana oen ka law nawh, ahih lawng ni n'tuih.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Caeltueih 20:29

Kai ka ceh coeng atah nangmi tim ah metaang tluung thli te law u vetih ahimi lawng tuuca thli te a sa sueng sak manawh tite ka ming.

Rom 14:1

Oengna ben ah tha aka yoek thlaang thli te van do u lah, tede ahimi kah pumpakla a poek akawng alam dawngah ahimi oen oelhtaih u boel.

Rom 15:1

Mami oengna tha aka ra hue lawngah amami kah thalrih phueih ham tha aka yoek thli te talawng takai ham awm. Mami lawng mah bueng kah ngaikhuekna te sai ham awm nawh.

1Korin 8:11

Tedawngah tha aka yoek thlaang na maya manau, Khrih lawng a duek thil thlaang thli te nangmi kah ‘Cuihhoena’ lawngah te a rawk sak poen ai!

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Ephesa 4:14

Te atah thlaangtloe te thawlhpalhna benla aka mawt, thlaang thailatna ham suen coplap hoem awl oen ah thlaangthaipalat thli kah cangpueina tuiphu lawng a khuen tih thlihueng lawng a yawng camoe angla te ng'awm u tlaih manawh.

Ephesa 6:24

Mami kah Bawipa Jesuh Khrih te aka duek nawh lungna oen ah aka lungna boeih sawah Pathen lungvatna awm hawn seh.

Hebrew 13:20

Tuudoen Bo la aka awm mami kah Bawipa Jesuh lawngah amah kah thawthueng duekna rang oen dungyan la awlkamna te a cak sak poen dawngah Pathen lawng ahih te duekna kalawng a thawh sak poen.

Hebrew 4:13

Pathen haiah thuh phah thai thaihu khat khaw awm nawh; Pathen thaihu sai boeih lawng amah mik huh ah daih u vetih tueng pheng ai. Mami lawng m'mah kah sai boeih te a tengah n'thui ai.

1Peter 1:8

Nangmi lawng amah te na hu u nawh de na lungna u, tahe ah na hu u nawh de na tangna u. Tedawngah awl oen thui thai nawh awmngaihna alentloe oen asang koek kawhoena te na khueh u,

1Peter 2:2

Camoe thangpek angla awm u langtah muithla ben kah suuktui ciim te hall yoeyah uh, muithla ben suuktui ciim te na awkk u atah na roeng hang vetih thlawn la na awm u ai.

1Peter 2:25

Nangmi tah lawngpui aka hang tuu oen na lo u, tede tahe tah nangmi kah hingna Doenkung Tuudoen hu ah bang hamla nangmi te m'mel sak koep poen.

1Johan 4:19

Pathen lawng mami n'lungna lamha dawngah mami lawngkhaw n'lungna van.

1Johan 5:1

A-u khaw Jesuh Khrih tah Messiah ni tila aka tangna tah Pathen kah a ca ni. A-u lawngkhaw ana Pa te a lungna atah, ana Pa kah a ca thli te khaw a lungna.

Olphong 2:23

Ahih kah a hubang hue te khaw ka ngawn boeih vetih tevengah kai tah thlaang boeih kah poekna oen kawngaihna mingkung tila Khrihcabu boeih lawng a ming ai. Nangmi pakhat rip he na saina taring ah kan thung ai.